InfoHub Logo

Sabaqtyń taqyryby: Qarym – qatynas jarastyǵy.
Maqsaty: - Muǵalim, ata - ana, oqýshy arasyndaǵy qarym - qatynasty jaqsartý;
- Ata - ana men mektep arasyndaǵy qarym - qatynasty damytý;
- Alǵa qoıǵan maqsatqa jetý jolyndaǵy qıynshylyqtardy jeńe bilýge oqýshylardy tárbıeleý.
Qoldanylatyn ádis - tásilder: Pikirlesý, sahnalaý, oıtúıin jasaý, suraq – jaýap, oıyn jattyǵý.
Túri: trenıń – sabaq, Synyptan tys

Sabaqtyń barysy:
İ. Uıymdastyrý kezeńi:
Oqýshylardy shattyq sheńberge shaqyryp bir - birimen amandastyrý.
İİ. áńgimelesý.
Oqýshylarǵa ár túrli suraqtar qoıý arqyly sabaqtyń maqsatyn ashý.
1. Adam ómirin jalǵyz ótkize ala ma?
2. Adamdarmen qarym - qatynasty qalaı qurý qajet dep oılaısyń?
3. Adamdar arasyndaǵy renishtiń týýyna ne sebep bolady?
4. Kúnshil, qyzǵanshaq adamdarǵa qandaı keńes berer edińder?
5. Keshirgen ońaı ma? keshirim suraǵan ońaı ma?
6. Keshire bilý úshin adamdardyń boıynda qandaı qasıetter bolý kerek dep oılaısyńdar?
7. Dos degen ne? Qalaı túsinemiz?
8. Aınaladaǵy ortamen qalaı qarym - qatynas jasaý kerek?
9. Janyńdaǵy adamdardyń jaqsy qasıetteri jaıly oılaısyń ba?
10. Ózińdi basqa adamdardyń ornyna qoıa alasyń ba?

İİİ. Dáıeksóz
«Úsh – aq nárse adamnyń qasıeti: Ystyq qaırat, nurly aqyl, jyly júrek» degen Abaı Qunanbaıdyń naqty sóziniń maǵynasyn ashý.
IV. Jaǵdaıattyq taldaý.
1) Janar qandaı da bir jaryssózge túserde, onyń oıynda tek qana qaıtkende de qarsylasynan sózden utý nıeti ǵana turatyn. Qansha utymdy oılar aıtqanmen, ol jeńiliske ushyryp qalatyn. Sebebi ne lep oılaısyńdar?
2) Bir úıdiń eki qyzy bar. Ata – anasy ekeýine birdeı jaǵdaı jasaıdy. Biraq aǵaıyndy eki qyzdyń biri ylǵı, eshnársege kóńili tolmaı, kóńilsiz júredi. Al ekinshisi kerisinshe shat – shadyman. Sebebi nede?
3) Samat qansha áýrelense de, esepti shyǵara almaı qoıdy. Mektepke kele sala kórshisi Zeıneptiń dápterin surap, odan kóshirip aldy. Alǵashqylaryn kóshirip, kelesi esepke kelgende, Zeıneptiń qatesin baıqap qaldy. Biraq Samat óz dápterine eseptiń sheshýin durystap jazdy. Alaıda ol bul turaly Zeınepke aıtqan joq.
4). Synyptas qyzdar mereke qarsańynda bı keshine baratyn boldy. Olar keshke kıetin kóılekteri jaıly jarysa aıta bastady. Aısha ǵana únsiz. Bı keshine jetken qyzdar aına aldyna jınaldy. Bir - biri qyzyǵa qaraǵan qyzdar Aıshanyń joq ekenin baıqady...