InfoHub Logo

Maýken Tolǵanaı Amangeldiqyzy
Qazaq Ulttyq Qyzdar Pedagogıkalyq Ýnıversıteti
Fılologıa fakúltetiniń 1-kýrs stýdenti

Qazaqtyń qylyqty qyzdarynyń taǵdyry qazirgi tańda alaı-duleı, tym qarańǵy. Otbasylyq zorlyq-zombylyq, eldiń júrekke ınedeı qadalatan ótkir sózderi, qoǵamnyń qyspaǵy, eń aıaǵy, eń ókinishtisi ólim. Qazaǵymda qyzdy qyryq úıden tyıý degen sóz bar, alaıda sol tyıý, sol uıat qarakózderimizdiń túbine jetip bara jatqan joqpa? Kim bilsin...

Arýlardyń ar-namysyn taptaý qazirgi tańda qalypty jaǵdaıǵa aınalyp ketkendeı. Turmysta zorlyq-zombylyq kórdińbe? Úndeme! Uıat bolady! Bireý aryńdy taptady ma? Úndeme, aıtpa! Uıat bolady! Qorlyq kórip júrsiń be? Eshteńe etpes, úırenip ketesiń! Bul ne degen bitpeıtin shekteýler. Nelikten qyzdarymyz álimshektik pen zorlyq-zombylyqqa shydap júrýi kerek?Taǵdyry “Aqbilekten” beter bolsada úndemeı, ishten tynyp júrgen qyzdarymyz qanshama. Tipti ómiriniń sońy “Baqytsyz Jamaldaı” aıaqtalǵan arýlarymyzdy eske túsirsem, júregim qan jylaıdy.

Árbir jan bolashaqta ıakı qazirde qyz ósirip otyrǵany haq. Sol qaragóz qazaǵymyzdyń qyzdarynyń bolashaǵy úshin qazirden bastap uldaryńyzdy tárbıelegen jón. Otbasydan qyzǵa degen syılastyqty, iltıpatty kórip ósken bala eshqashanda bireýdiń álpeshtep otyrǵan qyzyna qıanat jasamaıdy degen oıdamyn. Al shańyraqtyń shattyǵy-qyz balasyna úıinde júrgende bar iltıpatty, izgilikti kórsetý kerek. Qyzdy babalarymyz bekerden beker tórge otyrǵyzbaǵan, qyz sol úıde qonaq. Qyzdy tyıý kerek dep barlyq zattan shektep tastaý óreskel qatelik. Qyzǵa bar mahabbatyńdy tógip, eshteńeden tarylytpaı ósirgen abzal. Sebebi qyz balasy óz uıasynan kórgen mahabbatyn barǵan jerine qut, bereke qylyp ákeletini sózsiz. Keıinnen sol otbasynyń “Ulpandaı” kósem, batyl, el anasyna aınalady.

Qyz taǵdyry - ult taǵdyry demekshi arýlarymyzdy barynsha alaqanǵa salyp aıalaıyq, jaqsy kóreıik. Qyzdarymyzdyń namysy úshin shybyn janymyz qıylsa da eshteńe etpes. Qazaqtyń qyzy degen ǵajap atqa eshkimniń de daq túsirýge haqysy joq. Aınalamyzdaǵy ápkeler, analar, qaryndastar barlyǵy da názik jandylar. Sol názik jandylardylardan nebir alpaýyt, batyrlar týady. Meniń oıymsha osy jaryq dúnıe syılaǵan anasyn qurmettegen er azamat, áıelin alaqanynda aıalap ustary anyq. Qaragózderimizdiń abyroıyn kirletpeı, kerisinshe sol qundylyqty saqtaýǵa berik bolaıyq! Egerde qyzdyń kóńilin taýyp, syılaı bilseń, ol saǵan Qonaev atamyzdyń Bıbi Zýhrasyndaı súıip, adal bolyp ótetini sózsiz.

---