InfoHub Logo

Sabaqtyń tıpi: kirispe sabaq
Sabaqtyń túri: jarys sabaq
Sabaqtyń maqsaty:
Bilimdilik: oqýshylardyń pikirtalas týraly dúnıetanymyn keńeıtý, pikirtalasqa qatysty tirek sózderdi meńgertý.
Tárbıelik: oqýshylardy pikirtalas mádenıetine baýlý, jańa bilim alýǵa motıvasıa týǵyzý.
Damytýshylyq: oqýshylardyń toppen jumys isteý daǵdylaryn damytý, olardyń óz kózqarastaryn dáıektep, tujyrymdap aıta alý biliktilerin jetildirý.
Sabaqtyń formasy: toptyq
Sabaqta qoldanylatyn ádister: ınteraktıvti ádister, taldaý, túsindirý, oı qorytý
Sabaqtyń jabdyǵy: taratpa materıaldar, AT quraldary.

Sabaqtyń barysy:
1. Uıymdastyrý kezeńinde: 1) oqýshylardyń topqa bólinýi (Abaıdyń «Jigitter, oıyn arzan, kúlki qymbat» óleńin tarmaqtarǵa bólip, sol boıynsha toptastyryldy). 2) Sarapshylardy taǵaıyndaý (2mın).
Kirispe. (Sabaqtyń maqsaty, jospary jáne taqyryptyń mańyzy týraly muǵalimniń sózi) (1mın.)

2. Sabaqtyń barysy. Toptyq jumys:
1 - tapsyrma. «Pikirtalas mádenıeti» degendi qalaı túsinesizder? Osy uǵymdy ashatyndaı ereje - anyqtama qurap jazyńdar (2mın.)
Maqsaty: taqyrypty meńgerýge motıvasıa týǵyzý.
Baǵalaý krıterııleri:
- Oqýshylardyń termın sóz ben onyń bildiretin maǵynasyn baılanystyryp aıta alýy;
- Óz oılaryn dáıektep jetkize alýy.

2 - tapsyrma. Sabaq taqyrybymen ushtastyra otyryp, toptaryńyzǵa at qoıyńyzdar. Osy atty tańdaý sebepterińizdi dáıekteńizder. Top múshelerin tanystyryńyzdar (2mın.)
Maqsaty: oqýshylardyń assosasıalyq qabiletterin shyńdaý.
Baǵalaý krıterııleri:
- Oqýshylardyń oı jınaqtap, pikirin dáıekteı alýy;
- Tanyttyrýǵa qajetti sóz etıketin durys, júıeli qoldana alýy.

3 - tapsyrma. Ózderińiz kúndelikti ómirden, BAQ quraldarynan nemese merzimdi baspasóz betterinen kezdestirip júrgen pikirtalas túrlerin jazyńyzdar (2mın.)
Maqsaty: taqyryptyń ómirmen baılanysyn tanytý.
Baǵalaý krıterııleri:
- Oqýshylardyń oı jınaqtap, pikirin dáıekteı alýy;
- Tanystyrýǵa qajetti sóz etıketin durys, júıeli qoldana alýy.
3 - tapsyrma: Ózderińiz kúndelikti ómirden, BAQ quraldarynan nemese merzimdi baspasóz betterinen kezdestirip júrgen pikirtalas túrlerin jazyńyzdar (2mın.)
Maqsaty: taqyryptyń ómirmen baılanysyn tanytý.
Baǵalaý krıterııleri:
- Máseleni ózara talqylaý nátıjesinde ortaq túıin jasaı alýy;
- Ózine tanys qubylystardy saralap aıta alýy.

4 - tapsyrma: Qazaq jáne orys tilinde berilgen pikirtalas ataýlaryn aýdarmasymen juptap jazyńyzdar (3 mın.) Ekrannan «Sóztalas, krýglyı stol, oıtalqy, polemıka, atys, debat, oıkókpar, spor, pikirsaıys, dıskýssıa, dóńgelek ústel, dıspýt, aıtys» sózderi kórsetiledi.
Maqsaty: pikirtalas túrleri ataýlaryn meńgertý.
Baǵalaý krıterııleri:
- Termın sózdiń maǵynasyn túsine alýy.
(Oqýshylar jaýap bergen soń, durys jaýap nusqasy ekrannan kórsetiledi).

