InfoHub Logo

«Qaqpan»
Sharty: Oıynshylar eki topqa bólinedi. Birinshi top az da ekinshi top kop. Az top qaqpan, kóbi - tyshqandar bolady. Qaqpandaǵy balalar bir - biriniń qoldarynan ustap júredi. Tyshqandar qashyp ustatpaıdy. Tárbıeshiniń belgisimen qaqpandaǵy balalar qoldaryn ustap turady da, tyshqandar sheńber arqyly júgirip ótedi. Sonda tárbıeshiniń belgisimen «jap» degende balalar qaqpandy jaýyp qalady. Osylaı tyshqandardy ustap bolǵan soń, oryndary aýysady.

«Janýarlar»
Sharty: Alańda tárbıeshiniń belgisimen balalar jan - jaqqa júgiredi. Tárbıeshi «Janýarǵa aınalyńdar» - degende balalar toqtap, bir - bir janýardy kórsetip turady. Tárbıeshi aldyn ala balaǵa ózi janýardy tańdaý kerektigin eskertý kerek. Oıyndy 3 - 4 ret qaıtalaýǵa bolady.

«Japalaq»
Sharty: Bólmeniń buryshynda japalaq (júrgizýshi) otyrady. Qalǵan balalar tyshqan men shymshyqtar bolady. Kúndiz bári júgirip júredi. Tárbıeshi «Túnde» degende olar qozǵalmaı otyrýy kerek. Túnde japalaq ań aýlaýǵa shyǵady. Eger kim qozǵalsa, sony japalaq ustap uıasyna tasıdy. Kelesi joly basqa japalaqty tańdap, oıyn jalǵasady.
«Maımyl men jolbarys»
Sharty: Bul oıyndary kóbinese satylary bar sport bar alańynda oınatsa óte tıimdi. Bireýi jolbarys bolyp, qalǵandary maımyl bolyp banan terýge aǵashqa shyǵady. Jolbarys kelip maımyldardy qýalaıdy, ustasa óz úńgirine tasıdy.

«Durys kózde»
Sharty: Balalar sheńber bolyp týrady. Árqaısysynda bir - bir asyq. Ortada jáshik turady. Bala men jáshiktiń arasy metrden aspaýy kerek. Berilgen sıgnal boıynsha balalar birden jáshikke asyqtardy laqtyrady. Bári laqtyryp bitken soń, asyqty alyp qaıtadan oıyndy qaıtalaýǵa bolady. Eger asyq sheńberge túspese de balalar asyqty alyp, sheńberge turady.

«Dıagnostıkalyq ortalyqta»
Maqsaty: Aýrýhana týraly túsinikterin keńeıte bilý, aýrýhanaǵa qajetti zattardy atap bilýge úıretý. Balalardy meıirimdilikke, janashyrlyqqa tárbıeleý.

«Dúkenshi»
Barlyq zattyń jańasyn,
Satýshydan tabasyń.
Tólep tolyq baǵasyn
Keregeńdi alasyń.

Maqsaty: Balalardy eńbekke, eńbekti qurmetteı bilýge, sypaıylyqqa, izgilikke, adaldyqqa baýlı otyryp, satyp alǵan zatynyń atyn, túsin aıta bilýge, sanaýǵa, toptastyrýǵa, teńestirýge, kóp, az, uǵymyn aıyra bilýge úıretý.
«Qurylysshy»
Taspen saraı qaladym,
Ádemi úıler salamyn.
Kirgizemin shyraıyn -
Aýyl menen qalanyń

Maqsaty: Oıyn arqyly balalardyń bilimderin, túsinikterin tereńirek keńeıtý, oılaý qabiletterin, tilin damytý. Qurylysshy mamandyǵyn qurmetteýge tárbıeleý.
Qalada kóp, bıik úı,
Sonyń biri bizdiń úı.
Barady úıler bıiktep,
Tóbesine tıip kók.

«Shashtaraz»
Ádemilik - uranym,
Qaıshy, taraq - quraǵym,
Shashyńdy alyp áıbattap,
Áp - ádemi qylamyn.
Maqsaty: Balalarǵa shashtarazynyń eńbegin baǵalaı bilýge úıretý jáne paıdalanatyn zattardy ataı bilýge daǵdylandyrý (qaıshy, taraq, aljapqysh, sý, aına)

«Naýbaıhanashy»
Maqsaty: Balalardy naýbaıhanashynyń qyzmetimen tanystyrý. Oıyn arqyly balalardyń oı - qıalyn, til baılyǵyn damytý. Naýbaıhanashynyń eńbegin baǵalaýǵa tárbıeleý.

Nan qoqymyn shashpańdar,
Jerde jatsa baspańdar.
Terip alyp qasterlep,
Torǵaılarǵa tastańdar.

Óner mamandyǵy «Kúıshi, kompozıtor»
Mamandyǵy: Balalardyń jan - jaqty mýzykalyq, shyǵarmashylyq qabiletterin, sezimi men kózqarasyn jáne talǵamyn damytý. Ulttyq aspaptar, kúıshi kompozıtorlar jáne olardyń shyǵarmalary jaıynda, óner mamandyqtary týraly bilimderin keńeıtý. Este saqtaý, án salý, aspaptardy úninen ajyratý qabiletterin damytý, mýzykadan alǵan sezimdi bı qımyldary arqyly bere bilýge úıretý.

Dombyranyń áýenimen úndes edim,
Ózińmen syrlasymdaı tildesemin.
Babamnan qalǵan mura sen bolmasań,
Ónerdiń ne ekenin bilmes edim.