InfoHub Logo

Memleket basshysy Qasym-Jomart Toqaevtyń «Jańa Qazaqstan: jańarý men jańǵyrý joly» atty Qazaqstan halqyna joldaýy boıynsha fılosofıa jáne saıasattaný fakúlteti, dintaný jáne mádenıettaný kafedrasynyń oqytýshy-professorlar quramymen birge talqylap, Prezıdentimizdiń paıymyn joǵary baǵalady. Qasym-Jomart Kemeluly elimizdiń saıası júıesin keshendi jańǵyrtý baǵdarlamasyn usyndy jáne bul qujat eń aldymen qoǵamnyń qajettiligine, suranysyna negizdelgenin atap ótti. Qoǵamnyń damýyn negizge ala otyryp, ulttyq, mádenı qundylyqtardy da alǵa qoıdy. Osylaısha, eldiń kórkeıýine barynsha úles qosý árbir qazaqstandyqtyń boryshy bolyp tabylady. Joldaýdyń negizgi bóligi eldiń áleýmettik-ekonomıkalyq damýyna arnalǵan. Atap aıtqanda kelesi máselerledi qolǵa alý josparlanýda: 

• Jalaqyny jáne ál-aýqatty arttyrý; 2022 jylǵy 1 qańtardan bastap eń tómengi jalaqy mólsherin (ETJ) 60 myń teńgege deıin kóbeıtý boldy. Buryn 42 500 teńgeni quraǵan bul kórsetkish 2018 jyldan beri óspegen.
• Zeınetaqy jınaqtaryn tıimdi paıdalanýdy jaqsartý; Joldaý aıasynda azamattardy qoldaý sharalaryn júzege asyrý týraly aıta otyryp, zeınetaqy jınaqtarynyń bir bóligin (eń tómengi jetkiliktilik sheginen joǵary) «Otbasy bank» AQ-daǵy shottarǵa aýdarýǵa jáne keıinnen turǵyn úı satyp alýǵa quqyq berý sıaqty mańyzdy qadamdy atap ótý kerek.
• Daryndy balalardy jáne jalpy bilim berý salasyn qoldaý; Memleket basshysy óz sózinde elimizde adamı kapıtaldy damytý qajettigine, sonyń ishinde bilim berý salasyn nyǵaıtýǵa únemi nazar aýdaryp keledi. Atap aıtqanda, jalpy bilim beretin pánder boıynsha halyqaralyq pándik olımpıadalardyń, shyǵarmashylyq konkýrstar men sport jarystarynyń jeńimpazdary men júldegerlerin qoldaýǵa baǵyttalǵan zańnamalyq ózgerister engizildi. Endi olar konkýrsqa qatyspaı-aq, joǵary oqý ornyna túsý úshin grant ala alady (jyl saıyn 16 negizgi baǵyt boıynsha 80 júldeger).
• Bıznesti qoldaý;  Eleýli ekonomıkalyq áseri men kásipkerler arasyndaǵy joǵary suranysty eskere otyryp, Memleket basshysy «Qarapaıym zattar ekonomıkasy» baǵdarlamasynyń qoldanylýyn uzartý týraly sheshim qabyldady, onyń aıasynda taýar óndirýshiler jeńildikpen nesıe ala alady. Ony qarjylandyrý 1 trln teńgege deıin ulǵaıtyldy.
• Infraqurylymdy jańǵyrtý jáne salý; Prezıdent óz sózinde ekologıa jáne el turǵyndaryn sýmen qamtamasyz etý máselelerine únemi nazar aýdarady. Sondaı-aq Prezıdent strategıalyq ınvestorlarmen birlesip elimizdiń túrli óńirlerinde keminde 2 400 MVt jańartylatyn energetıka qýatyn iske qosý mindetin qoıdy. Bul baǵyttaǵy jumys 2025 jylǵa deıin júredi, qazirdiń ózinde 715 MVt qýattylyq iske qosyldy.

Mine, Joldaýda osyndaı kókeıge úmit uıalatyp, qulshynysty arttyrarlyqtaı mańyzdy basymdyqtar aıtyldy, jańa mindetter júkteldi. Endigi jerde Joldaýda aıtylǵan ár tapsyrmanyń júıeli júzege asýyna atasylysyp el bolashaǵyn birge qurý óz qolymyzda.

Ál-Farabı atyndaǵy Qazaq Ulttyq ýnıversıteti

«Dintaný jáne mádenıettaný» kafedrasy

Dintaný mamandyǵynyń 2-kýrs magıstranty

Keńes Ánýar Almasuly

---