InfoHub Logo

Óz ómirim ózime qundy!
Sabaqtyń maqsaty. Oqýshylarǵa ómir súrý týraly durys, jaǵymdy kózqaras qalyptastyra otyryp, olardyń óz ómirlerin durys qurý, ómirde kezdesetin qandaı qıyndyqtar bolmasyn ony jeńe bilý jáne ómirdi baǵalaı bilý týraly túsinik berý.
Kórnekiligi. Ómir - arnasy keń ózen, sol ózennen óz arnańdy taýyp aǵý seniń basty maqsatyń.
Muǵalimniń kirispe sózimen bastalady.
Sózi men áni A. Qyryqbaevtiki «Ǵajaıyp áni tyńdaldy.
Oqýshylar oqýlyqta berilgen oı - tolǵaýlarmen tanysyp, ómir týraly óz oılaryn ortaǵa saldy.

1 - oqýshy.
Ómir dúnıe degeniń.
Aǵyp jatqan sý eken.
Jaqsy jaman kórgeniń
Oılaı berseń ý eken.

2 - oqýshy.
Qalaı turar bul kózden muń kórinbeı -
Ǵumyr qysqa kóktemniń gúlderindeı.

3 - oqýshy.
Ómirde óz jolymyzdy tabý úshin qorshaǵan ortany tanyp bilýimiz kerek;
- Rýhanı qundylyqtardy tereń meńgerýimiz kerek;
- Boıymyzǵa adamgershilik qasıetterdi darytýǵa tıispiz;
- Aldymyzǵa qoıǵan maqsat - murattarymyzǵa qol jetkizýge tıispiz.

Psıholog sózi: Óz - ózine qol jumsaýdyń basty sebepterin aıta ketsem: Problemanyń kóptigi - Barlyq problemalar sheshilmeıtindeı kórinedi. Olardy bir - birlep sheshýge oıyn shoǵyrlandyra almaıdy.
Basqa adamnyń janyn aýyrtýǵa áreket jasaý -«olar áli ókinetin bolady», ıaǵnı kek alý.
Problemany sheshý joly - keıde adam óz - ózine qol jumsaý arqyly problemalaryn ózimen birge alyp ketip, otbasyna jeńildik jasaımyn dep oılaıdy.
Batyldyǵy men kúshin kórsetý - batyl jáne kúshti adam ǵana óz - ózine qol jumsaýǵa qabiletti degen uǵym qalyptasqan.
Ómirdegi qaıǵyny, qıyndyqty, sátsizdikti kótere bilý kerek. Jańa jaqsy oılar oılaý kerek. Adam ómiri jeńis pen jeńilisten, sáttilik pen sátsizdikten, qaıǵy men qýanyshtan quralady. Mine ómirdiń ózi bile - bilseń sonysymen qymbat.
Endi osy ómir týraly oılarymyzdy trenıń - jattyǵý jasaý arqyly jalǵastyraıyq.

«Problemalardy qıyp tastaımyn» jattyǵýy.
Aq paraqtyń oń jaǵyna óz problemalaryńdy shatasqan jip kúıinde sýret etip sal. Keskinniń tómengi jaǵyna óz problemalaryńdy shatasqan jip kúıinde sýret etip sal. Keskinniń tómengi jaǵyna «Meniń problemalarym» dep jaz. Nemese ony naqtyraq ataýyńa bolady. Keskinniń sol jaǵyna tómenirek ózińniń fotosýretińdi beınele de esimińdi jaz. Sodan soń qaıshy al da jipti, ıaǵnı problemańdy qıyp tasta. Seniń kórneki túrde kóziń jetti: Problema joıylyp ketti. Qaıshynyń júzi arqyly bir sátte qıyp tastadyń. Dálirek aıtqanda, osy is - áreket týyndaǵanda qıyn jaǵdaılardy jeńil sheshýge bolatynyna kózińdi jetkizedi.

