InfoHub Logo

Taqyryby: Oınaıyq balaqaı

Maqsaty: Balalardy oıyn arqyly tabıǵat týraly bilimderin tıanaqtaý. Jyl boıy alǵan bilimderin qyzyqty oıyndar arqyly bekitý. Balalardy zeıindilikke, tapqyrlyqqa, tez oılaý qabiletterin arttyrýǵa tárbıeleý.

Shattyq sheńber: «Kúlki»
(Balalar bir - birine kúlki syılaıdy)
Jumbaq sheshý
Qyz kep jasyl kóılekti,
Saı - salany sóıletti.
Qus bitkendi saıratty,
Qar dalany jaıratty. (kóktem)

Kóktem: Sálemetsizder me, balalar, apaılar.
Men kóktemmin. Men senderdiń jyl boıǵy bilimderińdi kóreıin dep, senderge qyzyqty oıyndar alyp keldim.
Tárbıeshi: Jaraıdy kóktem endeshe biz sizben qyzyqty oıyndardy uıymdastyryp oınaıyq.
Endeshe balalar kóktemniń ákelgen «Eger de... ne bolar edi?» oıynyn oınap kóreıik.
«Eger de kún bolmasa ne bolar edi?»
(qarańǵy bolar edi, qorqynyshty bolar edi, bir - birimizdi kórmes edik, ósimdikter óspes edi, kún jylynbas edi)
Tárbıeshi: Durys, kún jylýyn bersin desek, nuryn shashsyn desek, myna kóńilsiz bolyp turǵan tabıǵatymyzdy jandandyraıyqshy. Ol úshin birinshi tabıǵatqa ne kerek dep oılaısyńdar?
Balalar: Kún kerek.
Tárbıeshi: Balalar kúnniń de bizben oınaǵysy keledi eken. Káne bárimiz oınap kóreıik.
1. Dıdaktıkalyq oıyn: «Qoıan birinshi qaı úıge barady?»
2. Dıdaktıkalyq oıyn: «Pishinderdi óz ornyna ornalastyr»
Tárbıeshi: Tabıǵatymyzdy jandandyryp kúndi ornalastyraıyq.
«Eger de aǵash bolmasa ne bolar edi?»
Balalar: Qustarǵa uıa bolmas edi, jazda kóleńke bolmas edi, taza aýa bolmas edi, jelden bizdi qorǵamas edi.
Tárbıeshi: - Durys balalar, aǵashtarmen biz «ne artyq» oıynyn oınaıyq.
- Sıyr, qoı, eshki, túıe, jylqy, aǵash?
- Toqyldaq, bulbul, qarlyǵash, qaratorǵaı, taýyq?
- Ata, áje, apa, áke, bala, qyz, masa?
- Túlki, aıý, qasqyr, qoıan, tıyn, kese?
Tárbıeshi: Balalar aǵashymyz kórkeıip óssin dep, aǵashty tabıǵatymyzǵa ornalastyraıyq. Balalar, biz oıynymyzdy ary qaraı jalǵastyraıyq.
«Eger de biz kúni boıy oınamasaq ne ister edik?»
Balalar: İshimiz pysar edi, eshtemege qyqzyqpas edik, bir - birimizge dos bolmas edik, denemiz shynyqpas edi t. b.
Tárbıeshi: Endeshe káne bárimiz qımyldy oıyn: «aýa, sý, jer» oıynyn oınaıyq.
Balalar biz oıynymyzdy ary qaraı jalǵastyraıyq.
«eger de qus bolmasa ne bolar edi?»
Balalar: Aǵashtardy, ósimdikterdi qurttan qorǵamas edi, orman kóńilsiz bolar edi, qustar án aıtpas edi t. b
Tárbıeshi: Balalar qustar bizge ertegiler elinen qasqyr, túlki, arystandy ala kelgen eken. Olar ne deıdi káne tyńdap kóreıikshi.
1. «Qasqyr men túlki» ertegisin ústel ústi teatrymen sahnalaý.
2. «Arystan men túlki» ertegisin sahnalaý.
Tárbıeshi: Balalar ertegi senderge unady ma?
Endeshe qustarǵa rahmetimizdi aıtyp tabıǵatymyzdy odan ári jandandyraıyq.
Tárbıeshi: «Eger de gúl bolmasa ne bolar edi?»
Balalar: Tabıǵat ádemi bolmas edi, sulýlyq bolmas edi, araǵa bal bolmas edi, jerdiń kórki bolmas edi.
Tárbıeshi: Balalar ádemi gúlderimizdi tabıǵatymyzǵa ornalastyraıyq. Endi qarańdarshy tabıǵatymyz qandaı ádemi boldy. Eger kún bolmasa, gúl bolmasa, jerdiń kórki bolmas edi. Eger bulardyń bári bolmasa tabıǵatymyz da, eshqandaı tirshilik bolmas edi. Endeshe tabıǵatymyzdy aıalaıyq. Balalar osy qyzyqty oıyndardy alyp kelgen, Kóktemge rahmet atyp: «Kóktem keldi» ánin oryndap bereıik.
Kóktem: Balalar men senderge rızamyn. Men sendermen jylǵa deıin qoshtasamyn. Saý bolyńdar.