InfoHub Logo

Uıymdastyrylǵan oqý is-áreketiniń tehnologıalyq kartasy
Bilimdik aımaǵy: Shyǵarmashylyq
Bólimi: Japsyrý
Taqyryby: Qysqy aǵash
Maqsaty: B.m: Qysqy aǵashtardy butaǵyna, dińine qarap ajyrata bilýge, aǵashtar men butalarǵa qamqor bolýdy úıretý.
D.m: Julmalap qıý ádisin úıretý. Beıneni qaǵaz betine ádemi ornalastyrý tásilderin jetildirý.
T.m: Qorshaǵan ortanyń ádemiligin sezimtaldyqpen túsine bilýge tárbıeleý
İs-áreket kezeńi
Tárbıeshiniń áreketi
Bala áreketi

Motıvasıalyq oıatýshylyq № 10 «Júrek jylýy» Dalada kún sýytqanymen bizdiń júregimiz ystyq meıirimge toly. Dostarymyz ben jaqyn adamdarymyzǵa ózimizdiń jylýymyzdy bere alamyz. Balalar sheńberde qystyń ereksheligin esterine túsiredi, eki alaqandaryn aldymen júrekterine qoıyp, sońynan jan-jaqtaryna jaıady

Uıymdastyrýshylyq izdenýshilik - Tárbıeshi balalardan serýen kezinde ne kórgenderin suraıdy. Aǵashtardyń qysqy tirshiligine nazar aýdartady.
(aǵashtardyń butalary men búrleriniń ornalasýyna, túsine qaraıdy)
- Aǵash qandaı bólikterden turady?

- Myna sýretke qarańdarshy: birinshi jer astyna aǵashqa ómir berip turǵan tamyry ornalasqan. Mynaý dińi. Dińinen jan-jaqqa butaqtary taralǵan, butaqtary jińishke, maıysqaq. Butaqtarynan japyraqtar órken jaıady.
- Kórdińder me, tabıǵattaǵy barlyq nárse bir-birimen úndesip baılanysyp jatady eken.
- Bul aǵashtardyń bizge qandaı paıdasy bar?

- Aǵashtardy syndyrýǵa, japyraqtaryn julýǵa bola ma?
- Serýen kezinde aǵashtardyń túbine qar úıindilerin úıý kerek.

- Tabıǵattaǵy qys kezindegi ózgeshelikter jaıly áńgimelesedi.
- Olar qysta da tirshilik etýin toqtatpaıdy.
- Tárbıeshi aǵashtyń butaǵyn sýǵa salyp qoıady, keıin aǵashtyń búr jara bastaǵanyn balalarmen baqylaıdy.
- Balalarǵa jumys barysyn túsindiredi. Qaǵazdy julmalap jáne qaıshymen qıý ádisterimen aǵash, butaqtardy qıyp japsyrady.
Balalardyń jaýaptary
- Tamyry, dińi, butaǵy, japyraǵy
- Aǵashtar sán beredi, kóleńke beredi, aýany tazartady
- Joq, bolmaıdy
- Aǵashtyń butaqtaryn qyraý basqan. Dala appaq. Kún sýyq.
- Baqylaıdy
Maqtadan qar, aspan bólikterin ázirlep jumys mazmunyn tolyqtyrady.
Refleksıvti túzetýshilik U.o.is-áreketi sońynda balalar óz jumystaryn qyzyqtap, bir-birine óz baǵalaryn beredi.
Dıdoıyn: «Tuqymyna qarap aǵashty tap»

Kútiletin nátıje:

Neni biledi: Jyl mezgiliniń ereksheligine baılanysty qysqy aǵashtyń qandaı bolatynyn bildi
Bilýi kerek: Beıneni qaǵaz betine durys ornalastyra bilýi kerek
Túsine biledi: Tabıǵattyń ásemdigine, tamasha kórinisterine qamqorlyqpen qaraýdy biledi