Psıholog sózi: Sonymen trenıńten qandaı áser aldyńdar. Qandaı da bir máseleniń sheshiletin joly bar ekenin túsindik.
Mazasyz jaman, jaǵymsyz, maǵynasyz oılar adamdy psıhıkalyq, tándik jaraqatqa shaldyqtyrady.
Ózderiń oılańdarshy? Sonda ne ózgerdi? Odan sen ne utasyń?
Onyń kimge paıdasy, kimge zıany tıedi?..
Eshteńe de ózgermeıdi, eshteńe de utpaısyń, esh paıdasy joq, kerisinshe ózińe jaqyn adamdaryńa zıanyńdy tıgizesiń. Árıne dushpanyńa kúlki, dostaryńa eń qymbat adamyńa, ata - anańa baýyrlaryńa orny tolmas qaıǵy, qasiret ákelesiń, odan basqa eshteńe joq. Ómirdegi kezdesetin sátsizdikterdi ýaqytsha qıyndyq dep qabyldaý kerek. Ár nárseniń aqyryn shydamdylyqpen kútip, ne isteseń de oılanyp isteýge úırený kerek.

Ári qaraı
«Sergitý» trenıńi.
Kózimizdi jumamyz, aınalamyz typ - tynysh, yńǵaılanyp otyryp alyńyz...
Sizge óte jaıly, typ - tynysh, siz tek meniń daýysymdy estip tursyz. Siz kele jatyrsyz, aldyńyzdan orman shyqty, Kóz aldyńyzǵa elestetińizshi: ıaǵnı qalyń orman ba, álde sırek orman ba - ózińiz tańdaısyz.
Siz kele jatyrsyz, aldyńyzda qumyra kóresiz, qumyrany alasyz ba - ony da ózińiz bilińiz.
Kele jatyrsyz - alystan bir úıir jylqy kóresiz. Sol jylqyǵa jaqyndap barasyz ba, álde aınalyp ótip ketesiz be?- ózińiz sheshińiz.
Endi aldyńyzdan ózen kóresiz - ol ózen jáı tolqynmen aǵyp jatyr ma, álde shýlap tasyp jatyr ma? Ony da ózińiz tańdańyz.
Orman - ol sizdiń problemańyz, ıaǵnı alda kezdesetin orman sırek bolsa, onda sizdiń problemańyz da sırek bolady, odan tez ótesiz. Eger qalyń orman tańdasańyz alda qalyń úlken problema kútip tur.
Jol sizdiń keńdigińiz nemese tarlyǵyńyz tańdaǵan jolyńyzǵa sáıkes keledi.
Ámıan - ol sizdiń aqshańyz, Siz ámıandy alsańyz bolashaqta sizdiń aqshańyz kóp bolady. Eger ámıandy almasańyz siz aldaǵy ýaqytta qarjy jaǵynan qınalatyn bolasyz.
Qaqpa - qıyndyqtan ótýińiz, qaqpany ashyp kirseńiz - qıyndyqtan jáı ótesiz, ıaǵnı tózesiz, al sekirip ótseńiz - qıynshylyqtan qınalmaısyz. Al aınalyp ótseńiz, qıynshylyqtardan qashasyz.
Qumyra - ol sizdiń ata - babańyzdyń baılyǵy.
Jylqy - attyń qasyna jaqyndasańyz siz baqytty adamsyz. Aınalyp ótseńiz - óz baqytyńyzdan aınalyp ketkenińiz.
Ózen - ol jaı bolsa, sizdiń minezińiz jaıly bolǵany. Al shýlap tasyp jatyrsa - sizdiń qattylyǵyńyzdy bildiredi.
Ózińdi ótken, osy jáne keler shaqta qalaı kóresiń, elestete otyryp sýretin sal.
Taldaý:- Osy sýretterdiń qaısysy saǵan asa unaıdy?
- Keleshekte ózińdi kim dep elestetesiń?
- Sende qandaı qasıetter paıda boldy?
- Sen óziń ne tiler ediń?