InfoHub Logo

Men, Shattyqpyn, tek júretin shattanyp
Ustazbyn dep aıta alamyn maqtanyp
Ózgelermen terezemde teń bolar
Qalmaǵanmen jyr joldarym jattalyp

Kelisemin úlkenderdiń sózimen
Júrip kelem solar salǵan izbenen
Talaı shákirt ushyrǵanmyn bul kúnde
Bala janyn uǵynamyn kózinen

Qatysqanmyn saıys, jarys, syndarǵa
Jasyratyn sirá mende syr barma?
Alǵys hattar, dıplomdar, maqtaýlar
Kóz aldyńnan ótip jatyr, syn bar ma?

Mende oqydym deńgeıliktiń sońǵysyn
Sabaǵyma paıdalanam sol shyn
Jańartylǵan oqýdy da taýystym
Múmkin olda bolmas maǵan sońǵy shyń

STO – ny meńgerttim oqýshyma
Meńgermegen oqýshy – oqýshyma?
Meńgergeni sonshalyq STO – ny
Óleń jazyp ketkeni oqýshyda

Oqýshymdy báıgege ıkemdeımin
Shyǵarmashyl bolsyn dep jeteleımin
Aýdannan júlde alǵan soń shákirtterim
Baǵyndyr dep bıikti jeteledim

Zeınet jasyn uzartty elbasymyz
Jasty qoıshy, aman bolsyn basymyz
Elý degen erdiń jasy emespe?
Alpys úshte sekeńdeıdi – aý kári qyz

Nemere joq, jıen joq, áli taspyn
Qyz ben ulǵa qojamyn ózim baspyn
Olar meni oılap júr ekeý bolmaı
Sondyqtanda, qyzdar – aý, áli jaspyn

Meńgerdim ǵalamtorda jelilerdi
Jelidegi dostardan seni kórdim
Baıqasam ınternettik saıystardy
Oqýshyma qatys dep jelik berdim

Minekeı, ınternettik jobalardan
Kóz súzip eshkimnende surap almań
Jumysty bildirtpeı – aq jibere sap
Qanjyǵama alǵys hattar baılap alǵam

Zaman bizdi osylaı úıretedi
Jamandyqtan laıym jırentedi
Túlep ushqan shákirtterim ustaz bop
Tek meni emes, elimdi de súısintedi

Al, dostarym, ózińmen saıys daıyn
Kezdesemiz sendermen saıys saıyn
Tanys aımaq, tanys mań dep jyrlaǵan
Muqaǵalı bilesiń óz aǵaıyń

Tanys adam, tanys jer dep jyrladym
İske sát dep sálemimdi joldadym
Tanısyńdar siz meni, men sizderdi
Tanystyrý rásimin men sozbadym