InfoHub Logo

1990 jyly qazan aıynyń 25-i kúni Qazaq KSR Joǵarǵy Keńesiniń sheshimimen «Qaz KSR-niń memlekettik egemendigi týraly» deklarasıa qabyldandy. Sol sátten bastap-aq egemendi Qazaqstan ózindik kózqarasy bar jeke memleket retinde tanyla bastady. Qabyldanǵan deklarasıa Qazaqstannyń bolashaq táýelsizdiginiń irgetasy sanaldy. Bul deklarasıanyń qabyldanýymen egemendigin málim etetin jeke terıtorıasy, azamattyǵy, memlekettik búdjeti, halyqaralyq qatynastardaǵy derbestigi, memlekettik rámizderimiz bekitildi. Qazaqstannyń egemendigi jáne terıtorıasynyń tutastyǵy saıası, quqyqtyq jáne ekonomıkalyq turǵydan dáıekteldi. Osy kezden bastap demokratıalyq qoǵam qurý maqsatynda el ishindegi qoǵamdyq-saıası qurylymǵa biraz ózgerister engizile bastady. Bul akt arqyly álem kartasyndaǵy jańa memleket — Qazaqstan Respýblıkasynyń negizi qalandy. Qazir bul kún memlekettik masshtabta atap ótilip, mereke retinde toılanady. 2001 jyly 13 jeltoqsanda qabyldanǵan «Qazaqstan Respýblıkasyndaǵy merekeler týraly» №267 zań boıynsha bul kún memlekettik merekeler qataryna qosyldy.

---