Qurmanquldyń Naýryzbaıdyń erligine rıza bolýy
Ahmet pravıtel Kernesary, Naýryzbaıdan qorǵaný úshin bir bólek ásker ustaıdy. Ol áskerdiń bastyǵy qypshaq rýynyń Aryq taıpasynan shyqqan Qurmanqul Turdyqul balasy degen batyr bolady.
Naýryzbaı Ahmet pravıteldiń ordasyn shaýyp, birneshe qolmen jylqysyn aıdap ketedi.
Ahmet pravıtel «aýlymdy qaıta oralyp shappasyn» degen qaýippen bir top áskerin qaraýylǵa jiberedi. Bastyǵy — joǵarǵy Qurmanqul. Qurmanqul áskerin taýdyń etegine túsirip, ár jerden qaraýyl qoıyp qarap turdy. Tań sarǵaıyp atqan kezde, taýdyń basynan etektegi áskerge qaraı aǵyp kele jatqan jalǵyz qarany kóredi. Álgi qaranyń juldyzdaı aǵýymen qatar, ekpin dúrsili taýdy solqyldatqandaı. Bul kim, bul ne dep ásker úreılenedi. Qurmanqul áskerin bastap tártipke salyp, tobyn jazdyrmaı qaz-qatar tizip turady.
Aǵyzyp kele jatqan Naýryzbaı eken. Manaǵy dúrsil Aqaýyzdyń jerdi tesip ketkendeı jelisi bolyp shyǵady.
Qurmanqul jáne onyń áskeri qorqyp tegis qol qýsyryp aıaǵyna bas ıedi. Sodan keıin Naýryzbaı amandasyp, jón surasyp tildesedi. Sonda astyndaǵy Aqaýyz shyıyrshyq atyp turmaı, basqan jerin aıaǵymen jer oshaq qyp qazyp, esik pen tórdeı jerge atylady. Naýryzbaı toqtatpasa, Aqaýyz áskerden qarǵyp ketkendeı, shóp qyp tastap tastaǵandaı, qamys qulaqtary tastóbesine, kózderi ottaı janǵan, tanaýlary shelekteı kókke qarǵyp turady.
Naýryzbaı olarmen tanysqannan keıin qosh aıtysyp, Ahmet pravıtelge jetkizýge Qurmanqulǵa birneshe sóz tapsyryp, keri qaıtady. Naýryzbaı uzańqyraǵan mezgilde osy qoldyń ishinen Shabdar degen myltyq atady. Naýryzbaı myltyqtyń daýsyn estip, qylyshyn sýyryp Shabdarǵa kelgende, Shabdar shydaı almaı, qashyp, qalyń toptyń arasyna kirip ketedi. Qurmanqul Naýryzbaıdyń aldyna baryp: «Munyń ózi qalaı bolsa solaı esalań kisi edi», — dep kópshiliktiń Naýryzbaıǵa baǵynatyndyǵyn aıtady. «Á, solaı ma edi?!» — dep Naýryzbaı qylyshyn qynabyna sart etkizip salady da, aınalyp júre beredi. Sonda Qurmanqul: «Naýryzbaıdyń erligine yrza boldym», — depti.
Oqýǵa keńes beremiz:
Syrymnyń Nuraly handy shabýy (İİ nusqa)
Baımaǵambet sultan men Syrym batyr
You Might Also Like
-
Naýryzbaıdyń qaryndasy Qarashash dalada jatqan jylqynyń bir qumalaǵyn atpen shaýyp kele jatyp naızamen shanshyp ilip alady eken. Serke terisinen tumar boıaýǵa boıaǵan sary shalbar kıedi eken.
-
Naýryzbaı adamnyń syrttany eken, túregelip turǵanda eki qoly tizesinen tómen túsip turady eken jáne bilegi jáı adamdardyń bilegindeı eki aıyr súıek emes, tutas som súıek eken deıdi.
