InfoHub Logo

Taqyryby: Qus merekesi
Túri: saıys
Maqsaty: Oqýshylarǵa jalpy qustardyń paıdasy týraly, olar jóninde maǵlumat berý. Negizinen olarǵa qamqor bolýǵa, qustardy aıalaýǵa beıimdeý. Álem qustarymen tanystyrý. Oqýshylardyń qustar týraly
oı-óristerin, túsinikterin damytý. Otanyn, jerin, ormanyn,
kólin, tabıǵatyn súıýge baýlý.
Kórnekiligi: Álbomdar, sýretter, plakattar, emblema, kórme.

Júrisi: I. Uıymdastyrý
Oqýshylardyń nazaryn synyp saǵatyna aýdarý.
II. Negizgi kezeń
Jospary: 1. Qatysýshy toptarmen tanysý
2. Kelgen qonaqtarmen tanysý
3. Qorytyndylaý

III. Oıyn júrisi: 1. Tanystyrý.
2. Qustar týraly án aıtý.
3. Qus sýretin beıneleý. (sol jerde)
4. Sán úlgisi. (qustyń beınesin kórsetý)
5. Qustar týraly boljamdar aıtý.
6. Suraqtarǵa jaýap.

Muǵalim: Qurmetti ustazdar, oqýshylar jáne qonaqtar! Mine, bizdiń dosymyz – qustar da jyly jaqqa qaıta bastady. Bizdiń halqymyz keń dalada, tabıǵaty kórkem, qustary baı dalada ósken. Jalpy jer betinde 8600-ge jýyq qustardyń túri bolsa, bizdiń Respýblıkamyzda-174 qustyń túri bar.
Endi 3 «b» synybynyń qustar kúnine arnalǵan «Qustar kórmesi» atty synyp saǵatyn bastaýǵa ruqsat etińizder.
Án: «Kóktem válsi»
Án aıaqtala bere, óńirlerine belgi taqqan eki top ortaǵa shyǵady. Ár topta bes oqýshydan. Qalǵan oqýshylardy ádilqazylar alqasy etip saılaımyz.
İ- top: «Qarlyǵash».
İİ- top: «Kógershin».
İ. Tanystyrý:
1. Eki top ózderiniń nelikten qustardyń ataýlaryn alǵandyǵy týraly sóz qozǵaıdy.
İİ. Qustar týraly án:
İ- top: «Qustar áni» ánin oryndaıdy.
İİ- top: «Aq kógershin» ánin oryndaıdy.

İİİ. Qus sýretin beıneleý:
Oqýshylarǵa túrli-tústi qaryndashtar men qaǵaz beriledi.
İ- top oqýshylaryna «aqqýdyń» sýretin salý tapsyrylady.
İİ- top oqýshylaryna «tyrnanyń» sýretin salady. (tapsyrmany oryndaý úshin 10 mınýt beriledi).

IY. Sán úlgisi:
Oqýshylar paketten tikken kıim úlgilerin kórsetedi.
İ- top oqýshylary: Átesh, balapan, aqqý, bulbul bolyp kıingen.
İİ- top oqýshylary: Qarǵa, qaz, kógershin, saýysqan kıimin kıgen.
Y. Boljamdar aıtý:
İ- top: 1. Shaǵala kelse, seń buzylady.
2. Jyl qusy qaptap kelse, kóktem tez shyǵady.
3. Kókek qatty, ári jıi shaqyrsa-kón jylynady.

İİ- top:
1. Qarlyǵash órlep ushsa-kún jyly, qurǵaq bolady.
2. Boztorǵaı án salsa, kún ashyq, únsiz júrse jaýyn jaýady.
3. Qustar ertemen jem izdeýge asyqsa, kún jaýyndy-shashyndy bolady.

Yİ. Suraqtarǵa jaýap:
İ- top: 1. Qanatty orman jyrtqyshyn ata. ( qarshyǵa)
2. Kóktemde alǵash ushyp keletin qus. ( uzaq)
3. Óte saq, uzyn sıraqty, uzyn moıyndy qus. (tyrna)
4. Kıeli qusty ata. (aqqý)

İİ- top: 1. Úı qustaryn ata. (taýyq, úırek, qaz, kúrketaýyq)
2. Beıbitshilik qusyn ata. ( kógershin)
3. İri suńqarlar ókili. (lashyn)
4. Baýyry qara, mańdaıynyń ústinde aq belgisi bar qara qus. (qasqaldaq)

Y. Qorytyndy.
Muǵalim: Jaraısyńdar, balalar!Búgingi saıysymyz óz
máresine jetti. Eki toptyń oqýshylary da izdenip, úlken daıyndyqpen kelgendigi kórinip-aq tur. Eki toptyń quramyndaǵy oqýshylarǵa raqmetimdi ádilqazylardyń atynan aıtyp, marapattaımyn.