InfoHub Logo

Oqýshylardy UBT men OJSB - ǵa daıyndaýdyń tıimdi joldary
Bilim berýdiń sapasyn arttyrý men sapaly bilim berý júıesin qurý maqsatynda 2004 jyldan bastap respýblıkamyzda Ulttyq biryńǵaı testileý júıesi engizildi. Ulttyq biryńǵaı testileý - jalpy orta bilim berý uıymdarynda oqýshylardy qorytyndy atestattaýynyń bir túri.

Ulttyq biryńǵaı test – bilim sapasynyń basty kórsetkishi. Mekteptiń damýy oqýshyny sapaly bilimdi, tolerantty jáne ultaralyq problemalardy sheshýge daıyn jeke tulǵa bolady dep kútiledi. Al sanaly bilim berý tikeleı oqytý sapasyn arttyrýǵa baılanysty bolǵandyqtan, muǵalimniń kásibı deńgeıin, biliktiligin arttyrý basty nazarda.

Bilim berýdi damytý tujyrymdasynda bilim sapasyn kóterýdiń basty quraly esebinde Ulttyq Biryńǵaı Testiileý engizilgeni belgili. UBT - nyń maqsaty – mektepti bitirýshi túlekterdiń negizgi bes pánnen baǵdarlamany qanshalyqty meńgergendigin anyqtaý. Baǵdarlama – memlekettik qujat. Ony tolyq meńgerý - oqýshynyń, meńgertý – muǵalimniń eń basty mindeti. Mektep sol arqyly balany erteńgi ómirge daıarlaıdy, oqýshynyń bolashaqta belgili bir mamandyq ıesi bolýyna jaǵdaı jasaıdy.
Biryńǵaı testileý júıesi elimizde jyl saıyn jetildirilip keledi. Ár jylǵy test júıesi mektepte bizdiń qalaı oqytyp jatqanymyz ben mektep bitirýshilerdiń neni talap etetini arasyndaǵy alshaqtyqty anyqtap beredi. Bul jaǵdaı ár muǵalimnen UBT - ǵa daıyndaýdyń tıimdi ádis - tásilderin sheber meńgerýdi talap etedi. Búginde tarıhty oqytýdaǵy basty maqsat dúnıejúzilik damýdaǵy adamzattyń orny erekshe ekendigin, ol jasaǵan búkil álemdik qundylyqtardy biletin, olardy óz Otany - Qazaqstannyń damýy úshin paıdalanýǵa yntaly, jan - jaqty jetilgen, óziniń qoǵamdaǵy ornyn túsinetin azamattardy qalyptastyrý. Bul mindettiń oryndalýynda Ulttyq biryńǵaı testileý synaǵyna oqýshylardy jan - jaqty daıyndaý úlken ról atqarady. Mine, osy Ulttyq biryńǵaı testileý engizilgennen bergi ýaqyt ishinde jylma - jyl oqýshylardy fızıka páninen daıyndap kelemin. Oqýshylar arasynda testini jattap alsaq boldy degen teris túsinikte qalyptasqan. Test suraqtaryn únemi jattap alý, testileý kezinde jaýaptardyń bári durys sıaqty bolyp, oqýshylardyń shatasyp qatelikke jol berýine ákeledi. Jattaý ádisi boıynsha oqýshy oqıǵanyń túp - tamyryna nazar aýdarmaıdy.

Ár muǵalimniń oqýshyny daıyndaýda ózindik ádis - tásilderi bolady. Mende testige qatysty tájirıbede kózim jetken, kúndelikti júrgizip otyrǵan jumysym týraly, oqýshylardy Ulttyq biryńǵaı testige daıyndaýda qoldanatyn ádis - tásilderimmen oı bólisip, ortaǵa salǵym keledi. 10 - 11 synyp oqýshylaryna aldymen UBT - ǵa qalaı daıyndalý kerek ekendigi jóninde túsinik beremin. Olarǵa myna jaǵdaılardy qatań este saqtaýlaryn talap etemin.

1. Taqyrypty aldymen oqýlyqtan qarap shyq.
2. Sabaqty zeıin qoıyp oqyp, kerekti jerlerin dápterge túsir.
3. Taqyrypqa qatysty suraqtarǵa jaýap berýge tyrys.
4. Daıyndyq barysynda mektepte ne bolmasa úıde suraq - jaýap ádisin paıdalan.
5. Test suraqtaryna durys jaýap berý úshin aldymen qate jaýapty syzyp tasta.

Oqýshylardy UBT men OJSB - ǵa daıyndaýdyń tıimdi joldary. júkteý