InfoHub Logo

Sáýir aıynyń 4-5 kúnderi aralyǵynda Almaty qalasyndaǵy Ál-Farabı atyndaǵy Qazaq Ulttyq ýnıversıtetinde Farabı ortalyǵynyń 30-jyldyǵyna oraı uıymdastyrylǵan «TİL FILOSOFIASY JÁNE ÁBÝ NASYR ÁL-FARABI FILOSOFIASYNYŃ TİLİ» atty İİ Halyqaralyq Farabı Forýmy ótkizildi. Halyqaralyq Farabı forýmy – adamzattyń uly oıshyly  ál-Farabı murasyn keńinen zertteý men taratýǵa yqpal etetin aıtýly shara. Forýmnyń negizgi maqsaty – farabıtanyshýlardyń basyn qosyp, júrgizilgen zertteýlerdi saralaý jáne ál-Farabıdiń keń murasy arqyly qazirgi qoǵamnyń órkendeýiniń rýhanı, tarıhı jáne fılosofıalyq negizderin tereńinen túsiný. Forým jumysyn Ál-Farabı atyndaǵy Qazaq Ulttyq ýnıversıtetiniń Basqarma tóraǵasy-Rektory Túımebaev Janseıit Qanseıituly quttyqtaý sózimen ashty. Forýmnyń ashylý saltanatynda Sırıanyń Qazaqstandaǵy qurmetti konsýly Samır Dereh, L.N. Gýmılev atyndaǵy Eýrazıalyq Ulttyq Ýnıversıtetiniń Profesory, Farabıtanýshy Tóleýbaeva Samal Abaıqyzy (Astana), Nur-Múbarak Egıpet Islam mádenıeti Ýnıversıtetiniń Rektory Al-Djındı  Mýhammad ash-SHahhat (Mysyr), Iran Islam Respýblıkasynyń Almaty qalasyndaǵy Bas konsýly Mohsın Faganı, Ózbekstannyń Almaty qalasyndaǵy Bas konsýly Fathýllaev Abror jáne t.b. qurmetti qonaqtar ózderiniń quttyqtaý lebizderin bildirdi. Forým jumysyna Qazaqstandaǵy sheteldik konsýldar, shet memleketterdegi Farabı Ortalyqtarynyń ǵylymı qyzmetkerleri, farabıtanýshylar, Ózbekstan, Túrkıa jáne t.b. memleketterden jas ǵalymdar at salysty. Forýmǵa qatysýshylar ǵylym men bilimniń ıntegrasıasy, qazirgi qoǵamnyń rýhanı-adamgershilik jáne zıatkerlik mádenıetin jetildirý jaıly keń aýqymdy ózekti máselelerdi talqyǵa saldy.

Eki kúnge sozylǵan halyqaralyq is-shara aıasynda pikirtalas alańdary men dóńgelek ústel jumystary uıymdastylyryp, fılosofıalyq esse jáne «qazaq fılosofıasynyń ózektiligi» atty beınerolıkter baıqaýy ótkizildi.

Ál-Farabı atyndaǵy QazUÝ
Fılosofıa jáne saıasattaný fakúlteti
Mádenıettaný mamandyǵynyń 2 kýrs magıstranty Satybaldına Arýjan
Ǵylymı jetekshi
Fılosofıa ǵylymdarynyń kandıdaty, qaýymdastyrylǵan profesor Meırbaev B.B.

---