InfoHub Logo

Sabaqtyń taqyryby: Qarapaıym grafıkalyq redaktory. Praktıkalyq jumys
Sabaqtyń maqsaty: Burynǵy alynǵan teorıalyq bilimderdi bir júıege keltirip, grafıkalyq redaktormen jumys isteý kezindegi saramandyq bilikter men daǵdylaryn qalyptastyrýdy jalǵastyrý.
Bilimdilik: Oqýshylardyń ótken taraý boıynsha bilimderin nyǵaıtý, bir júıege keltirip qorytý, teorıalyq bilimin praktıkamen ushtastyrý. Grafıkalyq redaktormen jumys isteý kezindegi praktıkalyq bilimderi men daǵdylaryn qalyptastyrýdy jalǵastyrý, redaktordyń qural - saımandaryn durys paıdalana bilý jáne komandalardy oryndaı alý qyzmetin meńgertý.
Tárbıelik: Halyqtyq pedagogıka negizinde tárbıeleý, jaýapkershilikke, óz betimen jumys isteýge, jumys nátıjesine jetýge, uıymshyldyqqa, jan - jaqty bolýǵa, izdenimpazdyqqa, qazaqtyń salt - dástúrin, qazaq tilin qurmetteýge, súıýge tárbıeleý.
Damytýshylyq:
1. Logıka oılaý qabiletin damytý.
2. Oqýshylardyń bilimin keńeıtip, kompúterge jumys istetý sheberligin odan ári shyńdaý jáne oqýshylardyń ózdiginen jumys isteýin damytý.
Pán aralyq baılanys: Beıneleý óneri, matematıka.
Sabaqtyń túri: Qaıtalaý, bilim bekitý, saıys sabaǵy.
Kórnekti qural - jabdyqtar: Kompúter, slaıdtar, elektrondy taqta, sýretter.

Sabaq jospary:
İ. uıymdastyrý kezeńi: «Boıaýlar syry» psıhologıalyq oıyn.
İİ. Naýryz kóje: Qaıtalaý suraqtary.
İİİ. Naýryz jumbaq: Elektrondy taqtada sýret salý.
İÚ. Sergitý sáti.
Ú. Naýryznama: «Seltetkizer» logıkalyq tapsyrmalar.
Úİ. Naýryz tilek: Shyǵarmashylyq jumys.
Úİİ. Naýryz bata: Qorytyndylaý, baǵalaý, úıge tapsyrma.

1. Uıymdastyrý kezeńi:
Balalar, búgin sabaǵymyzdy psıhologıalyq «Boıaýlar syry» oıynymen bastaımyz. Sender aldaryńda turǵan túrli - tústi qaryndashtan ózderińe unaıtyn tústi, joǵary kóterińizder. Men sizderdiń tańdaǵan tústerińizge baılanysty minezdeme aıtyp beremin.

Sap - sary men jasyl - darhandyq.
Ashyq kók pen qyzyl – bilimdilikke qushtarlyq.
Aq pen kúlgin kógildir – baıandy baqyt.
Kógildir men qyp - qyzyl – qabilettilik.
Aq pen kúreń qyzyl – erjúrektik.
Ashyq kók – qudaıǵa senýshilik.
Jasyl, aqshyl tús – shydamdylyq.
Qońyr – aqyldylyqtyń belgisi.
Mine, bizdiń ortamyzda jat minezdiń erinshek, qyzǵanshaq, ótirikshi, jabyrqańqy oqýshylar joq eken. Sondyqtan sabaǵymyzdy darhandyqpen, shynaıy sezimmen, erjúrektikpen, qabilettilikpen, bilimge degen qushtarlyqpen bastaımyz.

1. Naýryz kóje.
Elektrondy taqtada Naýryz beıneleıtin sýretter turady. Oqýshylardan Naýryz meıramy týraly málimetter jáne de sol merekeniń basqa meıramdardan aıyrmashylyǵyn suraımyn. Shyǵys eliniń búkilhalyqtyq meıramy, ıaǵnı, Ulystyń uly kúni – Naýryz buǵan deıin myńdaǵan jyl buryn shyǵys halyqtarynda jyl basy merekesi retinde toılanyp, erekshe kún retinde atalyp ótetin bolǵan. Naýryz – ejelgi mádenıeti, damyǵan eldiń biri parsynyń «naý - jańa, rýz - kún», ıaǵnı «jańa kún» degen sózinen shyqqany ejelden - aq belgili. Naýryz kóje Naýryz toıyna ǵana tán, kópshilikke arnalǵan merekelik taǵam. Ony ár úı jeti túrli dámnen: sút, sý, et, tuz, tary, qurt, jemis taǵy sol sıaqty syıly dámder qosyp, merekemen quttyqtaýǵa kelgenderge yqylaspen usynylady. Naýryz kójeniń dástúrlik, merekelik ulttyq taǵylymy óte zor. Ol barlyq adamdardy jomarttylyqqa izgilikke, uıymshyldyqqa, tatýlyqqa, birlikke shaqyrady. Olaı bolsa balalar biz Naýryz meıramyna arnap Paint grafıkalyq redaktorynda oısha naýryz kóje pisirip kórelik. Oqýshylarǵa ótilgen taqyryp boıynsha suraqtar qoıamyn. Suraqqa durys jáne naqty jaýap bergen oqýshy naýryz kójeniń bir dámin elektrondy taqta arqyly sýretin salady.(Ydystyń sýretin salyp syrtyna jazady). Mysaly: bıdaı, kúrish, et, tuz, tary, aıran nemese sút. Taǵamdy pisirý úshin qazan men ottyń sýretin salady.

2. Ótilgen taqyryptar boıynsha suraqtar.
1. Redaktordyń iske qosý joldaryn kórset?
2. Salynǵan sýretti saqtaý úshin qandaı pýnkter oryndalady?
3. Tuıyq kontýrdyń ishin boıaý úshin ---------- paıdalanamyz?
4. Myna quraldyń atqaratyn mindeti?
5. Boıaýlar taqtasyn jumys alańyna shyǵarý ---------- arqyly oryndalady?
6. Jumys ústelindegi sýretti birden joıý -------------- arqyly oryndalady?
7. Boıaýlar taqtasyndaǵy tústerdi ózgertý qandaı pýnkter arqyly oryndaımyz?
8. Jańa betti qalaı ashamyz?

3. Naýryz jumbaq.
Tabıǵatqa, aspan álemine, aýa raıyna, kún men túnge baılanysty aıtylatyn jumbaqtar osyndaı atpen atalǵan. Onda aqyndar, qyz - jigitter osy taqyryptarǵa ǵana tán qubylystardy jumbaqtap, óleńdetip aıtysatyn bolǵan. Balalar, men senderge Naýryz jumbaq jasyramyn. Jumbaqtyń sheshýin elektrondy taqtaǵa salamyz.
Bireýdiń bir uly bar jáne qyzy,
Biledi ol ekeýin dúnıe júzi.
Uıyqtaıdy uly túnde, qyzy kúndiz,
Júrgende bilinbeıdi basqan izi.
(Kún men tún)
Bir halyq aspanda, ushqan, aıaǵy joq,
Ustaǵan qoldarynda taıaǵy joq.
Kúnine talaı jerdi keter kezip,
Nárseniń bul sekildi saıaǵy joq.
(Bult)