InfoHub Logo

"Otaý" baǵdarlamasy 2024 jyldyń 1 naýryzyndaiske qosylady. Sol kúnnen bastap 30 sáýirge deıin (qosa alǵanda) qazaqstandyqtar Baspana market (otbasybank.kz) portalynda baǵdarlamaǵa qatysý týraly ótinish joldaı alady. Ótinish berý ýaqyty mańyzdy emes.

"Otaý" baǵdarlamasyna kimder qatysa alady?

"Otaý" baǵdarlamasy – turǵyn úı qurylys jınaq júıesine qatysýshylar úshin baspana satyp alýdyń qosymsha quraly. Ol qazaqstandyqtar arasynda únemdeý mádenıetin nyǵaıtýǵa ári arttyrýǵa arnalǵan. Sebebi, eń únemshil salymshylardyń tómen paıyzdyq mólsherleme boıynsha zaem alý múmkindigi bar. Sondaı-aq, turǵyn úı qurylys jınaqtary júıesinde salym jınaqtaý birneshe jyldan keıin zaem boıynsha mólsherlemeni tómendetýge múmkindik beredi. Bul múmkindik Otbasy bank klıentterine "nesıedensharshaýdy" boldyrmaýǵa kómektesedi.

- "Otaý" baǵdarlamasy jumys isteıtin jastardy, jas otbasylardy, Otbasy bankiniń salymshylaryn turǵyn úımen qamtamasyz etýge baǵyttalǵan. Bul jyl saıyn zaemdardyńjartysynan astamy 35 jasqa deıingi qazaqstandyqtarǵa kredıt berýge bólinetinin bildiredi. Jyl saıyn biz qarjylandyrýǵa 150 mlrd teńge baǵyttaıtyn bolamyz. Bul aqsha Otbasy banktiń óz qarajaty esebinen bólinetin bolady, sondaı-aq qazaqstandyq qarjy naryǵynan da qaryz alyp, qarajat tartýdy josparlap otyrmyz."Otaý" baǵdarlamasy 7 jylǵa eseptelgen. Osy kezeńde biz 50 myń azamattyń turǵyn úı máselesin sheshýge kómektesemiz, - dep atap ótti "Otbasy bank" AQ Basqarma tóraǵasy Lázzat Ibragımova.

Ótinim berý ýaqyty aıaqtalǵannan keıin,otbasybank.kz saıtynda qatysýshylar tizimi avtomatty túrde jasaqtalady. Oǵan eń kóp upaı jınaǵandar kiredi.

Upaılar qalaı esepteledi?

- salym boıynsha syıaqy mólsheri úshin - árbir 1 000 teńgege 5 bal;

- salym merzimi úshin - salymnyń árbir jyly úshin 5 bal;

- tirkelgen neke úshin - 10 bal;

– balalardyń bolýy úshin - sanyna qaramastan 50 bal.

Eger úmitkerlerdiń upaılarynyń sany birdeı bolyp qalsa, onda basymdyq salym somasy kóbirek jáne jınaqtaý merzimi uzaǵyraq adamdarǵa beriledi.

İrikteýden ótken qatysýshylar 40 jumys kúni ishinde nesıelik ótinim bere alady. Bankten oń maquldaý alǵan jaǵdaıda nesıelik ótinim 6 aı ishinde jaramdy bolady. Osy ýaqyt aralyǵynda baǵdarlamaǵa qatysýshy baspana taýyp, nesıe alyp, ony satyp alýy kerek.

Zaem kólemi qandaı jáne qandaı turǵyn úı satyp alýǵa bolady?

- Almaty men Astanadaǵy zaemnyń eń joǵary somasy - 30 mln teńgege deıin;

- qalǵan óńirlerde - 18 mln teńgege deıin.

- tek alǵashqy naryqtaǵy turǵyn úı - Almaty, Astana, Shymkent qalalarynda jáne oblys ortalyqtarynda (onyń ishinde QTK kepildigimen úlestik qatysý sharty boıynsha);

- basqa eldi mekenderde kez kelgen turǵyn úı.

Baǵdarlamaǵa qatysýshy jańa turǵyn úıdi Baspana market (otbasybank.kz) portalynan ǵana satyp ala alady. Bul qyzmet jańa turǵyn úı baǵdarlamasynyń bastalýy aıasynda turǵyn úı baǵasynyń jasandy ósýine jol bermeýge arnalǵan.

Árbir nysan atalmysh platformaǵa ornalastyrylmastan buryn, turǵyn úıdiń aǵymdaǵy naryqtyq baǵasy negizinde qunyn bekitý prosesinen ótetin bolady. Eger ol naryqqa sáıkes kelse, onda qurylys salýshymen sharshy metr baǵasyn belgileı otyryp, turǵyn úıdi satý týraly kelisim jasalady.

"Otaý" baǵdarlamasynyń sharttary:

Alǵashqy jarna - 20%-dan bastap;

Kredıt boıynsha mólsherleme - jyldyq 9% (JTSM9,2% bastap).

Nesıe merzimi - 19 jylǵa deıin.

"Otaý" baǵdarlamasyn iske asyrýdyń barynsha ashyqtyǵy úshin onyń qatysýshylarynyń tizimi (zaemalýshylardyń kelisimimen) Otbasy bankiniń saıtynda jarıalanatyn bolady. Árbir adam ótinimderdi irikteý jáne upaılardy esepteý nátıjelerimen otbasybank.kzportalda tanysa alady.