InfoHub Logo

Pedagogtarǵa arnalǵan trenıń
Maqsaty: Tárbıeshilerdiń uıymdastyrýshylyq qabiletin arttyryp, bir - birine degen senimdilik ahýalyn qalyptastyryp, ujym arasyndaǵy qarym - qatynasty damytý. Emosıa týraly uǵymdy keńeıtý, adamnyń tolyq minez - qulyq senarıin jasaýǵa múmkindik berý. Trenıń arqyly pedagogtardyń kóńil - kúılerin kóterip, kásibı sheberligin shyndap, toptasyp jumys isteý júıesin odan ári jetildirý.
Sabaqqa qatysýshylar: meńgerýshi, ádisker, tárbıeshiler, pán pedagogtary
Sabaqtaǵy jumys túri: toptyq
Sabaq ádisi: pikirlesý, oıyn
Sabaq túri: trenıń
Kórnekilik quraldar: Dop, janýar beınesin beınelegen kartochkalar, maı sham, maskalar, geometrıalyq pishinder.
Trenıńtiń júrgizilý barysy: Tárbıeshiler mýzyka áýenimen zalǵa kiredi. Trenıńtiń taqyryby, maqsatymen tanysady.

1. Psıhologıalyq jattyǵý.
Júrgizýshi: Armysyzdar, qurmetti áriptester! Men sizderdi kórgenime qýanyshtymyn. Kánekı, bárimiz bir - birimizge, týystarymyzǵa, jáne jer betindegi barsha adamdarǵa shyn júrekten densaýlyq tileıik.
Ózimdi - ózim jaqtaımyn,
Densaýlyqty saqtaımyn.
Júrekten jyly sonshama,
Tileımiz saýlyq barshaǵa!
Úlken mahabbatpen,
Bárińizge densaýlyq tileımiz!

 1. «Tanysý» Qolyńyzdaǵy dopty kelesi tárbıeshige baǵyttar aldynda óz esimińizdi jáne onyń bas árpin paıdalana otyryp jaqsy qasıetińizdi atańyz.
2. «Óz úıirińdi tap» jattyǵýy. Maqsaty: Top arasynda senimdilik ahýalyn qalyptastyryp, qarym - qatynasty damytý. Oıynǵa qatysýshylar eki topqa bólinip, olardyń birine janýarlar aty jazylǵan jolaqtar taratylady. Ekinshi top sol janýarlardyń úıiri bolady. Birinshi top oıynshylary kózderin baılap, kelesi top oıynshylary ázirlegen janýarlar dybysyna saı óz úıirin tabady.(oıyn aıaqtalǵan soń ár oıynshynyń áseri tyndalady).
3. «Tar kópirde kezdesý» jattyǵýy. Nusqaý. Sizder ózenniń ústinde ornalasqan tar kópirde kezdesýge barasyzdar. Kópirden abaılap ótýge tyrysyńyz...(Jattyǵý aıaqtalǵan soń toppen talqylaý. Kópirden óter kezde sizde qorqynysh boldy ma? Qandaı áserde boldyńyz? Sizge bul oıyn unady ma?).
4. (Maskalar sherýi). Maqsaty: Emosıa týraly uǵymdy keńeıtý, tárbıeshilerdi mımıka túrlerin jasaı bilýge tárbıeleý. Tárbıeshilerge ár túrli emosıa belgilengen maskalar beriledi. Tárbıeshi qolyndaǵy maskalarda belgilengen emosıalardy kórsetýi kerek.(Jattyǵý aıaqtalǵan soń toppen talqylaý. Kóńilsiz maskalardyń kóńil - kúıin qalaı kóterer edińiz? Maska jaıynda oıyn tolyq aıtyp jetkizý t. b).
5. Sergitý sáti. «Shapalaq jańbyr». – Al sizder, bilesizder me, shapalaq soǵýdyń ózi ár túrli bolady eken. Sol alaqanǵa oń qoldyń suq saýsaǵymen soǵamyz. Sodan soń ekinshi saýsaqty qosamyz da \, eki saýsaqpen soǵamyz. Sodan keıin úsh saýsaqpen: tórt, bes, tutas alaqanmen shapalaqtaımyz. Tek bes saýsaqpen soǵamyz. Bir saýsaqty alyp tórt saýsaqpen soǵamyz. Úsh saýsaqpen. Eki, bir.(Jattyǵý jetekshiniń sanaýymen bir, eki, birneshe ret qaıtalanady). – Jaraısyzdar! Kóńil - kúılerińiz qalaı? Kóńilderińiz kóterildi me?
6. Panarın testisi boıynsha trenıń. – Ártúrli geometrıalyq pishinderdiń ishinen unaǵan pishindi tańdaısyz. Maqsaty: Adamnyń tulǵalyq tıpin tez arada anyqtaýǵa, kez - kelgen adamǵa tolyq minezdemeni túsinikti etip jetkizý. Minez - qulyqtyń senarıin jasaýǵa múmkindik berý. (Jattyǵý aıaqtalǵan soń ár pishinge minezdeme beriledi).
7. Maı shammen ótkiziletin trenıń. Qorytý. Júrgizýshi: Mine, bizdiń búgingi kezdesýimiz aıaqtaldy biraq, jolymyz bitken joq. Biz sizdermen árdaıymda qozǵalystamyz. Kez - kelgen maqsatqa jetkende bizdiń aldymyzdan jańalyqtar shyǵady, jańalyqtyń shegi joq. Epıgraf: «Biz qartaıǵandyqtan oıyn oınaýdy toqtatyp turǵan joqpyz, oıyn oınamaǵandyqtan qartaıamyz». Men sizderge shyǵarmashylyq tabys tileımin!