InfoHub Logo

«Meniń mamandyǵym» atty stýdenttemen kezdesý keshi.
Keshke qatysýshy kórermender:
- 9-11-synyp oqýshylary
- Stýdentter
- Ustazdar
Pikir aıtýshylar:
Ár túrli saladaǵy bolashaq mamandyq ıeleri, ıaǵnı stýdentter.
Pikir aıtýshy stýdenttermen tanystyrý
«Meniń mamandyǵym» atty stýdenttermen kezdesý keshiniń baǵdarlamasy:
Keshtiń maqsaty: 1. Mamandyq tańdaý kezeńinde turǵan oqýshylarǵa baǵyt-baǵdar berip, tańdaý múmkindikterin sheshý.
2. Olardy óz pikirin erkin aıtýǵa, basqanyń pikirin syılaı bilýge, júıeli oılaýǵa baýlý
3. Oqýshylardyń qoǵamǵa degen azamattyq pozısıasyn qalyptastyryp, otansúıgishtikke tárbıeleý
Kirispe sóz: -Qurmetti, stýdent qaýymy, oqýshylar jáne ustazdar! Barshańyz da búgingi «Meniń mamandyǵym» atty kezdesý keshine qosh keldińizder! Mektepten túlep ushqaly otyrǵan 11-synyp oqýshylaryn «qandaı mamandyqty tańdaımyn» nemese «tańdaǵan mamandyǵyma qalaı qol jetkizemin» degen oılar mazalaıtyny anyq. Mamandyq tańdaý kezeńinde turǵan oqýshylarǵa baǵyt-baǵdar berip, tańdaý múmkindikterin sheshý úshin ustazdarmen, keshegi túlekter, búgingi stýdent, bolashaq maman ıelerimen, kezdestirip oı bólisý, pikir almasýdyń mańyzy óte zor.

Adam óziniń bolashaq kásibine ár túrli joldarmen keledi. Bireýler úshin – ol oıǵa alǵan armannyń oryndalýy, otbasy dástúrin jalǵastyrý, kelesi bireýler úshin – jańalyqqa, derbestikke talpynys, úshinshi bireýlerge - áıteýir bir mamandyq alý kerek bolǵan soń t.b. Mamandyqty tańdaý úshin, adam eń aldymen ózin, óz beıimdiligin tanýy qajet. Óz-ózine «Men kimmin?», «Osy ómirdegi meniń ornym qandaı?», «Qalaı ómir súremin?» degen suraq qoımaıtyn adam kem de kem.

Mynaý kóp salaly ómirde mamandyqtyń túri kóp. Árıne tańdaý jasaý ońaı emes. Eń bastysy – adam eńbekke qabiletti, zeıindi bolýy qajet jáne onyń mamandyǵy ózi ósken ortaǵa mańyzdy, baǵaly úles qosatyndaı bolýy shart. Óz isine senimdi, durys tańdaǵan adam ǵana jetistikke jetedi. Adam eńbeginen qýanyshyn taba bilse, boıyna jańa kúsh qosylyp, eńbekke degen shabyty arta túsedi. Zor yqylas, shabytpen istegen is – tabys bıigine jetkizetin qanat.
Abaı atamyz aıtqandaı: «Nege arnalsań, sony iste» dep, qashanda adam ómirden ornyn óz tańdaýymen tapqan jón.

Qatysýshylarǵa beriler suraqtar:
- Adam ózin belgili bir mamandyqqa qashan, qalaı daıyndaýy kerek dep oılaısyz?
- Adam bolashaq óz mamandyǵyn tańdaǵan kezde, neni basshylyqqa alý qajet?
- Bul mamandyqty tańdaýyńyzǵa ne sebep boldy?
- Jaqsy maman bolýy úshin adam neni bilip, neni úırenýi qajet?
-Qaı ýaqytta adam óz eńbeginiń jemisin kóre alady?
- Osy mamandyǵyńyzǵa júrek qalaýyńyzben bardyńyz ba?
- Áttegen-aı degen shaqtaryńyz boldy ma?

