Qojanasyrdyń táýip bolýy
Qojanasyr táýip te, balger de bolyp istedi. Kúnderdiń kúninde oǵan bir semiz adam keldi de:
— On qadam júrsem, ókpem aýzyma tyǵylyp, demigip óletin qusaımyn, qansha aqy alsań da rızamyn, meni osy semizdikten qutqaryp qoıshy, — depti.
Qojanasyr onyń bet-ajaryna qarap turyp:
— Saǵan dári-dármek berýdiń qajeti joq, dáriler bosqa ketedi, óziń de on bes kúnnen keıin arǵy dúnıege keteıin dep tursyń, — depti. Muny estigen semiz on bes kún ishinde moıny qamshynyń sabyndaı bolyp, ózi ash ıtteı buralyp, ábden azypty. Biraq on altynshy kún bolǵanǵa deıin ólmepti. On jetinshi kúni kóńilin suraı kelgen Qojanasyrǵa álgi semiz:
— Nege ótirik aıtasyń? Men áli ólgenim joq qoı, — deıdi.
Qojanasyr myrs etip kúle sóılep:
— Ólmegeniń durys bolǵan eken, sen ólgende meniń aqymdy kim tóler edi? Qane, eńbekaqymdy tóle, — dep aqysyn talap etipti.
You Might Also Like
-
Kúnderde bir kún Qojanasyr bazarǵa baryp, kún yssy bolǵan soń shóldep, bir qaýyn alyp, pyshaǵy bolmaǵan soń jaryp jep otyr eken. Sol kezde Qojanasyrdyń aldynan bir jas balaly áıel óte beredi. Balasy ...
-
Qojanasyr bir jyly qaýyn egip, qap-qap qylyp qaq keptiredi. Ony bazarǵa shyǵaryp satpaqshy bolady. Sóıtip bir qabyn arqalap, qolyna aq taıaqty alyp, bazardyń ortasyna kelip:
