InfoHub Logo

Aınalaıyn, aq mańdaı qaryndasym,
Alǵa súırer armanyń sarqylmasyn.
Qaıyrylmasyn qanatyń topshysynan,
Eshqashan da zamanyń tarylmasyn.

Tolyqsyǵan qaryndas jadymdasyń,
Jadymdasyń, endeshe janymdasyń.
Buıyrtsa áli talaı júzdesermiz,
Ázirge sálemdesý arylmasyn.

Aıdyndy shalqar kóldiń aqqý sáni,
Arýlarǵa jarasar gákký áni.
Qaryndas týǵan kúniń qutty bolsyn
Quttyqtaý, este qalý — ómir máni.

*** *** *** ***

Joldaryńa gúl bitsin
Qaryndas,
Qutty bolsyn týǵan kúniń,
Ózińe syı syılaımyn jyrdan búgin.
Shyńdaǵy Eńlik gúli bir ózińsiń,
Jigittiń qoly jetpeı turǵan búgin.

Tógilsin baqyt nury jan jaǵynan,
Mahabbat oty mazdap tańdarynan.
Talaıdy tamsandyrǵan arý ediń,
Tanbaǵyn
Suńqar qustaı samǵaýynan.
 
Shattyqtyń kózderińnen nuryn kórem,
Qalpyńnan ózgermegin kúlimdegen.
Jarqyldap,
Jaınaı bergin ortamyzda,
Gúl bitsin joldaryńa júrilmegen!

*** *** *** ***

Kúl, jaına!
Bilmeı ótkin muńaıýdy,
Shashý et júrektegi shýaǵyńdy.
Júreıik baqytyńa kýá bolyp,
Shalqyǵan shattyq jýsyn shyraıyńdy.

Jaz minez, shat kúlkińmen nurlandy kún,
Jol ashqan qýanyshqa dýman búgin.
Tileımiz appaq gúldeı appaq tilek,
Qaryndas, qutty bolsyn týǵan kúniń!

*** *** *** ***