InfoHub Logo

2010 jyly Qazaqstan resmı túrde Bolon deklarasıasyna qosyldy jáne Ortalyq Azıada birinshi bolyp eýropalyq bilim berý prosesiniń múshesine aınaldy. Qazir Bolon prosesine qatysýshy elderdiń bilim berý júıesi men elimizdiń ulttyq joǵarǵy bilim berý júıesinde modernızasıalaý, ıntegrasıalaý jáne biryńǵaılandyrý jumystary jalǵasýda. QR-nyń 60-tan astam ýnıversıtetteri Ýnıversıtetter Uly Hartıasyna qol qoıdy. Osy oraıda Bolon prosesiniń negizgi maqsattarynyń biri «erkin qozǵalysty tıimdi júzege asyrýdaǵy kedergilerdi eńserý arqyly utqyrlyqqa járdemdesý» bolyp tabylady.

Osy turǵyda QR Bilim jáne Ǵylym Mınıstrligi qabyldaǵan «Qos dıplomdy bilim berý» baǵdarlamasy qyzyǵýshylyq týǵyzady. Onyń máni: bilim alýshylar eki jeke dıplom alady: qazaqstandyq jáne sheteldik ýnıversıtetten. Stýdentter keıbir kýrstaryn óz ýnıversıtetinde aıaqtaıdy, al qalǵandaryn seriktes JOO-da eki jaqtyń da kredıttik júıesin moıyndaý arqyly aıaqtaıdy. Sabaqtar, ádette, orys jáne/nemese aǵylshyn tilinde ótkiziledi. Ádette, qos dıplomdyq bilim berý baǵdarlamalaryna arnalǵan oryndar sany shekteýli jáne básekelestik óte joǵary.

Birlesken qos dıplomdy baǵdarlamasyn júzege asyrý úshin aldyn-ala kóptegen kúrdeli jumystar júrgiziledi: kelissózder, baǵdarlama mazmuny, oqytý mazmunyna qatysty ortaq kelisimge kelý jáne olardy bekitý, oqý josparyndaǵy ózgeristerdi kórsetý, qujattar jınaǵyn daıyndaý jáne t.b. Ál-Farabı atyndaǵy QazUÝ-da seriktes JOO-men (álemdegi 300-den astam ýnıversıtetter) Yntymaqtastyq aıasynda ondaǵan baǵdarlamalardy ázirledi, olar negizinen joǵary oqý ornynan keıingi bilim berýge qatysty. Qos dıplomdy baǵdarlamany ázirleý jáne júzege asyrý halyqaralyq deńgeıde moıyndalýdyń kýási bolyp tabylady.

QazUÝ-dyń Tarıh, arheologıa jáne etnologıa fakúltetiniń 7M022 («Gýmanıtarlyq ǵylym») baǵyty boıynsha óziniń jetistikteri bar. Mysaly, 2011 jyly 30 naýryzda ál- Farabı atyndaǵy QazUÝ men Reseı memlekettik gýmanıtarlyq ýnıversıteti arasynda «Muraǵattaný, qujattandyrý jáne qujat isterin júrgizý» mamandyǵy boıynsha birlesken magıstrlik jobany júzege asyrý boıynsha qosymsha kelisimge qol qoıyldy.

2019 jyly «Tarıh» mamandyǵy boıynsha La-Sapıenza (La Sapıensa) ýnıversıtetimen qos dıplomdyq bilim berý baǵdarlamasy iske qosyldy. Birlesken bilim berý baǵdarlamasy boıynsha magıstranttardyń alǵashqy tolqyny 2019 jyly bitirip shyqty. Bul – ál-Farabı atyndaǵy QazUÝ magıstranty Merýert Seılbekova; La-Sapıenza ýnıversıtetiniń magıstranttary - Matteo Fraioli, Adriano Mastrorocco, Jessica Venturini, Farissi Siham. Sol sıaqty jaqynda ǵana Túrkıadaǵy ádebıet jáne óner ýnıversıtetimen kelisimge qol qoıyldy. Fakúltet magıstranttary olardyń aldynan ashylyp jatqan jańa múmkindikterge qýanyp, ony árqashan Táýelsizdiktiń jemisi dep biledi.

N.D. Nurtazına,  Ál-Farabı atyndaǵy QazUÝ  Qazaqstan tarıhy kafedrasynyń profesory  Á.Túzelbek,  tarıh, arheologıa jáne etnologıa fakúltetiniń  7M02208 – mamandyǵynyń 1 kýrs magıstranty

---