InfoHub Logo

Taqyryby: Otbasy shańyraq berekesi
Maqsaty: Oqýshylarǵa otbasy, otbasyn quraıtyn adamdar, ár adamnyń otbasynda alatyn orny men mańyzyn túsindirý. Oqýshylardy meıirimdilikke, qamqorlyqqa, súıispenshilikke tárbıeleý.
Kórnekiligi: slaıd, plakat
Barysy:
- Búgingi bizdiń tárbıe saǵatymyz «Meniń otbasym» dep atalady. Sabaq barysynda biz otbasy, adamǵa eń qymbat, eń jaqyn adamdar týraly, olardyń meıirimdiligi, súıispenshiligi, ımandylyǵy týraly sóz etemiz. Adamǵa meıirimdilik, súıispenshilik, qaıyrymdylyq eń áýeli árkimniń óz otbasynan bastalady. Ár úıdiń ishindegi adamdar sol úıdiń otbasyn quraıdy. Otbasy degen ne? Kim óz otbasy týraly aıtady?
«Meniń otbasym» oqýshylardyń óz otbasy týraly áńgimeleýi
- Otbasyndaǵy eń úlken, qadirli adam kim?
- Ol - ata
1 - oqýshy
Meniń atam myqty adam,
Kúshtilerden yqpaǵan
Jas keziniń ózinde,
Jigiti joq jyqpaǵan.
Dombyrasyn qolǵa alyp,
Án salady atashym
Kúı tartqanda tolǵanyp,
Qyzyǵyna batasyn,

2 - oqýshy
Aıtady ertek jan atam,
Aq saqalyn sıpalap
Qumarymdy tarqatam
Jer men kókti aralap
Ertegiler eline
Bir shegetin sapardy
Ardaqtaımyn ómirde
Asqar taýdaı atamdy.

- Otbasynda atadan keıingi adam kim?
- Áje. Oqýshylar óz ájeleri týraly aıtady.
Án: «Ájemniń sháıi»

3 - oqýshy:
Kýáger keshegi zamanǵa
Árdaıym jaıdary
Júz óńdi,
Kóp ertek biletin qyzyqty
Kórseńder aıaýly ájemdi
Áldekim ájemniń shashyna
Ádeıi bor jaǵyp qoıǵandaı,
Kımeshek tartqanda basyna
Bolady aqsha bult qonǵandaı.

- Atańnyń balasy
Keı kezde talasyp
Qalasyń ájege,
Bilgeniń asady kádege
Ol kim?
- Ol - áke

4 - oqýshy:
Ystyq - aý kim - kimge de áke degen
Sýyqqa shalyndyrmaı mápelegen
Ómirdiń soqtyǵymen órge tartyp,
Aldymen adam bol dep jetelegen.

- Balalar, úıimizdiń qutyn darytyp, tún uıqysyn tórt bólip terbetetin, aýyrǵanda dáriger bop emdeıtin, aıaýly adam, eń asyl jan, qyzyǵyńdy da, buzyǵyńdy da kóteretin, únemi janynda perishtedeı qorǵap, demeý beretin kim?
- Ol - ana
- Kim óz anasy týraly aıtady?
Oqýshylardyń óz analary týraly aıtady.

5 - oqýshy:
Álpeshtegen balasyn
Ana – baqyt, ana - kún
Árkim súıip óziniń
Maqtan eter anasyn.

6 - oqýshy:
Ózińsiń, súıikti anam, qudiretim,
Janymdy jadyratyp kúldiretin.
Sendegi maǵan degen mol meıirdi
Nur toly qos janaryń bildiretin.

- Kim áke - ana týraly án biledi?
Oqýshylardyń oryndaýyndaǵy án
- Sonymen balalar, ata, áje, áke. Ana bizge qandaı adamdar?
- Eń qymbat adamdar

7 - oqýshy:
Qut - bereke atań qymbat,
Meıirimdi ájeń qymbat
Asqar taýyń ákeń qymbat,
Aımalaıtyn anań qymbat.
- Sonymen otbasyn kimder quraıdy?

Qandyaǵash qalasy, №1 orta mektebi
Daıyndaǵan: Quraqbaeva K. E.

Otbasy shańyraq berekesi. júkteý