InfoHub Logo

Sabaqtyń taqyryby: Qonaqúı. Etistik.
Sabaqtyń maqsaty:
Oqýshylardyń bilim deńgeıin kóterý, ujymdyq túrde bilim alýǵa baýlý, sózderdi ózara baılanystyryp, oıdy júıelep aıtý daǵdysyn qalyptastyrý, gramatıkalyq taqyryptarmen ushtastyrý.
Mindetteri: Oqýshylardyń demalys, týrızm, jol júrý taqyrybynda bilimderin jetildirip, alǵan bilimderin tájirıbede qoldanýǵa úıretý;
Oqýshylardyń aýyzeki sóıleý tilderin jattyqtyryp, óz oılaryn tolyq jetkize bilýge úıretý; oqýshylardyń til baılyǵyn damytý, sóıleý áreketi daǵdylaryn shyńdaý;
Oqýshylardy óz eliniń ásemdigi men sulýlyǵyna súısindire otyryp, otansúıgishtikke baýlý;
Sabaqta qoldanylǵan ádis - tásilder suraq - jaýap, kórnekilik ádisi, ınteraktıvti oqytý ádisi, SKTT, aýdıojazba
Negizgi ádis: izdenis
Sabaqtyń kórnekiligi: kespe, slaıdtar, ınteraktıvti taqta, mátin, aýdıo mátin
Sabaqtyń ıtegrasıalyq múmkindigi: tarıh, jaǵrafıa, mádenıettaný
Sabaqtyń túri: Aralas sabaq

Sabaqtyń barysy:
İ dıdaktıkalyq kezeń
Oqýshylardyń tanymdyq qyzmetiniń motıvasıasy
Mindeti: sabaqqa degen qyzyǵýshylyqtaryn arttyrý
Atqarylatyn jumys túri: Oqýshylar suraqtarǵa jaýap berý arqyly sabaqtyń taqyrybyn ózderi ashady. Sýrettegi ǵımarattar ataýyn atap, olardyń qaı jerde, qaı kóshede ornalasqanyn aıta otyryp, búgingi leksıkalyq taqyrypty taýyp shyǵarady.

1. Synyppen amandasý
2. Synypty túgendeý, kezekshimen sóılesim
3. Oqýshylardy sabaqqa beıimdeý
Balalar, jylda neshe mezgil bar?
- Qazir qaı jyl mezgili?
- Bir jylda neshe aı bar?
- Qazir qaı aı?
- Bir aıda neshe kún bar?
- Qazir aıdyń qaı kúni?
- Aptada neshe kún bar?
- Búgin aptanyń qaı kúni?

Muǵalim sózi: durys, balalar, búgingi sabaǵymyz sársenbiniń sátinde, qonaqtar arasynda ótpekshi. Qazaq halqy ejelden qonaqjaılyǵymen belgili, sondyqtan da bárimiz de osy sharaǵa qosh kelippiz!

İİ dıdaktıkalyq kezeń
«Qaıtalaý – oqý anasy»
Mindeti: Leksıkalyq taqyryp pen gramatıkany ushtastyryp, sóılemder qurap, etistikti ár túrli formada qoldana alatyndaryn kórsetedi. (Oqýshylarǵa ınteraktıvti taqtada sýretter beriledi, sol sýretter arqyly etistik taqyrybyna toqtalyp, onyń shaq, jaq, raı kategorıalaryn esterine túsiredi.
Atqarylatyn jumys túri: Berilgen etistikterdiń jurnaqtaryn anyqtap, túrlerine bólý

İİİ dıdaktıkalyq kezeń
«Jeti jurttyń tilin bil, jeti túrli ǵylym bil!»
Mindeti: Oqýshylarǵa zat esimder jazylǵan kespeler taratylady jáne olar sol sózderdi qatystyryp, qonaqqa kelgen adamdardyń kelý maqsatyn anyqtaý)
Atqarylatyn jumys túri: (saıası jumystar, issapar, saıahat, gastróldik sapar, resmı sapar, mádenı shara)
Oqýshylardyń múmkindik jaýaptary: Mo Haı saıası suraqtardy sheshý úshin, Petropavl qalasyndaǵy «»Qyzyljar» qonaqúıine ushaqpen ushyp keldi.

