InfoHub Logo

Bir maqtanshaq:

— Dúnıede meni eshkim de aldaı almaıdy, — depti.

Qojanasyr muny esitipti de, maqtanshaqty kezdestirip:

— Men seni esh ýaqytta esińnen shyqpaıtyndaı etip aldaımyn, — depti.

— Týh! Bul áli oıyńyz shyǵar, meni aldaıtyn adam áli týylǵan joq. Senbeseń, kele ǵoı, básekelesemiz.

Qojanasyr:

— Neden?

Maqtanshaq:

— Sizdiń shartyńyz ne?

Qojanasyr:

— Men sizdi darıanyń jaǵasyna aparyp, sý ishkizbeı alyp qaıtamyn.

Maqtanshaq qarqyldap kúlip, Qojanyń qolyn alyp, darıaǵa túsipti. Kún óte ystyq, qapyryq. Olar sharshap-shaldyǵyp darıanyń jıegine jetken soń Qoja aıtty:

— Kýá joq?!

— Qandaı kýá?!

Egerde men seni darıaǵa barǵan soń sý ishken joq dep tanyp ketsem, qandaı dálel aıtasyń?

— Iá, durys, kýá kerek eken? — dedi maqtanshaq.

— Júr, qaıtyp baryp bir kisini kýá retinde ertip kelemiz, — dep qalaǵa qaıtyp kelgen soń Qojanasyr:

— Aldadym.

— Qalaı? — dep maqtanshaq tańqaldy.

— Darıanyń jaǵasyna bardyń ba?

— Bardym.

— Sý ishtiń be?

— Joq.

— Demek, aldandyń! — dedi Qojanasyr.

---