InfoHub Logo

Bilim berý salasy: Áleýmettik orta
Uıymdastyrylǵan oqý qyzmeti: Kórkem ádebıet
Taqyryby: Qarlyǵash pen dáýit
Maqsaty:
Bilimdilik: balalardy ertegini túsinip, mazmunyn mánerli aıtýǵa, sóıleýge, áńgimeleı bilýge úıretý.
Damytýshylyq: balalardy ertegi jelisi arqyly adamgershilikke baýlý.
Tárbıelik: balalardy keıipkerlerdiń áreketterin, júris – turysyn taldaýǵa tárbıeleý.
Kórnekilik: Ún taspa, qustardyń sýreti, ertegi keıipkerleriniń atrıbýttary.
Bılıngvaldi komponent: Taýyq – kýrısa, átesh - petýh, qarlyǵash – lastochka, qarǵa – vorona, kókek - kýkýshka.

Motıvasıalyq qozǵaýshylyq
- Sálemetsizder me, balalar! Balalar bárimiz Altyn kúnmen, Kók aspanmen, Jer anamen, dostarymyzben amandasyp alaıyq.
Armysyń, Altyn kún,
Armysyń, Jer ana.
Armysyń, Kók aspan,
Armysyń, jan dosym
Jylýyńa jylý qos,
Mine meniń qolym!
Óte jaqsy balalar. Balalar, ótken oqý is - áreketimizde týǵan ólkemizdiń qustarymen tanystyq.
- Balalar, qazir jyldyń qaı mezgili?
- Balalar, jaz mezgilinde neshe aı bar?
- Balalar, qustar neshege bólinedi?
- Qanekeı, olardy bárimiz birge ataıyq.
- Úı qustaryna qandaı qustar jatady?
- Úı qustaryn qaıda baǵady?
- Balalar, dala qustaryna qandaı qustar jatady?

Oıyn: «Qaı qus qaıda mekendeıdi?».

İzdený – uıymdastyrýshylyq
- Balalar, qarlyǵashtyń shyryldaǵan daýysy estiledi ǵoı. Endi bárimiz ún taspadan «Qarlyǵash pen dáýit» ertegisin tamashalaıyq.
Bir qarlyǵash jardyń qýysyna uıa salyp, ómir súripti. Qanattary qatpaǵan balalandary anasy azyq ákelýge ketkende, shydamsyzdana kútýmen bolady eken. Bir kúni balapandardy jeýge qarlyǵashtyń uıasyna jaýyz jylan órmelep shyǵyp bara jatady. Muny kórgen qarlyǵash aspan men jerdi sharlap, shyr - shyr etip, balapandaryna arashashy izdeıdi. Kókekten kómek suraı barsa:
- Búrkit qonaqqa shaqyryp edi, soǵan barǵaly jatyrmyn, ýaqytym joq, - deıdi kókek. Odan shyǵyp, qarǵaǵa barsa:
- Úılengeli jatqanymda mazamdy alma, - deıdi. Qarlyǵashtyń amaly taýsylyp, shyryldap ushyp kele jatady. Bir kezde dáýitti kóredi. Dáýit qarlyǵashtyń shyr - shyr etken daýsyn estip:
- Dostym, nege zarlaısyń? – dep suraıdy. Qarlyǵash sonda:
- Jaýyz jylan balapandarymdy jutpaqshy bolyp, uıama órmelep jetip qaldy. Soǵan ne isterimdi bilmeı júrmin, - dep, qarlyǵash kóziniń jasyn tógip - tógip jiberedi.
- Olaı bolsa, meni jetkiz tezirek, - deıdi dáýit. Qarlyǵash qanatyn tosady. Olar kózdi ashyp - jumǵansha qarlyǵashtyń uıasyna jetedi. Jylan uıaǵa taqap qalǵan eken. Dáýit pen qarlyǵash endi bir sát keshikse, balapandardy qylǵyp sap, jumsaq uıada masaırap uıyqtamaqshy eken.
Dáýit aıaǵymen shaba tyrnap, jylannyń eki kózin aǵyzyp jiberedi. Jaýyz jylan sylq etip jerge qulap túsedi de mert bolady. Dáýittiń erligine súısingen qarlyǵash onymen aınymas dos bolypty. Sodan beri talaı zaman ótse de, ekeýi bir uıada turyp, birge ómir súredi eken.

İİİ. Sergitý sáti.
Qatar - qatar turaıyq,
Qarlyǵashqa uqsaıyq.
Qanatymyzdy keń jaıyp,
Ushyp - ushyp alaıyq
Qazym - qazym qańqylda,
Sýda júzip sańqylda.
Jem bereıin jeısiń be,
Kámpıt bershi deısiń be?
Joq, joq, joq,
Kámpıt tátti as bolmas,
Arpa menen bıdaı shash.

Atyraý oblysy, Jylyoı aýdany,
Qulsary qalasy, № 19 jalpy orta bilim beretin mekteptiń
shaǵyn ortalyq tárbıeshisi Ýalıeva Laýra Málikqyzy

Qarlyǵash pen dáýit. júkteý