InfoHub Logo

«Qyz Jibek» jyryndaǵy Tólegen men Jibek beınesi
9-synyp

Sabaqtyń taqyryby: «Qyz Jibek» jyryndaǵy Tólegen men Jibek beınesi
Maqsaty:
1. Jyrdyń taqyrybyn, ıdeıasyn anyqtaı otyryp, basty keıipkerler Tólegen men Jibek beınesin jan-jaqty ashý.
2.Mahabbatty, dostyqty qadirleýge, sózge turaqty, sezimge berik bolýǵa,.salt-dástúrimizdi dáripteýge tárbıeleý.
3. Oqýshylardy sóıleý mádenıetine úıretý, keıipkerlediń jan dúnıesin ashatyn sóz oralymdaryn taýyp aıtý.
Sabaqtyń túri: Interbelsendi, tanymdyq sabaq
Sabaqtyń tıpi:bilik pen daǵdyny qalyptastyrý
Sabaqtyń ádisi: kórsete-túsindirý, taldaý, oı-qozǵaý, testileý, tyńdaý, mánerlep oqý, salystyrý, suraq-jaýap.
Pánaralyq baılanys: óner, mýzyka, tarıh
Sabaqtyń kórnekiligi: Slaıdtar, ánder, sýretter, test.

Sabaqtyń barysy:
İ.Uıymdastyrý. Salamatsyzdar ma, balalar! Kóńil kúıimiz qalaı?
«Bala bilimdi mahabbatpen kókserlik bolsa, sonda ǵana onyń aty adam bolǵany», dep Abaı atamyz aıtqandaı, sizderge bilimge degen shynaıy mahabbbat tileımin. (Slaıd)

İİ.Úı tapsyrmasyn suraý. Zymyran suraqtar.
1. Taqyryby ne? Mahabbat taqyryby.
2. Neshe bólimnen turady?
2 bólim. 1.Tólegenniń jibekke úılenýi. 2.Jibektiń Sansyzbaımen qosylýy.
3. Sújeti. Sújet bireý - jigittiń úılenýi
4. Keıipkerleri: Tólegen, Jibek, Bekejan, Shege, Qarshyǵa, Bazarbaı, Syrlybaı, Sansyzbaı, Qamqa, Kerbez, taǵy basqa.
5. Jyrdyń túıini ne? Mahabbatqa adaldyq, salt-dástúrdi, ádet-ǵurypty saqtaý.
6. Jyrdaǵy Tólegen beınesi qalaı beriledi?
7. Qyz Jibekti qalaı sýretteıdi? Jyrdan úzindi jatqa aıtý.
İİİ. Jańa sabaqty meńgertýge daıarlyq. Halyq áni «Ágýgaı» ánin tyńdaý.
Balalar, óleń sózderinde «Daıar etip qoıaıyq, saldyryp saraı ózgeshe»,-degen joldar bar. Búgingi sabaǵymyzda Tólegen men Jibek beınesin ashý arqyly, qos ǵashyqtyń «ózgeshe saraıda» turatyndaı jandar ekenine kóz jetkizýimiz kerek.
Áke batasyn attap ketken Tólegenniń ólimi men Jibektiń qaıǵyly taǵdyry talaı janarlarǵa jas úıirtpeı qoımaıdy. Endeshe alǵashqy suraǵymyz jyr týraly bolmaq.
(Jyrǵa sholý suraqtary berledi.)
1.Jyrda turmys-salt jyrynyń qaı túri kezdesedi?
2 .Jyrdaǵy kórinetin ádet-ǵuryp týraly aıt. (Bata, kósh, qyz qylyǵy, teris bata, jeńgelik, qalyńdyq oınaý,tús kórý, tús jorý, qoshtasý, ámeńgerlik, júzin jasyrý)
3.Kórkemdik ereksheligi. (teńeý, metafora, epıtet, asonans, alıterasıa)

İÚ.Jańa sabaqty meńgertý. Balalar! Urpaq sanasynda máńgi saqtalatyn, kórkem jyrǵa arqaý bolǵan basty keıipkerlerimiz Tólegen men Jibek beınesiniń qyr syryn jan-jaqty ashý úshin «Qyz Jibek» kınofılminiń sújetterin arqaý etsek. Esimizge túsireıik. Fılmdi bárimiz kórdik dep oılaımyn. Jalpy sizderge kerek derek retinde aıtyp óteıin, Kórkem fılm 1970 jyly rejıser Sultan Qojyqovtyń, jazýshy Ǵabıt Músirepovtiń jazǵan senarıi boıynsha túsirilgen. Senarıdi Ǵabıt Músirepov arab qaripterimen jazǵan, sondyqtan da ony eshkim túsinbegendikten, fılmniń túsirý tobyn jınap alyp, jazýshy bárine ózi oqyp bergen.
Kompazıtory- Nurǵısa Tilendıev.
Án óleńderiniń avtory-Qadyr myrza Álı.
Fılmniń avtorlary: Asqar Súleımenov pen Oljas Súleımenov.

