InfoHub Logo

«Rámizderim – maqtanyshym»
Shyǵarma - referat

Búginde jastardy patrıottyqqa tárbıeleýdiń túrli joldary qarastyrylyp keledi. Sonyń biri jastar, jas órender arasynda ulttyq naqyshtarymyz rámizderdi nasıhattaý. Rámiz – bul memlekettiń tólqujaty dese artyq aıtpaǵan bolar edik. Rámizderdi nasıhattaýdaǵy maqsat – árbir jas býyn jetkinshektiń Otan, Qazaqstan, týǵan jer týraly túsinikterin keńeıtý. Qazaqstan Respýblıkasynyń rámizderi týarly túsinikterin qalyptastyrý. Olardy Otansúıgishtikke, adamgershilikke, Otanyna, halqyna adal qyzmet etýge, eliniń Týyn, Eltańbasyn, Ánuranyn qasterleýge, halqynyń tegin, tarıhyn bilýge tárbıeleý.
Batyrlyqtyń ýyzyna jaryǵan,
Er túrkini baıraǵynan tanyǵan
Ózi aqyn, ózi ánshi halyqta,
Kim aıta alar bolmaǵan dep Ánuran –

dep aqyn jyrǵa qosqandaı, grektiń «gımn» sózi qazaqsha «uran», «uran salý» degen uǵymdy bildiredi. Basqa ulttar sekildi qazaq eliniń de árbir rý - taıpasynyń ózine tán tańba belgileri, jalaýymen qatar, Ánurany da bolǵan. Eldi jaý shapqanda jer - jerdegi sarbazdardy jınaýǵa at shaptyryp, uran salady, habar beredi. Kezinde sarbazdarǵa rýh bergen, jaýǵa qarsy erlikpen kúrese bilýge jumyldyrǵan.

Ejelden er degen,
Dańqymyz shyqty ǵoı.
Namysyn bermegen,
Qazaǵym myqty ǵoı!
Urpaqqa jol ashqan,
Keń baıtaq jerim bar.
Birligi jarasqan,
Táýelsiz elim bar.

Ánuranynda jazylǵan óleń shýmaqtary – adamǵa zor rýhanı áser beretin kúshtiń, halyqtyń, ulttyń, memlekettiń, eldiń birliginiń nyshany sıpattalady.
Al elimizdiń kók týyna keler bolsaq. Tý – beıbit kezde qurmetpen saqtalyp, ol tek jaýgershilik kezde ǵana shyǵarylyp otyrǵan. Týdan aıyrylý – ólimmen teń bolǵan. Baýyrjan Momyshuly aıtqandaı «Tý – qasıet! Tý – áskerlerdiń ar namysy»! Tarıh betterine kóz júgirtsek, qazaq jerine kóz tigýshiler az bolmaǵan. Sondaı bir qıyn - qystaý kezeńde uly dana babalarymyz Tóle bı, Qazybek bı, Áıteke bı ordabasyndaǵy jıynnan keıin, Ábilhaıyr han úsh júzdiń basyn qosyp, Bógenbaı batyrǵa qazaqtyń týyn ustatqan eken.
1992 jyl 4 - maýsym – qazaq eliniń tarıh betine altyn áriptermen jazylatyn eleýli kún. Dál osy kúni Respýblıka Joǵary Keńesi táýelsiz QR - nyń memlekettik Týy men Eltańbasyn bekitti. 1992 jyly maýsym aıynda tuńǵysh prezıdent N. Á. Nazarbaev ult Týyna taǵzym etti.

Tý ortasynda kún, onyń astynda qalyqtap ushqan qyran, Týdyń sabynyń tusynda ulttyq órnek naqyshtalǵan tik jolaq kóktep ótedi. Kún shuǵyla, qyran, órnek beınesi altyn tústes.
Kók týdyń jelbiregeni –
Janyma qýat beredi.
Talasqa tússe jan men tý
Jan emes maǵan keregi –
Kók týdyń jelbiregeni –

Dep, aqyn Almas Ahmetbekuly jastardy naǵyz patrıottyq rýh pen tárbıege shaqyra bildi. Aqyn bolsyn, jas bolsyn, kári bolsyn barlyǵynyń mindeti de sol – egemendi elimiz jer álemindegi basqa memlekettermen terezesi teń órkenıetti el retinde óziniń Eltańbasy men Ánuranyn, Týy men Jalaýyn belgilep, osy bir qasıetti belgilerdiń mánin árbir urpaqtyń tereń túsinip, ádeptilik rásimderin oryndaý boryshymyz dep sanaýyn kózdeıdi.
Kún sáýlesi, kók aspan, shańyraq, juldyz, qanatty tulpar, bıdaı sabaqtary – barlyǵy eltańbany beıneleıtin naqyshtar.
Qazaqstan Respýblıkasynyń Memlekettik eltańbasynyń negizine shańyraq alynǵan. Ol eltańbanyń júregi ispettes.
Shańyraq álemniń birtutastyǵyn, memlekettiń bastaýy otbasy oshaǵyn beınelese, qanatty tulpar máńgilik ómir, sheksiz damý jáne Qazaqstan sekildi bir shańyraq astynda ómir súrip jatqan halyqtardyń rýhanı baılyǵynyń belgisi. Qanatty tulpar bolashaqqa úmit artar jas urpaqtyń armany, samǵaý bıigi. Eltańbadaǵy bes juldyz, jaryq juldyz Otanymyzdyń juldyzy bıiktep, baqyt juldyzynan nur shashyp turǵanyn bildiredi. Bıdaı sabaqtary – molshylyqtyń nyshany. Aspan ashyq, juldyzy jarqyraǵan, shańyraǵy bıik, jeńimpaz, molshylyq eliniń perzenti bolý.
Sóz sońyn qoryta kelgende, elimizdiń, jerimizdi, rámizderimizdi, Otanymyzdy qurmetteýge jáne patrıottyq sezimimizdi nyǵaıta túsýge tyrysý – ol árbir azamattyń paryzy! Týǵan jer degen kıeli uǵymdy árbir qazaqstandyq qurmet tutýǵa, qasterleýge mindetti ekenin esten shyǵarmaýǵa tıispiz.

«Rámizderim – maqtanyshym» Shyǵarma - referat. júkteý