InfoHub Logo

Qosh keldiń qyzǵaldaqtaı Naýryz
Maqsaty: Balalardyń naýryz týraly túsinikterin arttyrý, oı órisin, tilin, damytý. Halqymyzdyń saltyn ádet ǵurpyn ónegeli, ónerli azamat bolyp birlikke, dostyqqa tárbıeleý.

Júrgizýshi: Qurmetti ata analar apaılar, qonaqtar! Bárimizdiń kópten kútken Naýryzymyz da keldi. Naýryz toılaryńyz qutty bolsyn.
İlesip naýryzben kóktem jetsin
Kóńilin úlken kishi kókke órletsin
Eńsesi kóterilip er azamat
Eski jylmen renish ókpeń bári ketsin dep naýryz jyl basy qutty bolsyn. Jańa jyl tek qana jaqsylyǵyn, jańalyǵyn ákelsin. Aq mol bolsyn. Halyq toq bolsyn. Elimiz tynysh bolsyn. Barshamyzǵa baq qonsyn.

Hor: Dastarhan aýýý
Taqpaqtar:
Asylym
Jyldyń basy Naýryz
Jerdiń basy Naýryz
Merekege arnlasyn
Búgingi jyr ánimiz
Y. Erasyl
Ulys kúni qazan tolsa
Ol jyly aq mol bolar
Uly kisiden bata alsa
Sonda oljaly jol bolar

Júrgizýshi:
Qazaǵymnyń salt dástúri jańǵyrǵan
Tálimdi oı synaǵy, tárbıe kózi qaldyrǵan
Salt dástúrdi ardaqtaıyq aǵaıyn
Qazaq atty úlken kishi baldyrǵan
Jınalyppyz sátti kúni bárimiz de
Úlken kishi jasymyz kárimiz de
Tórletińiz qadirmendi ájeler
Gúl - gúl jaınap myna bizdiń tórimizge
Ortaǵa ájelerimizdi shaqyramyz, tórletińizder ájeler qutty oryndaryńyzǵa jaıǵasyńyzdar.
Ýa halaıyq, halaıyq
Aq sandyqty ashaıyq
Bul mereke bul toıdyń
Shashýlaryn shashaıyq
(Shashý shashat ájeler)

Júrgizýshi: Kele jatqan úzilmeı babasynan
Qazaq úshin qymbat joq balasynan
Áli talaı shyǵady naǵyz shara
Qyzdarymyz bıshilerdiń arasynan
Kishkentaı myń buralǵan bıshi qyzdarymyzdy Qamajaı bıimen ortaǵa shaqyramyz. Qabyl alyńyzdar?

Júrgizýshi: Ertede qazaq halqy Naýryzǵa aryqtaryn tazartyp, aldyn ala daıyndalǵan. Úlkendi kishili toı ǵuryptaryn Naýryzda atap ótýge tyrysqan.
Jolyń bolsyn deselik.
Jolyńa nur tóselik
Jarylqasyn aldyńnan
Tusaýyńdy keselik
Qaz basyp júrgen balanyń tusaý kesý yrymyna kóńil aýdaraıyq. Bala on eki aı shamasynda qaz turyp, bir eki attap ústel jaǵalap júredi. Osy kezde balaǵa arnalǵan qazaq halqynda « Tusaý keser»toıy ótkiziledi. Osy tusaý keser toıynyn kishkene kórinisti tamashalańyzdar.
Tusaý keser. (salty)

Júrgizýshi: Baýyrlasqa tántimiz,
Buzylmaǵan saltymyz
Keń dalamnyń ejelgi
Qazaq degen halqymyz
Ózge ulttaı bizdiń de
Bar dástúr men saltymyz
Qurmetti ata analar, «tárbıe tal besikten bastalady»demekshi turmystyq salt dástúrlerge baılanysty sizderge konvertter taratamyn sizder onyń ishindegi suraqtarǵa jaýap beresizder.
1 - kezeń (konverttegi suraqtarǵa jaýap beresizder)
2 - kezeń Aldar atanyń qorjynyndaǵy suraqtarǵa jaýap beresizder
3 - kezeń Tús kıizdi oıýlap túrli tústi qaǵazben qaǵaz betine túsirý.
Sizder oılanǵansha meniń kishkentaı búldirshinderimniń jyr shýmaqtaryn qabyl alyńyzdar.
Taqpaq
Aqnıet
Rýhıa
Táýelsiz eldiń adamy
Beıbit berik qamaly
Qut bolsyn deıik aǵaıyn
Jańa kún Naýryz qadamy
Osy kezde mýzyka oınalady Aldar kóse keledi.
Aldar kóse oıyn oınatady
Oıynnyń sharty:
Júrgizýshi.
Eı balalar balalar
Endi maǵan qarańdar
Naýryzdy toılaıyq
Qyzyq oıyn oınaıyq
Naýryz meıramynda halyq qýanyp ulttyq oıyn túrlerin oınap kóńil kótergen. Sol oıyndardyń ishinen biz Qyz qýýdy alyp otyrmyz. Al, balalar endeshe kúshimizdi synap oınap kóreıik. Ulymyz qyzymyzdy atpen qýyp jetý kerek.

Oıyn: Qyz qýý
Endi ata analarǵa tapsyrma sizder aq qaǵazdyń betine ár túrli tús qaǵazdan tús kıizdi salasyzdar.(Sizderdiń birneshe mınýttaryńyz bar)

Júrgizýshi:
Qazaqtyń ulttyq taǵamdary
Jasymnan jaqyn maǵan bári
Teńermes em olarǵa men
Eshbir asty ǵalamdaǵy
Asyl ájelerimizdiń oryndaýynda «Qazaqy dastarhanym»ánin qabyl alyńyzdar.

Án: Qazaqy dastarhanym
Oý, halaıyq halaıyq
Bıge kóńil salaıyq.
Naýryz toıyn kóńildi
Birge qarsy alaıyq

Bı: Qara jorǵa (qabyl alyńyzdar)

Júrgizýshi:
Naýryz qutty bolsyn
Denimiz saý bolsyn
Naýryz toıy kele bersin
Barlyq halyq baqytty bolsyn.
Qosh saý bolyńyzdar halaıyq
Kóriskenshe kún jaryq bolsyn!

Qaraǵandy oblysy, Jańaarqa aýdany,
«Aqerke» bóbek jaıy KMQK tárbıeshisi:
Tokeshova Asel Kaıyrbekovna