InfoHub Logo

Maqsaty: Balalardyń bilim, mektep týraly túsinikterin keńeıtý. Ata analaryn, ustazdaryn qurmetteýge tárbıeleý. Balalarǵa merekelik kóńil - kúı syılaý.
(Mýzyka zaly merekege saı bezendirilgen. Balalar zalǵa qoldaryna shar ustap kiredi. Sharmen kóńildi bı bılep, bı sońynda shardy ushyryp jiberedi. Balalar oryndaryna jaıǵasady.) (Ortaǵa 2 bala shyǵyp bastaıdy)
1 - bala: Qurmetti ata - analar, armysyzdar!
Bárińiz de esen - saý barmysyzdar!
Qosh keldińiz qoshtasý toıymyzǵa
Án salyp, bı bıleımiz aldyńyzda
2 - bala: Qadirli ustazdarym armysyzdar!
Sizder de aman - esen barmysyzdar!
Balalyq kóńilimmen basymdy ıem
Sizderge aıtatyn kóp alǵysym bar.
Tárbıeshi: Qurmetti ata - analar, qonaqtar! Búgin mine, №43 «Arman»balabaqshasynan taǵy da bir top búldirshin qarlyǵashtarymyz ushyp, mektep tabaldyryǵyn attaǵaly otyr. Bul, árıne ata - ana úshin zor qýanysh bolsa, tárbıeshi ustaz úshin úlken mereı. Barshańyzdy osynaý qýanyshtaryńyzben quttyqtaımyn!
Qadirli balalarym, osy balabaqshaǵa kúni keshe kishkene sábı bolyp táı - táı basyp kelip edińder. Endi mine, erjetip mektepke ketip barasyńdar. Búgin senderdiń balabaqshamen qoshtasý keshine ata - ájeleriń, áke - analaryń da kelip otyr Endeshe, balabaqshada úırengen bar ónerlerińdi ortaǵa salyńdar.
Búgin mine, qoshtasady
baqshamenen bal - bulaq.
Áni menen jyryna,
tyńdarmandar sal qulaq.
Keshe sábı,
mine, búgin ul men qyz.
Laýlap jansyn
bolashaǵyń shamshyraq!- deı kele balalardyń taqpaqtaryn joldaımyz.
(taqpaqtar)
Án: «Búldirshinder áni»
Bı: "Syǵan" bıi
Tárbıeshi: Balalar, sender ertegi tyńdaǵandy, ertegi aıtqandy jaqsy kóresińder me?
Balalar: Jaqsy kóremiz.
Tárbıeshi: Sender qandaı ertegini bilesińder?
(Balalar jaýaby)
Tárbıeshi: Jaraısyńdar, kóp ertegi biledi ekensińder. Búgingi senderdiń balabaqshamen qoshtasý keshine ertegi keıipkerleri kele jatyr eken. Qarsy alaıyq.
(zalǵa mýzykamen Qyzyl telpek keledi.)
Qyzyl telpek: Sálemetsińder me, balalar.
Balalar: Sálemetsiz be!
Tárbıeshi: Balalar. tanydyńdar ma? Bul kim, qaı ertegiden keldi eken?
Balalar: «Qyzyl telpek» ertegisindegi Qyzyl telpek.
Qyzyl telpek: Jaraısyńdar, balalar. Meni tanıdy ekensińder. Ormandaǵy ájeme bálish apara jatyr edim, senderdiń balabaqshamen qoshtasý keshteriń ótip jatyr degendi estip, senderdi quttyqtaıyn dep keldim.
Tárbıeshi: Qosh keldiń, Qyzyl telpek. Alaıda, sen qur qol kelmegen shyǵarsyń, bizdiń balalarǵa ne ala keldiń.
Qyzyl telpek: Árıne, men balalarǵa ormannan gúl terip alyp keldim. Bul jaı gúl emes, sıqyrly gúl. Gúldiń ár destesinde senderge arnalǵan tapsyrmalar bar. Ári bul gúl sóıleıdi.
(Úntaspadan daýys estiledi.)
Daýys: Sálemetsińder me, balalar!
Balalar: sálemetsiz be!
Daýys: Sender mektepke barýǵa daıynsyńdar ma?
Balalar: Daıynbyz
Daýys: Jaraısyńdar, meniń tapsyrmalarymdy oryndaısyńdar ma?
Balalar: Oryndaımyz.