InfoHub Logo

Sabaqtyń taqyryby: Qazaqstan - bizdiń Otanymyz.
Maqsaty: Bilimdilik: Oqýshylardyń taqyryp boıynsha alǵan bilimderin tekserý jáne pysyqtaý. Olqylyqtary bolsa tolyqtyrý.
Damytýshylyq: Balalardyń aýyzeki sóıleý tilderin jáne tildik qorlaryn baıytý. Oqýshylardyń oılaý, este saqtaý qabiletterin qalyptastyrý.
Tárbıelik: Jas urpaqtyń patrıottyq sezimderin oıatý, Otanǵa degen súıispenshilikterin arttyrý.
Sabaqtyń túri: Bekitý sabaǵy
Sabaqtyń barysy:
İ. Uıymdastyrý kezeńi: sálemdesý, otyrǵyzý, kezekshimen dıalog
İİ. Taqtaǵa oqýshylardyń nazaryn aýdarý. Interbelsendi taqtada maqal jazylǵan.
Týǵan jerdeı jer bolmas,
Týǵan eldeı el bolmas

- Balalar, bul maqaldy qalaı túsinesińder? Kim aýdarmasyn aıta alady?
- Al «Týǵan jer» sóz tirkesiniń sınonımin kim aıtady?
- Al bizdiń Otanymyz qalaı atalady?
Sabaǵymyzdyń taqyryby «Qazaqstan - bizdiń Otanymyz»
Dáptermen jumys: kúndi, taqyrypty jazý
Interbelsendi taqtamen jumys.
- Balalar qazir nazarlaryńdy ınterbelsendi taqtaǵa, myna mátinge aýdarǵym keledi...
Mátindi oqýshylar ózdikterinen oqıdy, aýdarma jumysyn jasaıdy. Aýdarma jasaý barysynda kezdesken jańa sózderden qıyndyqtar týyndasa sol sózderdiń astyn syzady.

Qazaqstan Respýblıkasy.
Qazaqstan Respýblıkasy - Eýrazıa qurlyǵynda ornalasqan. Qazaqstannyń jeri keń-baıtaq jáne óte baı. Tabıǵaty ár-alýan. Munda jazyq dala da, orman da, ózen de, shóldi aımaqtar da bar.

İİİ. - Endeshe sabaǵymyzdyń maqsatyn anyqtap alaıyq...
Sabaqta ne úırenýimiz kerek? Balalar ózdikterinen sabaqtyń maqsatyn qoıady, al muǵalim tolyqtyrady.
İV. Sózdik jumys.
Mátin boıynsha bilmegen sózderdi meńgertý.
Jańa sózder:
Qurlyq - materık (sýsha)
Keń - baıtaq – prostornaıa
Baı – bogataıa
Ár alýan – razlıchnaıa
Jazyq dala – ravnına
Shóldi aımaqtar - pýstynı

- Balalar, Qazaqstan týraly biz ne bilemiz?
1 - tapsyrma
Qazaqstan týraly ár oqýshy bir sóılem qurastyrady jańa sózderdi paıdalana otyryp.
2 - tapsyrma.
Juppen jumys.
Oqýshylar juppen Qazaqstan Respýblıkasy týraly ótilgen taqyryptar boıynsha suraq - jaýap uıymdastyrady.
3 - tapsyrma.
Toppen jumys.
Ár top ótilgen modýl boıynsha alǵan bilimderin jınaqtap, taqyryp aıasynda mátin qurastyrady.
4 - tapsyrma.
Interbelsendi taqtada Muqaǵalı Maqataevtyń «Úsh baqytym» óleńi qoıylady. Balalar tyńdaıdy.
Úsh baqytym
Eń birinshi baqytym - Halqym meniń,
Soǵan berem oıymnyń altyn kenin.
Ol bar bolsa, men barmyn, qor bolmaımyn
Qymbatyraq altynnan narqym meniń.

Al ekinshi baqytym - Tilim meniń,
Tas júrekti tilimmen tilimdedim.
Keı - keıde dúnıeden túńilsem de,
Qasıetti tilimnen túńilmedim.

Baqytym bar úshinshi - Otan degen,
Kim myqty?- dese bireý, - Otan der em!...
Oty sóngen jalǵanda jan barsyń ba?
Oılanbaı - aq kel - daǵy ot al menen.
Muqaǵalı Maqataev

Suraq - jaýap uıymdastyrý.
Muǵalim:
- Balalar, «Úsh baqytym» degendi qalaı túsinesińder?
- Óz óleńinde aqyn «baqytym» dep neni aıtady?
5 - tapsyrma.
Ár top jeke ózderine usynylǵan taqyrypqa áńgime qurastyrady.
1 top 2 top 3 top
Halyq týraly Til týraly «Otan» týraly maqal - mátelder aıtady
(QR halqy) (Qazaq tili týraly jáne ózge de QR turatyn halyqtardyń tili jaıly)
6 - tapsyrma.
Shaǵyn saıys. Kim eń kóp sóz qurastyrady?
«Qazaqstan» sózinen basqa sózderdi qurastyrý.
V. Baǵalaý.
VI. Úıge tapsyrma.
Úıge tapsyrmany deńgeıleri boıynsha usyný.
1. Amalıa, Alına, Olga, Alısher, Artem, Danıl - esse jazý
“Men úshin baqyt - ol...”
2. Katá, Dıma, Dıana, Vıtalıı, Egor – “Úsh baqytym” óleńin nemese “Otan” týraly basqa ózderi qalaǵan óleńdi jattaý, biraq jazǵan aqyndy bilý.
VIİ. Qorytyndylaý.
Ár oqýshyǵa qaǵazdan jasalǵan «smaıldar» taratylady. Olardyń tek kózderiniń sýreti bar. Oqýshylarǵa búgingi sabaqtan alǵan áserin kórsetý usynylady. Ár oqýshy óz smaılyna aýyzyn salady. Kúlip turǵan smaıl bolsa - unady, renjigen bolsa - unaǵan joq, t. b. Bul ádis ár oqýshyǵa sabaq barysynda sabaqty túsingenin nemese túsinbegenin, unap - unamaǵanyn jáne sabaq barysyndaǵy kóńil - kúıin kórsetýge jol ashady.
- Balalar, sabaqtyń basynda qoıǵan maqsatymyzǵa jettik pe?
- Sabaq aıaqtaldy. Saý bolyńdar, balalar!