InfoHub Logo

Qyzylorda oblysy, Qazaly aýdany, Qazaly aýyly,
№100 orta mektebiniń qazaq tili men ádebıeti páni muǵalimi
Qambarova Saǵıra Laýbaıqyzy

Taqyryby: Bilikti maman, baspager - ensıklopedıst, jazýshy Tileýhan Jumahanovtyń ómiri men shyǵarmashylyǵy týraly «Parasat bıiginen kóz jazbaǵan qalamger»

Maqsaty: Tileýhan Jumahanov jazýshy ómiri men shyǵarmashylyǵy týraly maǵlumat berý, bilimderin keńeıtý, uly tulǵa shyǵarmashylyǵyna qurmet, maqtanysh sezimderin oıatý.
Bilimdilik: Jazýshy shyǵarmalarynyń taqyryptary jáne olardyń ózindik erekshelikterin tanytý;
Damytýshylyq: Óz betimen izdenýge, oı túıýge baýlý, óz oılaryn erkin, naqty jetkize bilýge baýlý, til baılyqtaryn qoǵamǵa degen ózindik kózqarasynyń qalyptasýyna yqpal etý;
Tárbıelik:Sóıleý mádenıetin jetildirý, shyǵarmashylyq jumys arqyly tanym túsinikterin damytý, shyǵarmalarynan jazýshy ómirinen úlgi ónege alý, ultyn, elin súıýge jáne týǵan eliniń azamaty bolýǵa tárbıeleý.

Ádisi: İzdenýshilik, oı qozǵaý suraq-jaýap, shyǵarmashylyq taldaý
Túri: Konferensıa
Tıpi: Ónege
Kórnekiligi: Interaktıvti taqta, jazýshy shyǵarmalary,(doklad) baıandamalar
Barysy:
1. Uıymdastyrý kezeńi
Konferensıanyń jumys tártibi
Konferensıaǵa qatysýshylardyń kelýi
1.Konferensıaǵa qatysýshylardy tirkeý
2. Májilistiń ashylýy
3. Plenarlyq májilis
4.Úzilis
5. Seksıalar jumysy
Qorytyndy plenarlyq májilis, konferensıa jumysynyń qorytyndysy boıynsha rezolúsıasyn qabyldaý
Baıandama reglamenti
Plenarlyq májilistegi baıandama 7-10 mınýt
Seksıadaǵy baıandama 5-7 mınýt
Jaryssóz 3 mınýt
Plenarlyq májilis

Quttyqtaý sóz
Qosh, keldińizder, konferensıaǵa qatysýshylar!
Qurmetti 10-synyp oqýshylary búgingi Syr óńiriniń azamaty oıshyl, daryndy aýdarmashy baspager , kórnekti jazýshy, Tileýhan Jumahanovtyń ómiri men shyǵarmashylyǵyna arnalǵan
«Parasat bıiginen kóz jazbaǵan qalamger» atty konferensıaǵa hosh keldińizder!
«Tarıhı sana arqyly ulttyq sana qalyptasady, ulttyq sana arqyly ultjandylyq, otanshyldyq, patrıotızm qalyptasady»,- dedi búgingi avtorymyz. Sizderdi boılaryńyzda ultjandylyq, otanshyldyq sezim bolsyn.
Búgingi aıtqaly otyrǵan jazýshy Tileýhan Jumahanovtyń ómirimen shyǵarmashylyǵy týraly oılaryńyz sátti shyqsyn. İzdenis oılaryńyzǵa sáttilik tileımin
Baıandamalar taqyryptary
1. Tileýhan Jumahanov qazirgi zamanǵy zıalylar ortasynda óz qatarlastarynan oqshaý kózge túsetin dara tulǵa.
Oqıtyn: Qojaq Gúldana
2. Tileýhan Jumahanov kórkem - ádebı ǵylymı-tanymdyq kitaptardyń avtory.
Myńtaı Aqmarjan
3. Tileýhan Jumahanov bilikti, daryndy, oıshyl - ensıklopedıst «Qazaqstan»atty kop tomdyq ensıklopedıalyq shyǵarmalary.
Qalmyrza Nursulý
4. «Qasym han»tarıhı baıany - ádebıetimizden oryn alǵan shyǵarma.
Keńes Abaı
5. Tileýhan Jumahanov –talantty aýdarmashy.
Rollan Nurgúl
Qorytyndy

Qurmetti oqýshylar!
Kórnekti jazýshy, jýrnalıs, baspager atpal azamat, uly tulǵa Tileýhan Jumahanov ómiri men shyǵarmashylyǵy oqyrman qaýymǵa úlgi-ónege jazýshy ádebıet, óner, tarıh fılosofıa máselelerine, tipti jaratylystaný ǵylymdaryna jan-jaqty bilimdar bolǵan.

