Qyzylordalyq oqýshy matematıka ilimine jańa formýla engizdi
Syrboıylyq óren matematıka ilimine jańa formýla engizdi. Onyń ǵylymı jańalyǵy Galıleo Galıleıdiń XVII ǵasyrda engizgen sıkloıda formýlasynyń jetilgen modeli deýge bolady, dep jazady 24.kz.
Nazarbaev zıatkerlik mektebinde oqıtyn Ábilpásim Látishtiń bul eńbegi halyqaralyq ıntellektýaldyq baıqaýda úzdik dep tanyldy. Álemniń túpkir-túpkirinen jınalǵan 400-ge jýyq matematıktiń arasynan dara shyqqan qyzylordalyq oqýshynyń jetistigi ǵalymdardyń da tańdanysyn týǵyzyp otyr. Mundaı kúrdeli teńdeýler arqyly alynǵan keskinder sáýlet, robototehnıka jáne sandyq tehnologıa salalarynda keńinen qoldanylady. Sondaı-aq, qurylys nysandaryn jobalaý, modeldeý jumystary úshin de mańyzy zor.
«Óz jumysymdy fızıka men astronomıa salasynda jalǵastyryp jatyrmyn. Planeta men olardyń serikteriniń qozǵalysy teńdeý bolyp tabylady. Ózimizdiń Qyzylorda óńirinen shyqqan Asqar Jumadildaev sekildi akademık, Qazaqstanǵa eńbegi sińgen matematık nemese fızıka salasynda óz eńbekterin jaryqqa shyǵaratyn adam bolǵym keledi, - deıdi jas matematık Ábilpásim Látish.
You Might Also Like
