InfoHub Logo

Úzilissiz soǵys eldi ábden tıtyqtatyp, yǵyr etken soń Abylaı az ýaqyt bolsa da damyldaý maqsatymen Qalden Serenge elshi jumsaıdy. Oǵan basshy bolyp Eskeldi barady. Barǵan betinde qalmaqtyń hany:

— Sóıle! — deıdi.

— Men sóılesem, burynǵynyń adamdary aıtýshy edi: qazaq, qalmaq týysqan dep. Ony aıǵaqtaıtyn uqsastyǵymyz da kóp. Al aramyzda ala aýyzdyq, arazdyq bola qalsa:

«Daýdyń túbin qyz bekitedi,
Sýdyń túbin shym bekitedi.
Jaýdyń túbin til bekitedi», —

dep jatatyn. Kelisseńizder, súıek jańǵyrtyp, ne qyz berip, ne qyz alyp, tatýlasyp tynaıyq, — deıdi Eskeldi.

Sonda Qalden Seren:

— Tyńdaýǵa sózi jaıly, júrek tebirenterlikteı dana eken. Qyz bersek, osynyń ózine berelik! — depti. Bul sózdi estı sala Eskeldi:

— Saltty sanasyz buzar. El aǵasynan buryn inisi jol almas bolar. Abylaı elimizdiń aıbyny da, aǵasy da, taqsyr! Jol aldymen sondaǵy qyzdyń esimi — Qandan eken deıdi. Qasym sultan sol kisiden týǵan desedi aıtýshylar.

---