İV dıdaktıkalyq kezeń
«Kóp oılan, jaqsy sóıle – paıdaly bolsyn»
Mindeti: óz týǵan qalańnyń mádenı oshaqtaryn bilý qajettiligin kórsetý
Atqarylatyn jumys túri: Mátinmen jumys
“Qyzyl Jar” qonaq úıi Petropavl qalasynyń jaıly da jasyl aýdanynda.... Ol óziniń qurmetti qonaqtaryn keń júrekpen....
“Qyzyl Jar” – Petropavl qalasynda qonaq úı bıznesinen laıyqty.... Bul qonaq úı Qazaqstan Respýblıkasy men qalamyzǵa keletin sheteldik qonaqtar arasynda erekshe belgili. Munda tamasha demalýǵa jáne iskerlik kezdesýler ótkizýge barlyq jaǵdaılar.... "Qyzyl Jar" qonaq úıiniń jańashyl úlgidegi 7 qabatty ǵımaraty men jaıly nómirleri qala qonaqtaryna qolaıly servıs.... Onda jaqsy dem alýǵa tamasha jaǵdaı.... Ǵımarattyń ornalasqan meken - jaıy: Petropavl qalasy, Qazaqstan Konstıtýsıasy k., 54 úı.

- Mátindi ózim mánerlep oqımyn (aýdıojazba arqyly)
- oqýshylar kezekpen bir - bir sóılemnen oqıdy jáne aýdarady, mazmunyn túsindiredi
- tikeleı sabaqqa qatysty sózdermen jumys: berilgen etistikterdi úsh tilge aýdaryp jazý...
Ornalasqan – raspolojen
Qarsy alady - vstrechaet
Oryn alady – zanımaet mesto
Usynady – predlagaet
Jasalǵan – sozdany
(mátindi ózim oqımyn, oqýshylar kóp núkteniń ornyna qajetti etistikterdi esterine túsire otyryp jazady)
- muǵalimniń jetekshi suraqtary arqyly mátindi aýdarý
- mátinniń taqyryby men ıdeıasyn ashý:
Taqyryby: mádenı múralardyń qajettiligi týraly
Ideıasy: - óz týǵan jerimizdiń mádenıe murasy, biz bul muralardy saqtaýymyz qajet;
- keler urpaqqa amanat etýimiz qajet;

V. dıdaktıkalyq kezeń
«Artyq bolmas bilgeniń...»
Mindeti: gramatıkalyq taqyrypty pysyqtaý
Atqarylatyn jumys túrleri: Mátinde berilgen gramatıkalyq birlikterge taldaý júrgizý.

1 top: Mátinnen etistikti sóz tirkesterin taýyp, olarǵa taldaý júrgiz, baılanysý túri men tásilderin anyqta.
2 top: Ol óziniń qurmetti qonaqtaryn keń júrekpen qarsy alady. Sóılemge SKTT tehnologıasy boıynsha sıntaksıstik taldaý jasa.
3 top: Berilgen sóılemdegi etistikke leksıkalyq – gramatıkalyq taldaý jasa.
• Mátinnen etistikti sóz tirkesterin taýyp, olarǵa taldaý júrgiz, baılanysý túri men tásilderin anyqta.
Qyzyljar qonaqúıi ornalasqan
Qonaqtaryn qarsy alady
Laıyqty oryn alady
Demalýǵa jaǵdaılar jasalǵan

