InfoHub Logo

B. Ábdirazaqov atyndaǵy №88 orta mekteptiń janynan uıymdastyrylǵan
«Syrly saz» óner úıirmesiniń uıymdastyrýymen ótetin «Týǵan jerim - dýmandy elim» atty «Aıgólek» án - bı baıqaýynyń senarıi

N. Tilendıev «Ata tolǵaýy» kúıimen bı oryndalady. Shashý shashylady.
(Artynda vıdeo kórsetiledi. Týǵan jer, Qazaqstan, dástúr men salt týraly)
Bastaýshylar ortaǵa «Aıgólek» baıqaýynyń ánurany mýzykasynyń fonynda shyǵady.
1 - j: Nár alǵan ǵuryp, ónerden
Jaralǵan tunyq ónerden
Armysyz aǵaı, apaılar
Armysyz barsha kórermen!! (Hormen)

2 - j: Quralǵan án men jyrlardan
Armany asqaq nurly arman
Ónerdi kókke kótergen
Sálem! Sizge tyńdarman! (Hormen)

1 - j: Sulýlyq, symbat syry bar
Ónerdiń ólmes nury bar
Babamnan qalǵan baq - mura
Qazaqtyń án men jyry bar

2 - j: Ónerdiń qymbat syıy bar
Keregin tańdap qıyp al
Babamnan qalǵan taq mura
Qazaqtyń kúı men bıi bar

1 - j: Halqymda sańlaq sana bar
Solardan shyqqan danalar
Án salyp, bı bıleıtin
Ónerli bizdiń balalar!

2 - j: Baqytty bizdiń búldirshin
Ónerin búgin bildirsin
Qıalǵa qanat bitirip
Kóńilge án men jyr kirsin!

1 - j: Deseńiz óssin boı - zerek
Kóńilge kórkem oı kerek
Ónerli bala ósetin
Osyndaı baıqaý «Aıgólek» (hormen)

2 - j: Shattanar dýman dóńgelep
Bolady búgin toı bólek
Ónerli bala ósetin
Keremet baıqaý - «AIGÓLEK» (hormen)

1 - j: Armysyzdar qadirli qonaqtar, ardaqty aǵaılar men apaılar!
2 - j: Salamatsyzdar ma, qurmetti oqýshylar, kórermen qaýym!
1 - j: Ia, búgin bizdiń bárimizde taǵy da úlken merekelik kóńil kúı bar. Ótken aptadaǵy Qazaqstan halyqtary assambleıasynyń 20 jyldyǵyna arnalǵan ár ulttyń bılerinen ótken toptyq saıys oqýshylardyń ónerge degen, mýzykaǵa degen úlken súıispenshiligin bildirip qana qoımaı, olardyń ujymdyq dostyǵy men biri - birine degen senimderin pash etkendeı...
2 - j: Ia, «Bul án burynǵy ánnen ózgerek» dep Shákárim atamyz jyrlaǵandaı búgingi dýmandy doda myń buralǵan bı ónerinen ózgeshe ásem ánge arnalmaq. Shynynda da «Qulaqtan kirip, boıdy alar.. Ásem ánmen tátti kúı. Kóńilge túrli oı salar.. Ándi súıseń menshe súı..» dep uly Abaı atamyz aıtqandaı balalardyń bári de qulaq quryshyn qandyrar ásem ándi jaqsy kóredi emes pe? Aıdáýlet!
1 - j: Ia. Durys aıtasyń Merýert! «Shóp óspeıtin dala bolmas,.. án salmaıtyn bala bolmas!!» degendeı bizdiń mektebimizde jaqsy ónerdi janyna serik etken, mýzykanyń mánin berik etken ánshi de, bıshi de oqýshylar kóp qoı..
2 - j: Árıne, kóp Aıdáýlet! «Bulaq kórseń kózin ash» degen halyq danalyǵy. Tek osyndaı talantty balalardyń úlken ónerge baspaldaǵy osyndaı kishi saıystarda shyńdalatynyn biz bárimiz bilemiz. Sondyqtan olardyń bul qadamdaryna ustazdary men ata - analary jáne jankúıer synyptas dostary da aq jol tilep, qyzyǵa da, qoshemetpen qarap otyr dep oılaımyn.
1 - j: Endeshe búgingi « Syrly saz» án úıirmesiniń uıymdastyrýmen ótip otyrǵan «Týǵan jerim - dýmandy elim» atty «Aıgólek» Án baıqaýyna Hosh keldińizder!! (hormen)
2 - j: Aıdáýlet! Sen bilesiń be? Bıylǵy jyl Bizdiń elimiz úshin úlken merekeler jyly bolaıyn dep turǵanyn?..... Qara, Qazaqstan halyqtary assambleıasynyń 20 jyldyǵy, Qazaq handyǵynyń qurylǵanyna 550 jyl, Ata zańymyzdyń qabyldanǵanyna 20 jyl, Al eń bastysy talaı taǵdyrlardy tálkek etken zulmat Uly Otan soǵysynyń jeńiske jetkenine 70 jyl.. Mine... kórdiń be?
1 - j: Ia, bilem, bilem! Bizdiń babalarymyz «Eki toıyń qabat bolsyn, eki dúnıeń abat bolsyn» dep beker aıtpasa kerekti. Sondyqtan toı jasaý – bizdiń Qazaqstanymyzdyń búgingi jetken jetistikteriniń, jeńisteriniń jemisi bolar. Ylaıym elimizde shattyqqa bólep, janymyzdy jigerlendirer merekeler kóp bola bersin deıik...
2 - j: Tań qaldyryp alty alashyn
Bıikterge býǵan belin
1 - j: Qut - berekeń tarqamasyn
( Hormen ) Týǵan jerim - dýmandy elim!!
(Vıdeo - slaıd kórsetiledi..................................)
** «Aıgólek» áni oryndalady. Qatysýshy oqýshylar sol áýenmen ortaǵa shyǵyp turady. Bı bılenedi.*
1 - j: Sonymen, qurmetti kórermen qaýym! Sizderdiń aldaryńyzda búgingi «Aıgólek» án saıysyna qatysýshy talapkerler!
2 - j: Qoshemetterińiz, jankúıerler
/ mýzyka/
1 - j: Endi búgingi balalardyń «Aıgólek» án baıqaýyna sáttilik pen aq jol tileý úshin ortaǵa mektebimizdiń basshysy Qýandyq aǵaıdy jáne............................
2 - j: Balalardyń kópten kútken ándi de sándi qýanyshyn birge bóliseıik.. Tórleńizder!!
\Tilek aıtýshylar ketedi\
1 - j: Júrekti terber sazy bar
Tyńdasań janyń jazylar
2 - j: Án menen bıdi synaıtyn
Búgingi ádil qazylar
1 - j: Qurmetti kórermen qaýym. Endi búgingi ánniń mánin biler, yrǵaqtyń sánin biler, baıqaýdyń naǵyz ádil baǵasyn tórge iler qurmetti qazylardy tanystyrsaq.
2 - j:/ Ádil qazylarmen tanystyrý/

B. Ábdirazaqov atyndaǵy №88 orta mekteptiń janynan uıymdastyrylǵan
«Syrly saz» óner úıirmesiniń jetekshisi, mýzyka pániniń muǵalimi Batyrhan Nurymbet

Tolyq nusqasyn júkteý