InfoHub Logo

Sabaqty uıymdastyrýǵa arnalǵan ádistemelik nusqaýlyq
«Portrettegi tús. Oryndalý tehnıkasy" taqyrybyna arnalǵan sabaq «Vızýaldy óner» bóliminiń kezekti taqyrybynyń biri.
Oqý maqsaty: 6. 1. 1. 1 - Óziniń jáne basqa oqýshynyń tájirıbesine súıene otyryp, qorshaǵan orta nysandarynyń vızýaldy sıpattamalaryn (kompozısıa, tús, pishin, faktýra, tepe - teńdik) túsiný jáne bilimin kórsetý
6. 2. 1. 1 - Óz ıdeıalary men sezimderin berý úshin qorshaǵan ortanyń vızýaldy elementteri men ónerdiń kórkem tásilderin anyqtaý, tańdaý jáne qoldaný
Sabaq barysy.
Oqýshylar portretti túste salady. Oqýshylar avtoportret oryndaıdy. Formatty oqýshynyń qabiletine qaraı tańdaǵan durys. Tapsyrmany oryndaý barysynda saralaý usynylady. Oqýshylar túste oryndaý úshin materıaldardy ózdiginen tańdaıdy.
Praktıkalyq tapsyrmaǵa kirispes buryn beınematerıal tamashalap, qysqamerzimdi josparda kórsetilgen suraqtarǵa jaýap berýleri qajet. Praktıkalyq tapsyrma barysynda oqýshylarǵa qoldaý kórsetip, portretterin salýdy sýretshilerdiń tájirıbelerine súıenýge bolady.
Praktıkalyq tapsyrmany uıymdastyrý kezeńderi:
Oqýshylar avtoportret nemese ózge portrettiń túrleriniń eskızin oryndaǵan soń, portretti túste oryndaýdyń sharttaryna toqtalyp ótińiz. Praktıkalyq tapsyrmany uıymdastyrý úshin aldyn ala kórkemdik materıaldardy daıyndaý qajet. Portretti túste oryndaýǵa arnalǵan kórkemdik materıaldardy tańdaýda shekteý qoıý usynylmaıdy. Oqýshylardyń qarym - qabiletterine qaraı kez kelgen tehnıkada oryndaı alady. Nemese aralas tehnıkada da oryndalǵan portretterdiń túrlerin kórsetińiz.
1. Portrettiń eskızin salý;
2. Ony túste oryndaý;
3. Ataýyn qoıý;
4. Ásemdeý(ramka, baget, áınek astyna salý jáne t. b.)
5. Tanystyrý.
Baǵalaý
Sabaqtyń baǵalaý krıterıılerine oralyp, oqýshylardyń qandaı baǵalaý krıterıılerine qol jetkizgenin qarastyrýdy surańyz. Eger de oqýshylar baǵalaý krıterıılerine qol jetkizbegen jaǵdaıda sebebin anyqtap, praktıkalyq jumysty josparlaýdyń erekshelikterine toqtalyp ótińiz.
Kórkem eńbek sabaqtaryna arnalǵan qaýipsizdik erejeleri:
jumysty tek qana muǵalimniń ruqsatymen bastaý;
oqytýshynyń ruqsatynsyz oqý, jumys ornyn tastap ketpeý;
qural - saımandardy tek qajetti jaǵdaıda ǵana paıdalaný;
búlingen nemese ótpeıtin qural - saımandarmen jumys istemeý;
jumys ornyn taza ustap, materıaldar men quraldardy tıimdi jumys isteý;
jumys kezinde bóten jaqqa nazar aýdarmaý;
basqa oqýshylardyń jumysyna kedergi jasamaý;
jumys bitisimen materıaldar men quraldardy óz oryndaryna jıyp qoıý.

​Tolyq nusqasyn júktep alý​​​