3. Psıhologıalyq sát: "Psıhogeometrıa"- ózin- ózi taný: Qatysýshylar ózine unaǵan geometrıalyq fıgýralardyń kez kelgenin tańdaýy tıis. Ár fıgýra qandaı da bir adam boıyndaǵy qasıetti, qabiletti bildiredi. Árqaısysymyz ózimizdi tanyp kórelik.
Kvadrat. Sende tózimdilik, shydamdylyq, eńbekqorlyq damyǵan. Óz aınalana adamdardy jınap uıymdastyrý, retteý jáne júıeleý qabiletin barshylyq. Senen úzdik admınıstrator shyǵady, biraq saǵan ózinniń kásiptik mamandyǵyndy menejmentpen baılanystyrmaýǵa usynys aıtamyn.
Zıgzag. Sende ásemdikti kóre bilý qabiletin joǵary qalyptasqan, sondaı- aq shyǵarmashylyq qabiletin, oı- órisin damyǵan. Sende tabıǵı ótkiroılylyq bar, óz aınalana qabiletti adamdardy jınaı alasyn. Seni shablondar, erejeler, nusqaýlar qyzyqtyrmaıdy. Bastaǵan isti aıaqtaýǵa tózimdiliktiń joqtyǵy bóget jasaıdy.

Sheńber. Sende adamgershilik joǵary damyǵan. Sen óz áriptesindi tyńdaı alasyń jáne onyń qaıǵysy men qýanyshyn birge bólisesin , basqanyń aýarpatylyǵyna járdemdesý qabiletin joǵary qalyptasqan.Saǵan jeke adamdar arasyndaǵy kıkiljińder tán emes, ózińdi olardan aýlaq ustaısyń jáne saǵan menejment salasyndaǵy mamandyqtar sáıkes kelmeıdi. Senen úzdik psıholog shyǵýy múmkin.
Úshburysh . Saǵan basqarýshylyq qasıet tán. Óz kózdegen maqsatyna qol jetkizýge barlyq múmkinshiligińdi jasaısyń. Ózińe senimdisiń jáne jeńiske, jetistikterge, utystarǵa ońaı qol jetkizesiń. Aıtqanynnan shyqpaısyń, abyroılysyń. Sen qoǵamda, ómirde joǵary jetistikterge qol jetkizesiń, jumysyńda joǵaryǵa kóterilýge beıimdiligin bar.Saǵan menejment salasyn meńgerý usynylady.

4. «Mamandyqtar tizbegi»- oıyny
Qazir barlyǵymyz sheńber jasap, «mamandyqtar tizbegin» quramyz. Men bir mamandyqty aıtamyn, mysaly: metalýrg. Kelesi oqýshy osy mamandyqpen qatysy, baılanysy, uqsastyǵy bar mamandyqty atap olardyń baılanysyn, uqsastyǵyn ajyrata bilý kerek. Mysaly, metalýrg, aspazshy. Sebebi ekeýi de otpen, joǵary temperatýrada, ystyq peshterde jumys isteıdi.
İÚ. Qorytyndylaý:
2. Mamandyqty durys tańdaýda qandaı qateler jiberilýi múmkin?
«Bos mıkrofon» (refleksıa)
Erkin túrde qatysýshylar búgingi keshten alǵan áserleri týraly pikir bólisedi.
- Osy kúnnen ne aldyńyz?
- Ózińiz úshin qandaı qorytyndy jasadyńyz, oılandyratyn jaǵdaı boldy ma?

Qorytyndy: Búgingi keshimizdi myna óleń joldarymen aıaqtaýǵa ruqsat etińizder:
Eńbek etsem, erteńgi- baqytyma senemin.
Masqatyma jetkizer- ýaqytyma senemin.
Dostyq ispen qasty da- jeńerime senemin,
Aqyl, sana bilim men- ónerime senemin.
Arym- taza, aq kóńil- adaldyqqa senemin,
Abyroıly, aq nıet- adamdyqqa senemin!- degendeı el senimine kiretin qurmetti mamandyq ıesi bolamyn deseńizder búgingi kezdesýde apaılarymyz ben aǵalarymyz aıtqan aqyl keńesterdi jadyńyzda ustap ilim- bilim alýǵa barlyq kúsh jigerlerińdi jumsap, egemendi elimizdiń erteńi -bolashaq maman ıeleri bolýlaryńyzǵa tilektestigimdi bildiremin!