InfoHub Logo

«Álippe degen – altyn jol»

Maqsaty: 1. Oqýshylardyń saýat ashý pánin oqý barysynda alǵan bilimderin qorytý, tórt aıdyń ishinde mektep qabyrǵasynda úırengen ónerleri men
iskerlikterin ata – analarǵa kórsetý.
2. Óz oılaryn ashyq, erkin aıtý, sóıleý mádenıetin, oılaý qabiletterin, jan – jaqty bilimderin, shyǵarmashylyq, tanymdyq qabiletterin damytý,
talǵamdaryn damytý.
3. Bilimge degen súıispenshilikterin, bilim alýǵa, ónerge degen qushtarlyqtaryn arttyrý. Adamgershilikke, uqyptylyqqa, birin - biri syılaýǵa, ózin - ózi
durys ustaýǵa, ujymshyldyqqa, ásemdikke, eńbekke baýlý, ana tilin súıip, qasterleýge tárbıeleý.
Bezendirilýi: mazmundy sýretter, álippe týraly taqpaqtar jazylǵan kórnekilikter, naqyl sózder, sharlar, gúlder, kespe áripter, «Álippe», «Ana
tili» oqýlyǵynyń maketteri, slaıdtar,
Sabaqtyń barysy:

İ. Uıymdastyrý.
Mýzyka oınap turady. Merekelik bezendirýler
Muǵalimniń sózi.
Armysyzdar, qurmetti erteńgilikke kelip otyrǵan qonaqtar, ardaqty ustazdar, qadirmendi ata - analar. Búgin sizderge Qaraýylkeldi orta mektebiniń 1 "A"synyp oqýshylarynyń ázirlegen «Álippe degen — altyn jol» — atty erteńgilikke qosh keldińizder!

Muǵalim sózi: Qurmetti ata - analar, ustazdar! Búgin bizde úlken mereke, zor qýanysh. Aldaryńyzdaǵy kishkentaı búldirshinder osydan 4 aı buryn mektep tabaldyryǵyn qýanyshpen ári júreksine attap kelgende, alǵash qoldaryna ustaǵan oqýlyǵy «Álippe» bolsa, búgingi kún sol álippeni aıaqtap, bilim asýynyń alǵashqy belesinen asyp otyr. Árıne, bul balalar úshin jetistik, jeńis! Álippe – bul búkil ǵylymnyń alǵashqy esigi, bilim shyńyna bastaıtyn alǵashqy soqpaq. Endeshe, sizderdi osy asýdy, osy belesti baǵyndyrǵan shákirtterimniń bilimin, ónerin tamashalaýǵa shaqyramyn.

Hor: «Qońyraý»

Muǵalim sózi: Kishkene 6 jasar búldirshinderdiń qolyna tuńǵysh ustaǵan bilimniń bastaýy — Álippe oqýlyǵy.
Bul kitap búkil ǵylymnyń alǵashqy soqpaǵy, bilimge bastar alǵashqy joly.
Endeshe qurmetti búldirshinder Álippemizdi qurmetpenen shyǵaryp salýǵa kiriseıik.
Al, qanekeı, balalar, sóz kezegi ózderińde
Bal tamǵan tilderińe
Ázjánibek pen Nurhan
Qane, qane bastańdarshy
Ertegini erite de, elite!

Nurhan (1 ýázir): Erte, erte, ertede úlken Qaraylkeldi orta mektep shaharynda Álippe han bılik jasapty.
Ázjánibek (2 ýázir): Hannyń 40 ýáziri jáne eki kútýshisi bolypty. Álippe han sondaı qatal bolǵan eken. Ol ýázirlerine el aralatyp bilimsiz balardy
jınatyp, jazalap saýattandyrady eken. Álippe han elin jınap taqtan ketetinin jarıalamaqshy.

Nurhan (1 ýázir): Ýa halaıyq, kelińizder kórińizder, Álippe han taqtan ketkeli jatyr.
Ázjánibek (2 ýázir): Ýa jarandar, jarandar! Álippe han óz ornyna ulyn saılamaqshy. 40 ýáziri men eki kútýshisiniń, handy shyǵaryp salý saltanatynyń kýási bolyńdar!