• SKTT boıynsha jaı sóılemge sıntaksıstik taldaý.
Ol óziniń qurmetti qonaqtaryn keń júrekpen qarsy alady.
1. Sóılemde 1 tynys belgisi bar, ol núkte, oıdy aıaqtap tur.
2. Aıtylý sazy men mazmunyna qaraı: habarly, sebebi oı baıandalyp tur.
3. Quramyna qaraı: jaı sóılem, sebebi tıanaqty bir oıdy ǵana bildiredi.
4. Jaı sóılem túrlerin anyqtaý úshin, sóılem múshelerine qaraı taldaımyz:
5. Baıandaýyshsyz sóılem bolmaıdy
Baıandaýysh turaqty, sóılem sońynda tur
5. 1. ne isteıdi? Qarsy alady. – kúrdeli, etistikti – baıandaýysh
Baıandaýysh arqyly bastaýyshty tabamyz
5. 2. kim qarsy alady? Ol – dara, esimdikti – bastaýysh
Bastaýysh pen baıandaýyshty qatystyra otyryp, turlaýsyz múshelerdi anyqtaımyz
5. 3. Ol kimderdi qarsy alady? Qonaqtaryn – dara, zat esimdi, tabys septikti týra tolyqtaýysh (TTT)
5. 4. Ol qandaı qonaqtaryn qarsy alady? Qurmetti – dara, qatystyq syn esimdi – anyqtaýysh
Ol kimniń qonaqtaryn qarsy aldy? Óziniń – dara, esimdikti, ilik septikti anyqtaýysh
5. 5. Ol óziniń qonaqtaryn qalaı qarsy aldy? Keń júrekpen – kúrdeli frazeologıalyq tirkesti, ústeý qyzmetindegi pysyqtaýysh
4. 1. jaqty – bastaýyshy men bandaýyshy bar – aıqyn
4. 2. jaıylma – turlaýly múshelerden basqa turlaýsyz músheler de qatysqan
4. 3. tolymdy – oıǵa qatysty sóılem músheleri tolyq qatysqan.
6. Matasý – óziniń qonaqtaryn – i. s.+t. j tásili: jalǵaý arqyly
Qıysý – Ol qarsy aldy - bastaýysh+baıandaýysh tásili: oryn tártibi arqyly
Janasý – keń júrekpen qarsy aldy – ústeý + etistik tásili: jalǵaý arqyly
Qabysý – qurmetti qonaqtaryn – s. e.+z. e. – tásili: oryn tártibi arqyly

• Onda jaqsy dem alýǵa tamasha jaǵdaı týǵyzylǵan.
1. Etistik
2. Ne istelgen?
3. Tý – túbir, ǵyz – ózgelik etis týdyrýshy jurnaq, yl – yryqsyz etis týdyrýshy jurnaq, ǵan – burynǵy ótken shaq jasaıtyn jurnaq
4. Tulǵasyna qaraı: negizgi
5. Maǵynasyna qaraı: negizgi
6. Obektige qatysyna qaraı: salt
7. Nátıjesine qaraı: bolymdy
8. Quramyna qaraı: kúrdeli: qurandy
9. Sıntaksıstik qyzmeti: baıandaýysh, eki syzyqpen syzylady.

Vİ dıdaktıkalyq kezeń
«Bekitý - nátıjege baǵyttalǵan bilim berý»
Mindeti: Qosymsha málimet berý arqyly oqýshylardyń búgingi taqyryp boıynsha alǵan bilimderin jınaqtaý, birizdileý, jazý.
Atqarylatyn jumys túri: Qonaqúı qyzmetiniń shartty belgilerin kórsete otyryp, olarǵa túsinikteme berý

Vİİ dıdaktıkalyq kezeń
«Bilgenimdi suradym, jıystyrdym, quradym»
Mindeti: Sabaqta alǵan bilimderin jan - jaqty damytý
Atqarylatyn jumys túri: úı tapsyrmasyn berý 1. Jalpysynyptyq jumys túri:
1.“Qonaqúıde ótkizgen bir kúnim..” shaǵyn shyǵarma jaz
2. Jekeleı jumys túri: “qonaqúıge toqtadym” sóz tirkesin 3 jaqta jekeshe jáne kópshe túrde jikte.

Vİİİ dıdaktıkalyq kezeń.
«Baǵalaý – maqsatqa jetý joly»
Mindeti: Sabaq nátıjesi boıynsha oqýshylar bilimin baǵalaý.
Atqarylatyn jumys túri: Alǵan baǵalaryna sál saraptama jasaı otyra, kúndelikterine qoıyp berý.