InfoHub Logo

Taqyryby: Ara men Shybyn. Ospanhan Áýbákirov.
Maqsaty: Oqýshynyń jeke qabileti men belsendiligine súıene otyryp, mysaldaǵy túıindi oıdy ashýǵa jaǵdaı jasaý. Óz betinshe shyǵarmashylyqpen jumys isteýge baýlı otyryp, baılanystyryp sóıleýin, shyǵarmashylyq oılaýyn damytý.
Sabaqtyń túri: saıys - sabaq. Ádisi: suraq - jaýap, taldaý, izdený. Kórnekiligi: sýretter, syzba

Barysy: İ. Uıymdastyrý kezeńi: Sabaqqa daıarlyq. Adamnyń kúlkisi – álemdegi eń ǵajaıyp qubylystardyń biri. Adam kúlkiniń kómegimen tanysa da, qoshtasa da alady. Jymıys bizdiń sezimimizdiń sarasynyń ashylýyna jol ashady. Kúlki arqyly kóńil kúılerińdi bildirilip kórińder. Bir - birińe jymıyńdar, kúlkilerińdi syılańdar. Rahmet! Endeshe sabaǵymyzdy bastaıyq.

İİ. Maqsat qoıý kezeńi: 1. Sabaqtyń maqsatyn, taqyrybyn habarlaý.
2. Jańa sabaqqa daıarlyq. Toptarǵa bólinip, saıys - sabaqty ótkizý. Sanamaq aıtý jolymen toptyń basshysyn tańdaıdy. Úsh qatardan top basshysy shyǵyp, ishindegi toptyń aty jazylǵan qaǵazdy oqıdy.
İ top – «Oqý» toby İİ top – «Jazý» toby İİİ top – «Óner» toby.
(Toptyń aty taqtaǵa ilinedi. Top basshylaryna upaıdy esepteıtin baǵalaý paraǵy beriledi. Olardyń mindeti – jaýap bergen óz tobynyń balalaryn belgilep otyrý. Jınaǵan fıshkany sanap, ár toptyń upaıy eseptep shyǵarylady. toptyń aty jazylǵan árbir qaltashaǵa upaıdy salyp otyrady.)

İİİ. Jańa sabaq: Kirispe. jańa sabaqtyń maqsatymen tanystyrý.
1. Avtor týraly qysqasha derek.
Ospanhan Áýbákirov 1934 jyly týyp, 1986 jyly qaıtys bolǵan. Ol Almaty oblysy Jambyl aýdany Qaraqastek aýylynda dúnıege kelgen. Qurmanǵazy atyndaǵy Almaty Óner ınstıtýtynyń teatr fakúltetin bitirgen. Onyń «Qońyraý», «Bódene», «Kúlkińiz kele me?», «Anaý men Mynaý», «Bir dorba», t. b. kóptegen jınaqtary bar. Ospanhan Áýbákirov – talantty satırık. Satırık dep adamnyń boıyndaǵy teris qylyqtardy synap, mysqyldap jazatyn jazýshyny aıtamyz.

2. Úntaspadan «Ara men Shybyn» dıalogyn tyńdatý.
3. Tirek syzba boıynsha mysaldy taldaý.
4. Ara men Shybyn beınelengen sýret boıynsha ekeýine minezdeme, sıpattama berý.

İÚ. Sabaqty bekitý: «Kim myqty?» saıysy.
A) «Óner» tobynyń tapsyrmasy. Ara men Shybyn qanatyn jamylyp, rólge bólinip oınaıdy.
Á) «Oqý» toby mysaldaǵy túıindi oıdy jazady.
B) « Jazý» toby Ara men Shybyn jaıly «Eger men Shybyn bolsam...» taqyrybyna esse jazady.

«Kim aqyn?» tapsyrmasy. Úsh topqa óleń boıynsha uıqas tabý tapsyrmasy beriledi.
Keldi araǵa Shybyn
Jıyp jatqan shyryn,
Shaqyrdy Shybyn qonaqqa.
Ara kelse keshigip,
Jatyp qapty sheshinip.
Qonaqty durys kútpepti,
Shybynǵa aqyl jetpepti.
Jumysty tez ári durys oryndaǵandary úshin upaı beriledi.

«Kim utqyr?» tapsyrmasy. Bul tapsyrma boıynsha mynandaı suraqtar taratylyp beriledi. Oqýshylar oılaryn myna suraq negizinde jınaqtaıdy:
1. «Qonaqjaı» degendi qalaı túsinesiń?
2. «Qonaq» degen kim? Qonaqtyń qandaı túrleri bar?
3. Qonaqty iltıpatpen qarsy alý degendi qalaı túsinesiń?

«Kim tapqyr?» tapsyrmasy.
Mysal boıynsha maqal - mátel taýyp jazý tapsyrmasy beriledi.
1. Kelgenshe qonaq uıalady, kelgen soń úı ıesi uıalady.
2. Qonaq asyńa emes, qabaq - qasyńa rıza.
3. Eńbekshiniń nany tátti, jalqaýdyń jany tátti.

Ú. Qorytý. Qandaı taraýdy aıaqtadyq?
Úİ. Úıge tapsyrma:
1. Oqý, kesteni toltyrý.
2. Baǵalaý.