InfoHub Logo

Qojanasyr túnde bireýdiń baqshasyna túsip, qabyn sábiz ben shomyrǵa toltyra bastaıdy. Kenetten kelip qalǵan baqsha ıesi:

— Eı, Ápendi, siz munda ne istep jatyrsyz? — deıdi aıqaılap.

— Jaı, taza aýa jutyp júrmin, — deıdi Ápendi.

— Al, káne, júr munda!

— Tún ishinde qaıda baramyz?

— Túnimen kókónisti urlaıtyndardy esten shyqpastaı etip jazalaıtyn jerge.

— Aǵataı, — deıdi Qojanasyr jalynyp, — ne isteseń, ony iste, tek meni jurt kózinshe masqaralaı kórme.

— Onda ózińiz julǵan ár sábiz, ár shomyrdan jaza tartyńyz.

Ápendiniń kelispeske amaly qalmaıdy, qojaıyn eki bilegin sybanyp, sábizdermen maı quıryqtan ura bastaıdy. Ápendi ár soqqy jegen saıyn:

— Qudaıym, bir keremet jasaı gór! — dep jalbaryna túsedi.

— Qandaı keremet jasaýdy surap jatyrsyz, Ápendi? — dep suraıdy qojaıyn.

— Qaptaǵy sábizderdiń astynda dáý shomyr jatyr. Sony sábizge aınaldyra gór dep surap jatyrmyn, — depti Qojanasyr.

---