InfoHub Logo

Sabaqtyń taqyryby: Qus sýreti
Sabaqtyń maqsaty: Bilimdiligi: balalardyń grafıkalyq qabileti men daǵdylaryn qalyptastyrý Damytýshylyǵy: den qoıý men baqylaý, qabiletin damytý Tárbıeligi: tabıǵatty súıýge, ony qorǵaı bilýge úıretý Ádisi: suraq - jaýap, áńgime Kórnekiligi: qustardyń fotosýretteri, slaıd Túri: aralas sabaq Pánaralyq baılanys: ana tili, dúnıetaný, matematıka Sabaqtyń barysy: 1. Uıymdastyrý kezeńi: Sálemdesý. 2. Úı tapsyrmasyn tekserý a) Jumystaryn baǵalaý Ótken sabaq boıynsha suraq - jaýap: Qandaı ertegiler bilesiń? Óziń biletin ertegi keıipkerlerin ata. Jaǵymsyz keıipkerlerdi bilesiń be? Ertegilerdiń qandaı túrleri bar? 3. Jańa sabaq Sabaqtyń taqyrybyn ashý úshin myna sózjumbaqty shesheıik.

1. Qazir qaı mezgil?
2. Sý alatyn tereń shuńqyr
3. Temirmen jumys isteıtin adam
Jańa sabaqtyń taqyryby“Qus”
1) Qazir tabıǵat qubylysynda qandaı ózgerister bolýda?
2) Qustar qys mezgilinde ne isteıdi? - Qustar jyl maýsymdarynyń aýysýyna baılanysty 3 túrge bólinedi: jyl qustary, kóshpeli qustar jáne qystap shyǵatyn qustar. Jyl qustary kúzde jyly jaqqa ketip, kóktemde oralady. Kóshpeli qustar kúzde, qysta aýa raıynyń qolaısyzdyǵynan soltústikten ońtústikke aýysyp otyrady. Qystap shyǵatyn qustar jyl boıy bir aımaqta tirshilik etip, kóbeıedi.
– Myna sýretke qarańdar. Men jumbaq oqımyn. Ol qaı qusqa sáıkes keledi?
Nemese sheshýi qaı qus?
Kúndiz tipti ushpaıdy,
Túnde tyshqan ustaıdy.
Kózi shamǵa uqsaıdy.

Ózi saq, ózi usaq,
Quıryǵy uzyn, ala.
Bul qandaı qus, bala?

Óz atyn ózi aıta alar,
Qaıta - qaıta qaıtalar.
Bul qus qashan jaı tabar?

Sóz úıretseń qaıtalaıdy,
Ózdiginen aıta almaıdy.

Ózi jyldam samǵaıdy,
Denesi jumyr, basy bos.
Qysta aýyldy sharlaıdy
Sary qusty ánge qos.

Erkin samǵap ushsyn dep,
Mápeleımiz, baptaımyz.
Beıbitshilik qusy,- dep
Qaısy qusty maqtaımyz?

Qustar – adamnyń kómekshisi. Kóktem, jaz jáne kúz aılarynda olar qurt - qumyrsqa, kóbelek, órmekshi sıaqty jándikterden ormandy, baý - baqshalardy tazartady.
Kókshymshyq – óte jyldam qus. Onyń denesi jumyr, basy ıyǵyna batyńqy, tumsyǵy úshkir bolady. Jińishke, biraq myqty aıaǵynyń saýsaqtarynda, uzyn tyrnaqtary bar. Quıryǵy tórtburyshty, ushyna qaraı jalpaıa túsken bolyp keledi.

4) Dáptermen jumys - denesin kólbeý sopaqsha joǵary jaǵyna kishigirim sheńber etip, basyn syz; - jotasy men quıryǵynyń syzyǵyn túsir; - tumsyǵyn sal; - úzik syzyqtarmen osy qustyń ózine ǵana tán bas beınesin keltir, - moıny men arqasynyń syzyǵyn beıneleý úshin bas syzyǵynyń jalǵasyn azdap ıińkire;

- omyraý tusyn shyǵyńqy et; - qanattary men quıryǵynyń shetterin aıqyn etip bastyra tús; - aıaqtaryn jáne butaqty myqtap qysyp alǵan tyrnaqty, saýsaqtaryn sal; - qara tústi tóbesi men alqymyn, qanat - quıryqtarynyń aq tús bolatyn jerin boıa. Óz betimen jumys 5) Sergitý sáti. 6) Tanymyńdy tolyqtyr Balalar, «Jalǵasyn tap» oıynyn oınaıyq. Men maqaldyń jartysyn aıtamyn, sender jalǵastyryńdar. «Jalǵasyn tap» oıyny Qarǵa balasyn appaǵym der Kirpi balasyn … der.

Japalaqqa kúnnen … jaryq.
Ajaldy qarǵa búrkitpen ….
Baba búrkit barlap ushady, Bala búrkit … ushady.
Qara qus basyp jeıdi, Suńqar … jeıdi.
7) Ár qatar boıynsha tapsyrma berý.
1 - qatar: Beıbitshilik qusy qandaı qus?
2 - qatar: Ánshi qus qaı qus?
3 - qatar: «Orman emshisi» dep qaı qusty aıtamyz? Esse jazý
8) Bekitý kezeńi
Toptastyrý. Qustar qandaı qasıetke ıe?
QUSTAR
9) Baǵalaý
10) Úıge tapsyrma Ár oqýshy ózi jaqsy kóretin qustyń sýretin salyp kelý.