InfoHub Logo

Qashaǵan Áýeluly 1820-1905 jyldar aralyǵynda ǵumyr keshken. Uly júz Báıdibek babanyń Alban, onyń ishinde Qyzylbórik atalyǵynan shyqqan ataqty sheshen bı.

Qyzylbórik Maqsut Qashaǵannan:

— Eldiń birligi neden buzylady? — dep suraıdy.

— Ósek pen kóre almaýshylyqtan — dep jaýap beripti bı.

***

Orman batyr birde Qashaǵannan:

— Qaradan han týa ma? — dep suraıdy.

— Eshkim anadan han bolyp týmaıdy.

Han bolý adamnyń danalyǵynda — dep jaýap beripti Qashaǵan bı.

***

Birde bir ataqty baı:

— Qashekem, armandamaıtyn adam bola ma? — degende:

— Armandamaıtyn adam joq. Qoly jetpeıtindi armandaǵansha, eńbegińmen jetetindi armandap, zeınetin kórgen jaqsy — depti.

***

Orman sheshen Qashaǵan bıden:

— Qashekem kimdi pir tutasyz? — depti.

— Anam men ákemdi, elim men jerimdi pir tutamyn — depti.

***

Birde Syrlybaı datqa Qashaǵan bıde qonaqta otyryp:

— Dúnıede ne jaman? — dep suraǵan eken. Qashaǵan bı:

— Yntymaǵy joq el jaman. Bárinen de halyqqa qadirsiz bolǵan sol jaman — deıdi Qashaǵan.

***

Qashaǵannyń qartaıǵan shaǵynda Soltanbek bolys bıden:

— Elińizge bolashaqta ne tiler edińiz? — degende bı:

— Abylaıdan birligi bolsa, Raıymbekteı qorǵany bolsa, Tóle bıdeı ǵulamasy bolsa, beıbit ómir tirligi bolsa, qudaıdan osyny tiler edim — depti.

---