InfoHub Logo

1 synyp
Sabaqtyń taqyryby: Mysyq pen ıtti qalaı kútedi?
Maqsaty:
a) bilimdilik: oqýshylarǵa úı janýarlarynyń tirshiligi týraly maǵlumat berý. It pen mysyqtyń tirshilik etýine ne qajet ekenin
túsindirý;
á) damytýshylyq: túrli tapsyrmalar arqyly oılaý, shyǵarmashylyq qabiletin damytý. Júıeli aýyzsha sóıleý daǵdysyn qalyptastyrý;
b) tárbıelik: janýarlardy kútip qorǵaýǵa baýlý. Tabıǵatty, Otanyn súıýge tárbıeleý.
Sabaqtyń túri: dástúrli sabaq
Sabaqtyń tıpi: jańa sabaq
Sabaqtyń ádisi: túsindirý, suraq - jaýap, oıyn, t. b.
Sabaqtyń kórnekiligi: sýretter, juptyq, toptyq tapsyrmalar, oıyn quraldary.
Tehnıkalyq qural: mýltımedıalyq qural

Sabaqtyń barysy:
İ. Uıymdastyrý
a) Psıhologıalyq daıyndyq:
Biz ádepti balamyz,
Jaınaı bersin dalamyz.
Tabıǵatpen dos bolyp,
Qamqorlyqpen qaraımyz.

İİ. Ótkendi eske túsirý
á) Oıyn: «Sýretti tolyqtyr».
Maqsaty: oqýshylardyń oılaý qabiletin damytý, tapqyrlyǵyn shyńdaý.
Sharty: taqtada keıbir elementteri joq sýretter ilýli turady. Oqýshylar «joǵyn» taýyp juptastyrýy shart. Ony dáleldep sóıleıdi.
- Balalar «Sýretti tolyqtyr» oıynyn oınaımyz. Onda taqtadaǵy sýretterdi tolyqtyryp jáne sol sýret boıynsha ne biletinimizdi aıta keteıik.
b) Belgi boıynsha jumys isteý (jupta jumys jasaý).
- Balalar, belgi boıynsha aldaryńdaǵy konvertti ashyp, jupta jumys jasaıyq.

á) Sergitý sáti
Gúl ósirip aýlaǵa
Baptap, sýdy quıamyn.
Janýarǵa jem berip,
Men qamqorshy bolamyn.

İİİ. Jańa sabaq.
a) Toptyq tapsyrma
Oıyn: «Sıqyrly qarlar».
Maqsaty: oqýshylardyń topta jumys isteý daǵdysyn qalyptastyrý.
Sharty: oqýshylar úsh topqa bólinedi. Ár topqa qar ulpalary beriledi. İshinen býyn, sýret qımalaryn qurastyrý.
- Birinshi, ekinshi top, myna qar ulpalarynyń ishinde býyndar jasyrylyp jatyr, solardan sóz qurastyryńdar.
- Úshinshi top senderde sýret qımalary bar, solardy qurastyraıyq.
- Al, balalar qandaı sózder shyqty jáne sýretter boldy.
- Mysyq, ıt.
- Olaı bolsa balalar búgin biz mysyq pen ıtti qalaı kútetinin úırenemiz.
(sýretter taqtada ilinedi). Balalar oqýlyq boıynsha sýretterdi áńgimeleıdi.

á) Muǵalim sózi: mysyqqa úsh mezgil tamaq beredi. Mysyq jippen oınaǵandy unatady. Onyń óziniń jatatyn oryndary bolady. Mysyqty aıyna bir ret ózine arnalǵan sý sabynmen shomyldyrady. Janýarlar dárigeri mysyqtarǵa jylyna bir ret dáriler egip turady. Ózine arnaıy arnalǵan ydystarymen tamaq ishedi. Mysyqtarda búrgeler bolmaý úshin, 3 aı saıyn dáriler berip turady.
Itterdiń ózderine arnalǵan qarǵy baýlary, basqa adamdardy qappaý úshin tumsyǵyna kıgizip qoıatyny, ústin tarap turatyn taraqtary, óziniń tamaq ishetin arnaıy ydystary bolady. Jatatyn orny, oınaıtyn doptary bolady. It súıek, etterdi jaqsy kóredi. Onyń da ózine arnalǵan sabyny, dárileri bolady. It - adamnyń dosy, jeti qazynanyń biri. Adamǵa kómekshi, qorǵaıdy. Olarǵa arnalǵan oıyn alańdary bar.

b) Sergitý sáti.
Aldynda úıdiń,
Tur edi bir mysyq.
Qasyna keldi,
Bir kúshik úrip.
Bireýi mıaýlap,
Bireýi yryldap.
Sekirip, qýanyp
Ketti olar dostasyp.

İV. Jańa sabaq
a) mýltımedıalyq quralmen jumys
It pen mysyqtyń túrlerin kórsetý.
á) mysyq pen ıttiń paıdasy men zıanyn suraý.
b) «Boıaýlar syry» ıt pen mysyqty boıaý.

V. Qorytyndy
a) Oıyn: «Qajetti zattaryn tabaıyq»
Mysyq pen ıttiń ózine qajetti zattaryn syzyqtar arqyly qosaıyq.
á) Suraq – jaýap:
Búgin biz ne úırendik?

VI. Baǵalaý
Oqýshylardy madaqtaý