InfoHub Logo

8 synyp
Sabaqtyń taqyryby: Til damytý «Qazaqstanǵa sıqyrly saıahat»
«Qazaqstan deıtin meniń bar elim,
Alyp jatyr jarty dúnıe álemin!»
Qasym Amanjolov
Sabaqtyń maqsaty: oqýshylar ótken modýlder boıynsha bilimderin tıanaqtap, sóıleý mádenıetin, shyǵarmashylyq jáne oılaý qabiletin damytady.
Sabaqtyń mindetteri:
1. Bilimdik: tanymdyq, qatysymdyq biliktilikteri artyp, ózindik pikirin bildirýde tildik birlikterdi saýatty qoldanady, taldap, salystyra biledi, sabaq barysynda pánaralyq bilimin qoldanady.
2. Damytýshylyq: oı - órisi keńip, shyǵarmashylyq belsendiligi, dıalogtik sóılesý ıkemi artady, til mádenıeti damıdy, pikirin saýatty jetkize bilýge úırenedi.
3. Tárbıelik: ózgelerdiń pikirin qurmettep, bir - birine degen ózara kómek, Otanyna degen súıispenshilik seziminde tárbıelenedi.
Sabaqtyń ádis - tásilderi: STO elementteri, túsindirý, suraq - jaýap
Sabaqtyń túri: qaıtalap jınaqtaý - til damytý sabaǵy
Sabaqtyń kórnekiligi: ınteraktıvti taqta, karta sýreti, sıpattama, úlestirme materıaldar
Pánaralyq baılanys: geografıa, tarıh

Sabaqtyń barysy: I. Uıymdastyrý kezeńi (1 - 2 mınýt)
Tildik ortaǵa ený: oqýshylarmen sálemdesip, kún, aı, apta ataýy týraly qysqasha til qatysý, toptarǵa bólinip otyrý.
A) Qyzyǵýshylyǵyn oıatý (2 - 3 mınýt)
Sabaqqa kirispe: - Balalar, búgin biz sendermen ótken taqyryptardy qorytyndylap, tilimizdi damytý maqsatynda saıahat - sabaq ótkizgeli otyrmyz. Sabaǵymyzǵa kirispe retinde men senderge mynadaı bir ańyz áńgime (1 - qosymsha) aıtyp bereıin. (Mysal úzindi) «Ertede... Sonymen qatar onyń Qulynshaq - Tulpar, Balapan - Búrkit, Bala - Barys (1 - slaıd) sıaqty óte senimdi dostary bar edi...
Aq Botaqan dostaryna ájesiniń týǵan kúnine syılaǵan syılyǵyn kórsetti».
- Balalar. Sender Botaqanǵa ájesi qandaı syılyq syılady dep oılaısyńdar? (Oqýshy jaýaby... Oqýshy jaýabyna oraı ańyzdy jalǵastyrý).
«... Ájesi Botaqanǵa kógildir tústi mataǵa jibek jippen tikken sýret syılapty...
- Osyny qalaı bilsek eken? (2 - slaıd – karta)
- Qalaı degeniń ne? – dedi, dostary biraýyzdan.- Saıahatqa shyǵaıyq!...
Taýdan úsh jol bastalady eken: bireýi – batysqa, ekinshi jol – ońtústikke, al úshinshisi soltústikke bet alǵan... (3 - slaıd)
... Tórteýi osyǵan kelisti de, saıahattaryn ári qaraı jalǵastyrdy».
Sonymen, balalar, bulardyń «Qazaqstanǵa sıqyrly saıahatyna» (4 - slaıd) sát sapar tilep, olar qaıtyp oralǵansha osy karta boıynsha biz saıahatymyzdy jasap, bilimimizdi ortaǵa salaıyq! Saıahatymyz sátti bolý úshin biz sendermen birqatar tapsyrmalar oryndaýymyz kerek. Sabaǵymyz birneshe bólimnen turady.