Ol barsha kúsh-qaıratyn jurt jumysyna, ult qamyna arnady: rýhanıatymyzǵa olja bolyp qosylǵan tól ensıklopedıalarymyzdy jaryqqa shyǵardy jastarǵa kórkem mura qaldyrdy.
Ózgelerden pikiri bólek edi. Ózgeler óz pikirin qıly turǵydan, qıly eseppen aıtsa, ol óz pikirin tek ulttyq múdde turǵysynan ǵana aıtatyn.

Onyń Qazaqstan ensıklopedıasyna sińirgen eńbegi, mádenıettanýǵa, ádebıettanýǵa tarıh salalaryna arnalǵan túrli anyqtamalyqtary - ózindik bir ulttyq naqyshymen erekshe dúnıeler.
Jazýshy erekshe qarapaıym kishipeıil aq jarqyn meıirimdi azamat bolǵan. Ony súıgen halqy, oqyrmandary erekshe qurmet tutady. Úzilis

Teńiz perzenti.
10-synyp oqýshysy Qojahmet Gúlimaı
Tileýhan Jumahanov Qyzylorda oblysy, Aral aýdany , Uıaly aýylynda 1956 jyly 15mamyrda ómirge kelgen.
T.Jumahanov 1971-1972 oqý jyly burynǵy №420 qazirgi №70 mektepke 9-synyptan bastap, buryn Bekarystan bı aýylynda oqyǵan. Aýyldyq jerden kelgen oqýshynyń qalada oqyp júrgen oqýshylarǵa qaraǵanda óziniń zeıindi, bilimdi, tıanaqtylyǵy arqasynda qabiletti boldy. Ol gýmanıtarlyq sabaqtar tarıh, ádebıetke beıim boldy. Az sóılep, kóp tyńdaıtyn, óte baısaldy, bir sózdi,tapsyrmany der kezinde buljytpaı oryndaıtyn, aqyldy, parasatty oqýshy edi.

Ol qaı sabaqta bolsyn úlken daıyndyqpen keletin, ásirese tarıh, ádebıet pánderinen asyqpaı sóılep, oıly pikirler aıtatyn. Ol kitapty kóp oqydy. 10-synyptyń komsorgy bolǵan. Klastastary onyń keleshegine úlken senimmen qarady, sol jyly QazGÝ-dyń fılologıa fakúltetine oqýǵa tústi.
Ol janǵa jaıly minezi, dosqa degen, týysqa degen janashyrlyǵy, januıasyna degen berik mahabbaty kimge bolsa da úlgi edi...

Adamnyń asyly edi
Omar Symbat
Jazýshy ómiriniń aspandatyp aıtatyndaı eshbir ereksheligi joq. Qatarlastarynan qalmaı mektepke barǵan, partalastarynan oqshaýlanyp, kitapqumar bolǵan, shyǵarma jazǵanda ádebıetshi ustazdaryn tamsandyryp, nazaryna ilikken.
Osy qushtarlyq armany asqaq balań jigitti qazaqtyń qara shańyraǵy atanǵan áıgili Qaz GÝ-ǵa ákeledi.
Aımańdaı akademıkter men aq shashty profesor-ustazdary onyń órshil oılaryn ushtaı túsedi. Áńgimeleri respýblıkalyq gazet-jýrnaldarda birinen keıin biri jarıalanady.
Jazýshyny taralymy 450 myńǵa deıin kóterilgen «Qazaqstan áıelderi» jýrnalyna jumysqa shaqyrady.

Sózi qandaı ornyqty bolsa, júrisi de sondaı salmaqty jazýshy kózildirigin bir kóterip qoıyp, basylýǵa berilgen kitaptyń bir betine ózgeris engizedi. Kúnde bir jańalyǵy, jaqsylyǵymen zymyrap ótip jatqan ýaqytta oıyna qozǵaý salǵan materıal enip qalsa eken degen shynaıy kóńili jańa basylymnan kedergisiz órnek tabady.
Ómirlik tájirıbesi, bastan keshkeni bir bólek ózine jeterlik azamattyń ýaqyttyń qadirin biletin, eldiń bári de ózim sekildi dep oılaıtyn ereksheligi de tánti etetin edi.

Elin súıgen ul
Ómirzaqov Dinmuhamed
Jazýshy Tileýhan Jumahanovtyń bilimdarlyǵy men biliktiligi, rýhanı baılyǵy men oı -órisi qandaı keń deseńizshi! Onyń ǵylymı dárejesi bolmady.
Óziniń bilimdiligine sengendiginen óte prınsıpshil bolǵan. Óz pikiriniń durystyǵyn ǵylymı dárejeli ǵalymdardyń aldynda da dáleldep shyǵýshy edi. Onyń taǵy bir qasıeti-qarapaıymdylyǵy. Jazýshy qalamynan qalǵan kórkem týyndylary, aýdarmalary, ár jyldary qaǵazǵa túsken, merzimdi baspasózde jaryq kórgen oı-tolǵamdar jınaǵy, ózi tikeleı aralasqan, basshylyq jasaǵan qanshama basylymdar, barlyǵy endi týǵan ádebıetimizdiń, týǵan rýhanıatymyzdyń erteńine qyzmet jasaıtyndyǵy kózimizge medeý.