1.Kıno fılm jelisi boıynsha «Qyz Jibekti» qanshalyqty biledi ekenbiz, ózimizdi tekserip kóreıik.
1.«Qyz Jibek» fılmi bastalǵanda aıtylatyn eń alǵashqy sóz qandaı?
A. «Aǵaıyn!»
Á. «Arýaq!»
B. «Aldıar!»

2. Qazir kópshilik arasynda ázil retinde «Bekejan myrza, sen sózdi bóle berdiń ǵoı...» degen eskertpeni kim aıtady.
A. Qarshyǵa
Á. Bazarbaı
B. Syrlybaı

3. Jibek Tólegendi alǵash kórgende onyń alqaly top aldynda ashyna aıtqan sózderin aýzyn asha tyńdap qalyp...
A. Uıtqı soqqan jelmen basynan bórkiniń ushyp túskenin baıqamaı qalady.
Á. Qolyndaǵy kese toly qymyzdy tógip alǵanyn baıqamaı qalady.
B. Jeńinen tartqan jeńgesin eleń qylmaı, orta shyǵa kelgenin sezbeı qalady.

4. Kósh kezinde jibek kúımemen kele jatady, al onyń jeńgesi she?
A. Túıede
Á. Sáıgúlikte
B. Kúımede Jibektiń janynda

5. Bekejannyń Tólegenge aıtqan «Qatynjandylyǵyńdy kórdik....» degen sóziniń ári qaraıǵy jalǵasy qandaı?
A. «... qane, sandalmaı, qansha qadamnan atysatynyńdy aıt!»
Á. «...baıqa, kúshik kúıeý!»
B. «... endi bilek kúshińdi baıqaıyq!»

6. Jibektiń Tólegenge mingizgen tulpary qalaı atalady?
A. Bozaıǵyr
Á. Tarlanboz
B. Aqbozat

7. Jaýǵa qarsy attanǵan Tólegenge kim bata beredi?
A. ákesi Bazarbaı
Á. anasy Qamqa
B. dosy Shege

2. Jyrdyń túpnusqasy men kınofılmdi salystyrý. Suraq-jaýap.
Ú. Bekitý.
Biz «Qyz Jibek» fılmin qanshalyqty biletinimizdi saraladyq.
1.Endi jyrdaǵy Tólegen beınesin jan-jaqty saralap kóreıik. (Oqýshylar taqtaǵa keıipkerlerdiń minezdemesin jazady)
Ózderińiz aıtqandaı ol – sulý, aqyldy, saýyqshyl, názik júrekti, baýyrmal osy minezderi jyrdyń qaı jerinde kórinis tabady?

2.Al, Jibek qandaı? Aqyldy, sulý, ór minezdi, sertte turatyn adal jar, qamqor áıel, taǵy basqa. Jyr joldarynan mysal keltirý. Dáleldeý.

Oıqozǵaý.
1.Sizderge mynandaı suraq qoıǵym kelip otyr. Tólegenniń áli qalyńdyq bolyp aq bosaǵa attamaǵan Jibektiń elinde alty aı jatýyna qalaı qaraısyzdar? Bizdiń salt-dástúrimizge qaıshy emes pe? (Qalyńdyq oınaý, uryn kelý dástúrleri týraly aıtý.)
(jaýaptary tolyq bolý úshin úıde ata-analarymen pikirlesip jaýabyn aıtyp kelý tapsyryldy.)
2. Tólegen men Qyz Jibektiń qandaı qasıetterin óz boılaryńda bolǵanyn qalaısyńdar? Nege? (Ár oqýshy bir-bir qasıetin aıta otyryp, túsindirip beredi)
Sabaǵymyzdy aıaqtaı kele Tólegen men Jibekteı bolý, qazirgi ýaqyttaǵy osy bir názik sezimdi ańsaý árkimniń de armany. Sonyń bir dáleli retinde Roza Álqojanyń áni men sózine jazylǵan «Jibektiń eli» atty óleńdi tyńdasaq.
Úİ Baǵalaý. Birin-biri baǵalaý
Úİİ. Úıge tapsyrma. «Mahabbat degen...» taqyrypqa jyrdan alǵan áserleri boıynsha oı-tolǵaý jazyp kelý.