O, saıtan!
Almas azý, qandybalaq,
Qandy iziń josyp jatyr, taý, jyrada.
Taǵy da qylań berip, qutyldyń ba?
Tura-tur, kórisermiz qanjyǵada.
Jatqanda oıda malym,saıda malym,
Esimde emin-erkin jaıǵaǵanyń,
Men senen básiremnen kegin alam,
Atam da, qanjyǵama baılanamyn.
Tas-tasty, oıdy-qyrdy lańdaǵan,
Qulqynyń qan ishpese tura almaǵan,
Álsizderge oınatqan áńgir taıaq,
Saǵan da bir zaýal shaq - týar zaman.
Taǵylardyń taǵysy bóleksiń de,
Seniń qańqań ıtime kereksiń be. .
Boıyńdaǵy tonyńdy tonap alyp,
Ólekseńdi qaldyram ólekshinge...
Ázirshe júre turǵyn taý-jyrada,
Qanǵa buǵyp jata ber maýjyra da.
Oı-qyrdy lastaǵan qandybalaq,
Kóriserge kún jaqyn qanjyǵada...
Ózgeden emes,ózimnen qorqam,sezem men.
Kózimnen qorqam,ernimnen qorqam kezergen.
Minerge kelik, usharǵa qanat joq mende,
Darıǵa-aı, shirkin!
Qaldyryp bárin bezer me em...
Basym bir shoıyn, aıaǵym meniń qorǵasyn,
Merzimi tolmaı ilgeri ketti on jasym.
Hege sezbesin?!
Sezedi janym, sezedi,
Baıaǵy jyldar qaıtadan endi bolmasyn.
Tuıyqqa kelip,tirelip turmyn bir túrli.
Kózimniń nury kóńilimde qaldy irkýli.
Jylaı da almaımyn, kúle de almaımyn,
0, dosym!
Taýyp ákelshi umyt qaldyrǵan kúlkimdi.
Ózimnen qorqam óltirgen ezimdi ózim ǵoı...
Basymda mı joq,tıanaq tappaı kezýde oı.
0, dosym meniń!kúlkimdi taýyp ákelshi,
Súretin ómir,kúletin naǵyz kezim ǵoı...

---