Qaıqy quıryq, shubar qyz, istik muryn,
Kim bilsin, qandaı eken ishki syryn.
Ádepsiz, molda aldynda tasyraıat,
Bile almaı otyrýdy ántek qyryn.
Baı qyzy bulǵaqtaǵan, erke-sholjyń
Kúńge laıyq keskin men syrtqy formyń
«Baq ta qatyn» degen bar, «sor da qatyn»,
Tosyp júrgen seni de bar bir sorlyń.
Sabaqty birge oqyp, boldyq tanys,
Otyrǵan oryn jaqyn, kóńil alys.
Jibek, torǵyn japqanmen kórinip tur
Júndegen túıedeı bop, qara qaıys.
Pańsynǵan, baı qyzy bop minez qandaı,
Kórik, symbat, bilimi túgel jandaı.
Keıde «erke bolamyn» dep áýrelenet,
Qara talys qapshyǵyn esine almaı.
Seni de dúnıe úshin bireý alar,
Kim bolsa da ekinshi, sorǵa qalar.
Esi durys jan bolsa senen góri,
Dep aıtpas «senimenen baǵym janar»,
Estise, ákeń azban qyryna alar,
Basyma arylmastaı pále salar.
Tamaqtyń quly bolǵan qyzyl aýyz,
Alasysyz óshiger, ıtteı talar.
Estise árkim muny jattap alar,
Alty baqan tepkende ánge salar.
Ákesiniń kóz quny bardaı izdep,
Kim jazǵanyn boz azban tintip tabar.

---