InfoHub Logo

Sabaqtyń taqyryby: Ótkendi pysyqtaý.
Sabaqtyń maqsaty: Ótken taraý esepterin qaıtalaý arqyly óz bilimderin tıanaqtap kórsete bilý kerek. Esepteýde aýyzsha, jazbasha tásilderdi qoldaný, logıkalyq oılana otyryp oryndaý qajet. Tapqyrlyqpen shapshań, óz betinshe toppen jumys jasaı bilý tıis.
Sabaqtyń túri: toptyq jumys túrindegi sabaq.
Sabaqtyń ádisi: suraq – jaýap, izdený, logıkalyq jumys.
Sabaqtyń kórnekiligi: oqýlyq, ınteraktıvti taqta, fıgýralar. t. b.

Sabaqtyń barysy:
1. Uıymdastyrý kezeńi. 5 mınýt Oqýshylardy asyq tústeri arqyly toptarǵa bólý Ár top músheleri óz mindetterin bólisýi, anyqtaý. Baǵalaý paraqtaryn taratý.

2. Psıhologıalyq daıyndyq. 2 mınýt
Maqsatymyz bilim alý.
Mindetimiz eńbektený,
Eńbek etip toptasa,
«5 - ke» qoldy jetkizý.

3. Ótken sabaqty pysyqtaý. 5 mınýt Oqýshylar óz toptarynyń asyqtarynyń túsindegi belgilengen suraqtarǵa jaýap beredi.
Aq tústi asyq aq dóńgelek suraqtaryna.
Qyzyl tústi asyq qyzyl besburysh suraqtaryna.
Jasyl tústi asyq jasyl úshburysh suraqtaryna.

4. Logıkalyq tapsyrmalar berý. 6 mınýt Úsh topqa paraqshaǵa jazylǵan tapsyrmalar taratylady. Bul tapsyrma toppen sheshiledi.
1 - top: «Jyl qaıyrý» esebi.
- Neshedesiń?- dedi aqsaqalǵa jigit aǵasy. - 4 jylqy, toqtymyn, - dedi Táttimbet kúıshi. Táttimbet neshe jasta? Dananyń sózi asyl tas. Jaýaby. Táttimbet 4 jylqy deý arqyly ózine tórt múshel tolǵandyǵyn aıtty jáne toqty deý arqyly 2 jas qos dedi, ıaǵnı 49+2=51.

2 - top - «Bárin birge oılap qoı» esebi.
Túıe, bota mań basqan, Tórt aıaǵyn teń basqan. Shunaq qulaq bes eshki, Qos - qos laqty qos eshki, Tórt qozyly eki qoı, Bárin birge oılap qoı. Bul esep Qyryq bir túıir qumalaq, ótirik aıtpaı, shynyn aıt, - túıindeýimen bitedi de Qazaq dalasynda da qumalaqshynyń da óz esebi bar ekendigi, onyń qurmet pen senimge ıe bolǵanyna qumalaqshy da birlikke shaqyrǵanyna kúmándanbaımyz. Jaýaby: 19 bas mal.

3 - top: «Úndi sháıi» esebi.
Sáske kez bolatyn. Anam kesege sháıdi toltyryp qoıa saldy. Kenje inim qolyndaǵy qantyn sol kesege túsirip aldy. Alaıda qant qup - qurǵaq kúıinde qaldy. Nelikten dep oılaısyń? Buta túbi keýegi, Keýeginde kójegi. Bulaı dep aıtýy esepti sheshýge bolatyndyǵyn, ári ol ózine tanys nárseden bastalady degenge tireledi. Jaýaby: qant qurǵaq shaı ústine tústi Toptar ózara birin - biri baǵalaý

5. Sergitý sáti: 2 mınýt
Erkin usta deneńdi,
Tarsyldatpaı edendi,
Ornymyzdan turyp ap,
Júgireıik bir ýaq.
1, 2, 3 biz esepke saldyq kúsh,
«Artyq» dese qosamyz
«Kem» dese alamyz,
«Ese artyq» dese kóbeıtemiz.
«Ese kem» dese bólemiz.
Bir, eki úsh.

6. Oqýlyqpen jumys 3 topqa esepterdi bólip berý. 5mınýt
№5. Bos orynǵa tıisti sandy qoı.
№6. Tez esepte
№7. Esepti oqy: sheshýin jaýabyn jaz.
№9, 10
Ózderin top basshysynyń baǵalaýy.

7. Juptyq tapsyrma 5 mınýt
1 - top. 1) Qabyrǵasynyń uzyndyǵy 4 sm - ge teń sharshynyń perımetrin tap.
2 - top. 2) Perımetri 24 sm; 32sm; 28sm - ge teń sharshynyń qabyrǵasynyń uzyndyǵyn tap.
3 - top. Eki qabyrǵasy ózara teń úshburyshtyń perımetri 22sm. úshinshi qabyrǵasynyń 6sm. Úshburyshtyń ózara teń qabyrǵalarynyń uzyndyǵyn tap. Ekeýara baǵalaý

8. Ózindik jumys. 7 mınýt « Meńgere bil» Osy maqaldardyń maǵynasyn túsindirip meńger jáne osyǵan baılanysty esepter qurastyr
3 - sanyna baılanysty
Dosyńdy úsh kún synama, úsh jyl syna.
Jumysqa úsh jylda úırenedi, jalqaýlyqqa úsh kúnde úırenedi.
At baspaımyn degen jerin úsh basady.
3+3=6
33+33=66
3X33=99 t. s. s
4 - sanyna baılanysty:
Tórt kisige shaı quıǵansha, tórtpen birge qos aıda.
Tórt aıaqty jylqy da súrinedi.
Tórt aıaǵy teń jorǵa súrinerde de saspaıdy.

8 - sanyna baılanysty:
Dos segiz bolsa, dushpan segiz.
Jamannyń aıaǵy segiz, biri shalmasa biri shalady.
Sanaq sanamaı segiz deme, synap - synamaı dos deme.
Ózin - ózi baǵalaý ádisi

9. Ataýyn aıtpaı - aq fıgýralardy sıpatta. 3mınýt
Oıyn. «Men qaı fıgýramyn?»..
Tórt qabyrǵasy bar, tórt buryshy bar. Qarama – qarsy qabyrǵalary teń. Tórt buryshy bar, eki buryshy doǵal, eki buryshy súıir. Tórt qabyrǵalary bar. (tik emes tórtburysh)
Bir buryshy tik, eki buryshy súıir. Úsh qabyrǵasy bar. (úshburysh)
Tórt qabyrǵasy bar. Barlyq qabyrǵalary teń. Tórt tik buryshty. (sharshy)
Muǵalimniń baǵalaýy

Qorytyndylaý.
5 mınýt Ár top óz múshelerin baǵalaıdy, muǵalimniń baǵalaýymen qortyndylaý, sabaqty aıaqtaý. Ár oqýshy óziniń beınesin taqta betine stıker arqyly kórsetý.

Qostanaı oblysy, Arqalyq qalasy,
A. Baıtursynov atyndaǵy
bastaýysh gımnazıa Balova B. Ý.