InfoHub Logo

«Qosh keldin altyn kúz»

Zal ásem bezendirilgen. Mýzyka áýenimen balalar zalǵa kiredi.

Júrgizýshi:
Bereke baq daryǵan,
Jomart kóńil jarqyn kúz.
Sary altynǵa malynǵan,
Jetti mine altyn kúz.

Qurmetti qonaqtarmen ata - analar jáne balalar búgingi «Qosh keldiń altyn kúz» atty erteńgiligimizge qosh keldińizder.
Aıajan: Mereıli kúz myrza kúz,
Syılyǵyna yrzamyz.
Appaq araı tańyńdaı,
Shomylamyz nurǵa biz.

Aızada: Oı balalar, balalar,
Qońyrqaı kúz bolypty.
Qýrap japyraq solypty,
El eginin orypty.

Tomırıs: Qystyń jaqyn bolǵanyn,
Japyraqtar bilgendeı.
Jelmen ushyp barady,
Jerge qonyp úlgermeı.

Án oryndalady: «Autumn (Fall) Song for Children - Simple Song to
Learn English – ESL»

Júrgizýshi: Balalar, qazir jyldyń kaı mezgili (KÚZ)
Balalar bizge qonaqqa kim kele jatyr qaraıyqshy.
Saz áýenimen Kúz hanshaıymy kiredi.
Júrgizýshi: Qosh keldińiz Kúz hanshaıymy, kelińiz tórletińiz.
Bizdiń sábılerimizdiń daıyndaǵan bıin tamashalańyz.

Bı: «Japyraqtar»
Júrgizýshi: Bizdiń sábılerimizdiń daıyndaǵan taqpaqtaryn qabyl alyńyz

Dáýlet: Men almamyn, almamyn,
Tańdaı jular bal dámim.

Gaýharıa: Men almurtpyn, almurtpyn,
Aýzyndamyn bar jurttyń.

Qonaqbaı: Men shıemin, shıemin,
Kúnniń kózin súıemin.
Qyshqyl shyryn mende bar,
Tómen bas ıemin.

Kúz hanshaıymy: Oı balalar, Jaraısyńdar qane endigi kezekti oıynǵa bereıik.

Balalarmen oıyn: «Japyraqtardy jınaý».

Maqsaty: japyraqtardy túsine qaraı ajyratyp jınaý.

Án oryndalady: «Jaý jaý – jańbyr»

Júrgizýshi: Ýa halaıyq,
Alys jerden kelipti.
Kúzgi toıdy kórgeli,
Jer ana, Dıhan ata, Dıhan bala kelipti.
Olaı bolsa sóz kezegin bereıik.

Jer ana, Dıhan ata, Dıhan balaǵa

Dilnaz:
Jer ana Jer anamyn kópti kórgen kónemin,
Ǵasyrlardyń saqtap qalǵan deregin.
Kimder meni mápelese meıirimmen,
Soǵan ǵana baılyǵymdy beremin.

Tóremurat:
Dıhan ata Osy boldy qalaǵa jetkenim,
Senderge aıtar amanatym kóp meniń.
Qaladaǵy órkenderim eshqashan,
Umytpańdar babalardyń ketpenin.

Muratjan:
Dıhan bala Mańdaı teri dıhan degen qaýymnyń,
Berekesi qalamenen aýyldyń.
Kúz toıynda aıtar tilek ár qashan,
Ústimenen júrmeńizder aýyrdyń.

Júrgizýshi: Jer ana Dıhan ata Dıhan bala
Bizdiń sábılerimizdiń daıyndaǵan taqpaqtaryn tyńdańyzdar.

Quralaı: Altyn sary qyzyl kók,
Alýan-alýan japyraq.
Kúzgi baqta kúlimdep,
Kóz tartady atyrap.

Ahmedıar: Keldi mine altyn kúz,
Sary shashty jarqyn kúz.
Mol ónimdi ár isimen,
Rıza etip halqyn kúz.

Asylaı: Oı, alaqaı tamasha,
Shashý shashty japyraq.
Baqtyń ishi alasha,
Aýnar ma edim jatyp ap.

Jánibek: Qyry toly egiske,
Baǵy toly jemiske.
Eldi syıǵa keneltti,
Qoly ashyq perishte.

Jer ana: Aıtyńdarshy jerde ne ósedi
Balalar; Jýa, kartop, sábiz, qyryqqabat, t. b

Júrgizýshi: Qurmetti qonaqtar endi kishkentaı balalarymyzdyń kúzgi keshke daıyndaǵan sándi kóılekterin qabyl alyńyzdar

Júrgizýshi: Qurmetti qonaqtarmen ata - analar «Qosh keldiń altyn kúz» atty erteńgiligimizdi aıaqtaımyz qosh saý bolyńyzdar...