InfoHub Logo

Maqsaty: Balalardy kele jatqan jylqy jylymen tanystyrý.
Balalardyń óleń, taqpaqtar aıtý arqyly este saqtaý qabiletterin, sóıleý gramatıkasyn damytý.
Janýarlarǵa qamqor bolýǵa tárbıeleý, ásemdikke, ádemilikke tárbıeleý.
Kórnekiligi: Zal ishi ásem beınelengen. Jasyl shyrsha, appaq qarlar, ádemi oıynshyqtar.

Armysyzdar, qurmetti qonaqtar, ata - analar, kishkentaı búldirshinder!
Sizderdi kele jatqan jańa jylqy jylymen quttyqtaımyz!
Jańa - jyl jaqsylyq, baqyt ákelsin!
Jańa - jyl birlik - bereke bersin elimizge!
Bereke - yrys kelsin jerimizge!
«Jylqy» jylyn keń peıilmen qarsy alaıyq,
Qýanysh shashý shashsyn tórimizge!- dep «Aqjelken» tobynyń jańa - jyldyq merekesin ashyq dep jarıalaımyz!!!

Júrgizýshi:
Qarańdarshy balalar,
Ortada mine shyrsha bar.
Syldyrlaǵan monshaǵy,
Shyrshamyzdyń mol shamy.
Balalar, qarańdarshy qandaı ádemi shyrsha. Bárimiz shyrshamyzdy aına turyp «Shyrsha jyry» ánin aıtaıyqshy.

Júrgizýshi:
Balalar, sender baıqadyńdar ma, bizben birge ortamyzda eski jyl «Jylan» jyly júr eken, ótip bara jatqan jylan jylynyń bizge aıtary bar eken.
Eski jyl:
Meniń jylym jaman bolǵan joq, sender jańadan óleń aıtýdy, bı bıleýdi úırendińder.
Bir jyl boıy sendermen,
Birge júrdim, oınadym.
Endi mine balalar,
Kezek keldi qoshtasar.
Jańa «Jylqy» jylyn tosyp júrmin, Jylqy jylyna jyldy tapsyraıyn dep. Balalar, jylqy keshigip jatyr ǵoı.
Mystan kempir:
Aaa, sender mensiz jańa - jyldy toılaǵaly jatyrsyńdar ma? Jańa Jylqy jyldaryń kelmeıdi, óıtkeni men ony sandyqqa salyp sıqyrlap tastadym.

Júrgizýshi:
Keshirińiz mystan kempir, sizge shaqyrtý barmaı qalǵan ǵoı.
Eski jyl:
Mystan kempir bir kinámizdi keshirińiz, Jańa - jyldy tapsyraıyn dep edim, búldirshinder de asyǵa kútip tur.
Mystan kempir:
Joq, ylǵı meni ǵana umytady ekensińder, keshirmeımin.
Eski jyl:
Bir kinámizdi keshirip, myna syılyqty eski jyldan eskertkish retinde qabylda, arnaıy saǵan saqtaǵanmyn.
Mystan kempir syılyqqa aldanady.

Júrgizýshi:
Mystan kempir, jańa - jyldy bosatshy. Balalar kútip qaldy.
Mystan kempir:
Eski jyldyń syılyǵy bolmaǵanda jańa - jyldy bosatpaýshy edim - dep jańa - jyldy bosatady.
Jańa - jyl:
Rahmet, saǵan eski jyl, seniń syılyǵyń bolmaǵanda balalarǵa kele almaýshy edim.

Júrgizýshi:
Keldi mine jańa - jyl.
Tilegin eldiń arqalap.
Qut darytar dara jyl,
Osy jyl shyǵar marhabbat!
Amansyń ba, jańa - jyl,
Qadamyńa gúl bitsin.
Ákeldiń be jańa - jyr,
Zamanyńa nur bitsin!
Jańa - jyl:
Men jańa - jylmyn,
Men jańa - nurmyn.
Nurymdy da sebeıin,
Jyrymdy da tógeıin.
Júrgizýshi: Jańa - jyl sen bizge ne ákeldiń?
Jańa - jyl:
Men ózimmen birge jaqsylyq ákeldim. Árbir otbasyna baqyt, elime beıbitshilik, tynyshtyq syılaýǵa keldim.