InfoHub Logo

Sabaqtyń taqyryby: Qadyr Myrza Álı «Ana» óleńi.
Sabaqtyń maqsaty:
Bilimdilik: Qadyr Myrza Álı ómiri men «Ana»óleńiniń mazmunyn oqýshylarǵa meńgertý.
Damytýshylyq: óz betinshe ana uǵymy týraly keń aýqymdy oı aıtýyn qalyptastyrý.
Tárbıelik: kúndelikti ómirde ananyń, áıel azamatshalardyń qoǵamdaǵy róliniń mańyzdylyǵyn bilýge daǵdylandyrý.
Sabaqtyń túri: Jańa bilimdi meńgertý
Sabaqtyń ádisi: Toptaý strategıasy, óleń shyǵarý.
Sabaqtyń kórnekiligi: ınteraktıvti taqta, aqyn portreti, úntaspa, jyr jınaqtary.
Pánaralyq baılanys: qazaq tili, tarıh.

Sabaqtyń barysy:
1. Uıymdastyrý bólimi. «Jyly sezim» (oqýshylar sheńber qurý arqyly birin - biri oqyǵan shyǵarmalaryndaǵy jaǵymdy keıipkerlerge uqsatyp, atap aıtý)
2. Úı tapsyrmasyn suraý. Sáken Júnisov «Aqyrǵy báıge» romany boıynsha «Báıge jarysy» týraly esse jazý.
3. Ótken taqyrypty pysyqtaýǵa arnalǵan suraqtar.
1) Kúreńbaı synshy «Mynaý bir pyraq eken» degende, ol Qulagerdiń qandaı sıpattaryna súıenip aıtty.
2) At ústinde neshe túrli óner kórsetip, syrnaı tartyp júrgen bala kim?
3) Móńkege Aqan nege «Baıqa bala Qulagerdi tym qyspa, shań qaptyryp top ortasyna, yqqa túse kórme, jel jaǵynda otyr» dedi?
4.«Oı shaqyrý» (Q. Myrza Áliniń «Qazaq osy» áni qosylyp turady. Taqtadan aqyn portreti kórsetiledi.)
- Oqýshylar, senderge án tanys pa?
- Bul kimniń óleńi? Aqyn týraly ne bilemiz?
- Qandaı óleńderin bilesizder? Oıymyzdy aýyzsha bildiremiz.
(Balalardyń jaýaby tyńdalady.)- Endeshe, búgingi sabaǵymyzdyń taqyryby da jerles aqynymyz, halyq jazýshysy Qadyr Myrza Áliniń shyǵarmashylyǵy men óleńderine arnalmaq.

5. Jańa bilimdi meńgertý. Qadyr Myrzalıev Jympıty aýylynda týǵan. Ol ataqty qazaq aqyny, halyq jazýshysy. Qaz MÝ - dyń fılologıa fakúltetin bitirgen. 1958 - 1993 jyly « Baldyrǵan» jýrnalynda ádebı qyzmetker, «Juldyz» jýrnalynda poezıa jáne syn bóliminiń meńgerýshisi, jaýapty hatshy boldy. Myrzalıevtiń alǵashqy óleńi 1954 «Pıoner» jýrnalynda jarıalanǵan. Ol «Aq otaý», «Dombyra», «Qoramsań» t. b. shyǵarmalaryn jazdy. Ol shetel elderi úshin eń ataqty adam. Onyń eńbekterin sheteldikter óte joǵary baǵalady.

1. Aqynnyń «Ana» óleńin mánerlep oqytý.
Bári de, Ana,
Bir ózińnen bastaldy.
Sen dep jazdym alǵash óleń
dastandy.
Qýandym ba,
Óziń bar dep qýandym.
Jyladym ba,
Óziń joq dep jas tamdy.

Bári de, Ana,
Bir ózińnen bastaldy.
Janaryńnan kórdim alǵash aspandy.
Erkelesem, bir ózińe erkelep,
Jasqandym ba,
Tek ózińnen jasqandym.

Alǵashqy dám, ol da sendik sút edi,
Aq sút bergen qashanda úmit kútedi,
Otanymnyń ózi senen bastalyp.
Jaýlaryma jetken jerden bitedi.
2. Óleń mazmunyn túsindirý.
3. Ádebıet teorıasynan bilim berý.
Janaryńnan kórdim alǵash aspandy - metafora
Aq sút - epıtet
4. Óleń qurylysyna qaraı taldaý.
Alǵashqy dám, /ol da sendik /sút edi,/- a, 3býnaq, 11 býyn.
Aq sút bergen/ qashanda úmit /kútedi,/- a, 3 býnaq, 12 býyn.
Otanymnyń/ ózi senen /bastalyp./- b, 3 býnaq, 11 býyn.
Jaýlaryma /jetken jerden /bitedi./- a, 3 býnaq, 11 býyn.
Bul óleń 3 shýmaqty, shýmaq tórt tarmaqtan, ár tarmaq úsh býnaqtan, on bir - on eki býynnan turady. Qara óleń uıqasymen qurylǵan(a, a, b, a).
5. Toptyq jumys. (oqýshylardy eki topqa bólý)
1 - top. Ana taqyrybynda maqal - mátel jazý.
2 - top. Ana taqyrybynda naqyl, qanatty sózder jazý.
6. Shyǵarmashylyqpen jumys. (Oqýshylar «ana»taqyrybynda óleń shyǵarady )
Oqýshy:
Ana degen ómirdiń máni ǵoı,
Baǵa jetpes qundylyǵy, sáni ǵoı.
Qadirleńder, baǵalańdar anany,
Meıirimge bólegen ol barshany.
Oqýshy:
Ana degen ómirimniń tiregi,
Tek «bala» dep soǵyp turar júregi.
Ana sútin báriń tatyp kórdińder,
Balasynyń qamyn oılap júredi.

6. Jańa bilimdi bekitý.“RAFT” ádisi. (Ótilgen taqyryp boıynsha)
Bilemin. Qadyr Myrza Álıdiń aqyn ekendigin.
Neni bildim? Aqyn ómiri men «Ana»óleńiniń mazmunyn.
Neni bilgim keledi? Qadyr Myrza Álıdiń otbasy týraly.
7. Úıge tapsyrma berý. Aqyn ómirin oqý,«Ana» óleńin jattaý, esse jazý.
8. Qorytyndy. Baǵalaý.
Qadyr Myrza Álı «Ana» óleńi. júkteý