InfoHub Logo

«Sabaqta qoldanylatyn ınterbelsendi ádis-tásildiń túrleri»
«Sabaqta qoldanylatyn ınterbelsendi ádis - tásildiń túrleri» taqyrybyndaǵy aımaq muǵalimderimen júrgizilgen sheberlik synyby
«Maǵan aıtshy - men umytyp qalamyn; maǵan kórsetshi - meniń esimde qalady; ózime istetshi - men sonda túsinemin»(Qytaı maqaly)

Maqsaty:
• Sabaq ótkizýde oqýshy belsendiliginiń áserin arttyrýda,
• ár oqýshynyń múmkindikterin, qabiletterin, qyzyǵýshylyqtaryn anyqtaýda,
• jeke tulǵaǵa baǵyttalǵan bilim berý júıesine kóshýde muǵalimderge kómek retinde ınterbelsendi ádisterdi usyný;

Interbelsendi oqytý ádisterin paıdalaný kezinde
• tıanaqty bilim;
• qıaldaý men shyǵarmashylyq;
• tez til tabysý;
• belsendi ómirlik kózqaras;
• komandalyq rýh;
• jeke; derbestik qundylyq;
• óz pikirin bildirý, erkindik;
• is - áreketke erekshe nazar aýdarý;
• ózara syılastyq daǵdylary damıdy

Ádis túrleri:
 Oıyn túrleri;
 Jeke jáne juptyq, toptyq jumystar;
 Oqýshylardyń óz betinshe is - áreketteri;
 Naqty jaǵdaılar, olardyń nátıjesin jasaý;
 Suraqtar qoıýda yntalandyrý(STO - ǵa úıretý);
 Oqytý máseleleri.

1.“ Ystyq oryndyq” ádisi. Berilgen tapsyrmaǵa baılanysty qoıylǵan suraqtarǵa jyldam jaýap berý kerek, sebebi, oryndyq ystyq.

2.“Avtor oryndyǵy” oqýshynyń ózi jazǵan shyǵarma, essesin oqytqanda otyrǵyzyp oqytýǵa bolady.
Bul ádister úı tapsyrmasyn suraýda, ótken sabaqty bekitýde tıimdi.
3. «Mıǵa shabýyl» strategıasy
(Muǵalimdermen jumys)
Taqyrypqa baılanysty ıdeıalardy kóbirek jazyńyz. Ýaqyt aıaqtalǵanda kezektesip óz ıdeıalaryńyzdy oqısyz, ıdeıa qaıtalanbaý kerek. Qaıtalanǵan ıdeıalardy syzyp tastap otyryńyz. Mysaly: “oqýshylar mektepti tastamas úshin ne isteý kerek?”
4. “3 taıaqsha” ádisi
(muǵalimdermen jumys)
Berilgen taqyrypqa baılanysty
1 suraq
1 jaýap
1 ıdeıa ár top daıarlap, kópshilikke salady.
Mysaly: “deńgeıli oqytý týraly”
5.«Bıngo» oıyny. (Muǵalimdermen jumys)
Lotoǵa túsken sandarǵa baılanysty suraqtar berý. Mysaly: 16 - suraq.
Semınarǵa ne úshin keldińiz?
Aldymen muǵalimderge jaýap bergizip, sońynan daıyn jaýapty ashý, salystyrý.
«Ádis almasý úshin.»

6.«Ózińizdi tekserińiz» ádisi
Bul málimet SHYNDYQ pa nemese JALǴAN ba?
Ótilgen mátin boıynsha mysaldar keltiriledi. Mysaldardy oqý kezinde
oqýshylar ol keltirilgen mysaldyń ótilgen mátinde bar, joǵyn anyqtaıdy.

7. «On suraq!» ádisi.
(muǵalimdermen jumys, gúl, semınar, sabaq, oqý sózderin keltirý)
Muǵalim bir oqýshyny tańdap alady jáne onyń mańdaıyna negizgi sóz jazylǵan stıkerdi japsyrady – qatysýshy synypqa 10 suraq qoıa alady, oǵan jaýap ne IÁ, ne JOQ dep beriledi.
8.«Serpilgen saýal» ádisi
Taqyryptyń túsiný deńgeıin arttyrýǵa jáne talqylaý daǵdylaryn damytýǵa qol jetkizý úshin synyptaǵy oqýshylardyń arasynda suraqtardy laqtyryńyz.