5 - tapsyrma. Pikirtalasqa qatysýshyǵa qoıylatyn talaptardy oqyp, olardyń ishindegi ózderińiz eń basty talap dep sanaıtyn bireýine túsinik berińizder (3mın.).
Maqsaty: pikirtals mádenıeti talaptarymen tanystyrý.
Baǵalaý krıterııleri:
- Talaptardyń mánin túsinýi;
- Óz oılaryn dáleldeı alýy.
Aıtyskerge qoıylatyn talaptar:
• Taqyryptan aýytqymaý;
• Ózindik aıqyn kózqarastyń, pozısıanyń bolýy;
• Ózin - ózi durys ustaı bilýi;
• Sóıleý sheberligi;
• Joǵary mádenıettilik (sózge toqtaý, daýys kótermeý, ashýlanbaý);
• Qarsylasyn da, aýdıtorıany da syılaý, t. b.;
• Qara basynyń namysymen qatar ortaq pikirge degen múddelilik;
• Qarsylasyna kezek berip otyrý;
• Reglament saqtaý.

6 - tapsyrma. Berilgen sóz oramdarynyń qaısylaryn pikirtalas ústinde múlde qoldanýǵa bolmaıdy dep sanaısyzdar? Sebebin sheshendikpen, sóz mádenıetimen baılanystyryp túsindirińizder (2mın.).
Maqsaty: alǵan bilimderine súıenip, pikirtalasta qoldanylatyn sóz oramdaryn talǵaı alýǵa úıretý.
Baǵalaý krıterııleri:
- Etıkettik sóz oramdarynyń maǵynasyn túsine bilýi;
- Óz pikirlerin ótken materıaldardy paıdalana otyryp bekite alýy.
1 - topqa usynylatyn sóz oramdary:
«Meniń oıymsha, Siz bir nársege mán bermeı turǵan sıaqtysyz», «Sózińizdi naqtylaı túspes pe ekensiz...». «Bulaı deýge múlde bolmaıdy», «Toqsan aýyz sózdiń tobyqtaı túıini nede?»
2 - topqa usynylatyn sóz oramdary:
«Sizdińshe, barlyq shıelenis bizdiń áreketimizden bastalady eken ǵoı...». «Basqa pále tilden» degen, baıqap sóıleńiz, áıtpese...», «Sózimiz sulý saraıdaı, biraq jylýy qandaı?», «Oılanaıyqshy...»

7 - tapsyrma. Serik Negımov pen Bernard Shoýdyń pikirlerin tirek etip ustanyp jáne joǵaryda aıtylǵan óz oılaryńyzǵa súıenip, Demokratıalyq qoǵamdaǵy pikirtalastyń mańyzy týraly sabaq qorytyndysyn tujyrymdap jazyńyzdar (3mın.).
Maqsaty: sabaqta alǵan bilimderin qorytý.
Baǵalaý krıterııleri:
- Dáıeksózdi oryndy qoldanyp, óz sózimen sabaqtastyqta jetkize alýy.
- Aıtylǵan oılardan túıin jasaı alýy.
1. Serik Negımov: «sheshendiktiń anasy - demokratıa».
2. Bernard Shoý: «eger qolynda bir - bir almasy bar eki adam sol almalaryn almasa, onda báribir ekeýin de bir - birden alma qalar edi. Al bir - birden jańa oıy bar eki adam bir - birimen pikir almassa, onda olardyń árqaısysynda eki - ekiden oı qalyptasady».

Sabaqty qorytyndylaý. Oqýshylar bilimin baǵalaý
Úıge tapsyrma: Pikirtalas týraly ne bilgim keledi? Degen suraqqa 4 - 5 pýnktten turatyn jaýap jazyńyzdar.