InfoHub Logo

Ózin - ózi taný sabaǵynyń jospary 5 synyp
Taqyryp: Otbasy jarastyǵy
Qundylyq: Súıispenshilik Qasıetter: Syılastyq, baýyrmaldyq, adamgershilik, meıirimdilik, janashyrlyq.
Sabaq maqsaty: Oqýshylardyń syılastyq, mahabbat qundylyqtary týraly túsinikterin keńeıtý
Mindetteri: - otbasy jarastyǵy, tatýlyǵy týraly túsinik qalyptastyrý
- otbasynda jaǵymdy qarym - qatynas jasaý iskerlikteri damytý
- ózara syılastyqqa tárbıeleý
Resýrstar:(quraldar, málimetter) Slaıd, plakat, stıkerler

Sabaq barysy:
1. Uıymdastyrý kezeńi. (topqa bólý) Tynyshtyq sáti.
2. Úı tapsyrmasyn tekserý
Muǵalim: Balalar, denelerińdi túzý, bastaryńdy joǵary
kóterip, yńǵaılanyp otyryńdar. Kózderińdi jumýlaryńa bolady. Aýany tereń jutyp, erkin tynystap, denemizdi bos ustaımyz.
Aınaladaǵy barlyq tirshilik ıeleri sizderdi aıalap, qorshap, qamqor bolyp jatyr. Sizder januıalaryńyzben baqytty sátti bastan ótkizip jatyrsyzdar. Kóńil - kúılerińiz óte jaqsy, sizder kúlip, tamasha sezimderge bólenip jatyrsyzdar. Tula boılaryńyzǵa mahabbat pen jaqsylyqqa toldy.
Endi kózimizdi ashyp, bastapqy qalpymyzǵa oralaıyq.

Sabaq barysyn taldaý:
3. Dáıeksóz.
«Uıada ne kórseń, ushqanda sony ilesiń»
Otbasynda balany jaqsy tárbıelese ol ádepti, aqyldy azamat bolyp shyǵady.

4. Áńgimeleý
- Balalar, biz búgin sendermen «Otbasy jarastyǵy» jaıly áńgime qozǵaımyz.
- Otbasy degenimiz ne?
- Otbasy degenimiz bir úıde turatyn eń jaqsy týys adamdar. Ol adamdardy otbasy músheleri deımiz.
- Sen otbasynda kimsiń?
- Men otbasynyń múshesimin, áke men anamnyń balasymyn, atamen ájemniń nemeresimin.
- Otbasy músheleri bir – birimen qandaı qarym – qatynas jasaıdy?
- Áńgimelesedi, bir – birin syılaıdy, balalar úlkendi tyńdaıdy, birge demalady.
- Otbasynda qandaı jaǵymdy jaqsy sózder aıtylady?
- Rahmet qaıyrly kún, as dámdi bolsyn, jolyńyz bolsyn, kóriskenshe, keshirińiz.
- Óz úıińde sen úshin eń qymbat nárse ne?
- Jaqsy kóńil - kúı, syılastyq, tatýlyq
- Iá, durys aıtasyńdar balalar, bir shańyraq astynda turatyndardyń bir - birine syılastyǵy, mahabbaty, baýyrmaldyǵy, bir – birimen yntymaǵy tatýlyǵy, birligi otbasy jarastyǵyn quraıdy.

5. Shyǵarmashylyq jumys, toptyq jumys.
Sahnalaý «Syılastyq»
1. Ata, áje bolyp aqyl aıtý
2. Áke bolyp erkeletý, ana bolyp meıirimdi bolý.
Berilgen maqaldarǵa súıenip, shaǵyn áńgime quraý.
Ata – asqar taý,
Ana – baýyryndaǵy bulaq
Bala - jaǵasyndaǵy quraq.

Ata – báıterek
Bala - japyraq.

Anańdy Mekkege úsh arqalap barsań da,
Qaryzyńnan qutyla almaısyń.

6. Toppen án aıtý.
Ákem ánim
7. Úı tapsyrmasy.
Meniń otbasym áńgime jazý,
otbasy sýretterin alyp kelý (sýret kórmesin ótkizý.)

8. Sońǵy tynyshtyq sáti.
Oqýshylar júrekshelerge otbasyna, jaqyndaryna degen ystyq tilekterin jazyp júrekke aparyp iledi.

«Sam mektep – balabaqsha kesheni» KMM
Muǵalim: Mambetova Nazgúl